ꞌEvereo 10:4 - Rapa Nui

⁴ Te toto, paꞌi, o te puaꞌa ꞌe o te vato-vato e ko haka kore i te hara o te taŋata.

ꞌEvereo 10:4 ပူးပေါင်းရင်းမြစ်များ

Marko 12:33

ꞌE te haŋa iŋa ki te ꞌAtua hai haŋu taꞌatoꞌa o te māhatu, o te manaꞌu, ꞌe o te pūai, ꞌe te haŋa ki te rua pa he haŋa iŋa ena ꞌā ōꞌou ki a koe, i hau rō atu i te hauhaꞌa ki te meꞌe taꞌatoꞌa tutu ꞌe tūtia ki te ꞌAtua.

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Rōmano 11:27

Pē ira ka haka tano ena te hōrea kī e au mo rāua: he haka kore e au i te rāua hara».

ꞌEvereo 10:1

Hora nei ko aŋi-aŋi ꞌana e tātou: te haka tere iŋa ena ꞌa Mōtē he haꞌaauraꞌa nō o ruŋa o te meꞌe mo oho mai ꞌe taꞌe ꞌō ko rā meꞌe mau era, te auraꞌa, he meꞌe riva-riva era mo vaꞌai mai e te ꞌAtua hai Ietū Kiritō. Te haka tere iŋa ena, paꞌi, ꞌa Mōtē, ꞌina e ko haka tano ki te mata o te ꞌAtua i te nuꞌu haka hāhine ki a ia aŋa ka matahiti ka matahiti i tū tūtia ꞌā.

ꞌEvereo 10:11

ꞌE te aŋa o te ⌊oromatuꞌa⌋ ⌊hūrio⌋ taꞌatoꞌa he tūtia, paurō te mahana, i tū tūtia ꞌā, ka ai atu e ko haka kore, ki te hora hopeꞌa, i te hara o te taŋata e te ŋā tūtia nei.

ꞌEvereo 10:8

Te auraꞌa o te vānaŋa raꞌe kī nei e Ietū: te ꞌAtua ꞌina he haŋa ꞌe he koa ꞌi te rauhuru meꞌe vaꞌai e te taŋata ki a ia, ꞌi te tūtia o te ꞌanimare ꞌe ꞌi te ꞌanimare tūtia tutu ka oti rō mo haka kore o te hara, ka ai atu te ŋā meꞌe nei he meꞌe mo aŋa hāꞌaki ꞌi ruŋa i te haka tere iŋa era ꞌa Mōtē.

ꞌEvereo 9:9

Te meꞌe nei e haka ꞌite mai ꞌā ki a tātou nei pē nei ē: te meꞌe taꞌatoꞌa vaꞌai ꞌe tūtia ki te ꞌAtua e ko haka kore i te hara o te nuꞌu haꞌamuri ki a ia hai rā haka tere iŋa raꞌe era

1 Iovani 3:5

E ꞌite rō ꞌana e kōrua: a Ietū i oho mai ai ki te ao nei mo haka kore i te hara o te taŋata, ꞌe ko ꞌite takoꞌa ꞌana e kōrua: ꞌina ōꞌona hara.