ꞌEvereo 10:34 - Rapa Nui

³⁴ I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

ꞌEvereo 10:34 ပူးပေါင်းရင်းမြစ်များ

1 Pētero 1:4

ꞌe e vaꞌai rō mai i te meꞌe hāpaꞌo mo tātou ꞌi ruŋa i te raŋi, he meꞌe e ko kore, e ko tāpau ꞌe e ko mae-mae ki te hora hopeꞌa.

2 Timoteo 1:16

ꞌE mo ꞌOnetiforo ꞌe mo te nuꞌu taꞌatoꞌa o tōꞌona hare, ka ai ꞌi ruŋa i a rāua te riva rahi o te ꞌAtua. I rahi rō, paꞌi, te mahana i haka haŋu ai i tōꞌoku manaꞌu, ꞌe ꞌina kai haꞌamā ꞌo tōꞌoku puru ꞌi roto i te hare maꞌuꞌaurī.

Tanatiako 1:2

E te taina, ka topa atu ena rauhuru ꞌati, e koa kōrua.

ꞌEvereo 13:3

ꞌIna ko rehu i a kōrua mo hāꞌūꞌū i te taina puru ꞌi roto i te hare maꞌuꞌaurī. E hāpaꞌo kōrua i a rāua pa he meꞌe haŋa o kōrua mo hāpaꞌo atu e te rua i a kōrua. Pē ira takoꞌa i te nuꞌu tōtōā; e tano nō, paꞌi, mo topa takoꞌa atu te ꞌati era ki a kōrua.

Ēfeto 6:20

ꞌO te haka ꞌite ōꞌoku i te ⌊roŋo riva-riva o te ꞌAtua⌋, he aŋa i vaꞌai mai e ia, e puru atu ena a au. E pure kōrua mōꞌoku mo taꞌe riꞌa-riꞌa ōꞌoku ꞌi te hora haka ꞌite o ruŋa i a Ietū Kiritō.

Ruka 12:33

Te kōrua meꞌe e hoꞌo ꞌe e vaꞌai te moni ki te veve. Pē ira he ai te kōrua hauhaꞌa e ko pau ꞌi ruŋa i te raŋi, kona pa he pūtē ena ꞌā ka ꞌī atu, e ko paihi ki te hora hopeꞌa, kona e ko tuꞌu te toke-toke ꞌe te manuꞌino e ko kai.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

ꞌEvereo 11:16

Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

1 Timoteo 6:19

Pē ira he haꞌaputu ꞌi ruŋa i te raŋi te hauhaꞌa parautiꞌa mo te rāua noho iŋa pe muꞌa ka oho ena, ꞌe te rāua noho iŋa ꞌi te ao nei he tano ki te noho iŋa haŋa e te ꞌAtua.

Kōrosa 1:5

ꞌo te ai e tiaki takoꞌa rō ꞌana kōrua ki te meꞌe hōrea mai e ia mo tātou ꞌi te raŋi. A kōrua ko ŋaroꞌa era ꞌana o ruŋa i te meꞌe nei hora haka ꞌite atu era i te roŋo parautiꞌa o te ꞌAtua

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Ēfeto 3:1

A au, a Pauro, i puru nei ꞌi roto i te hare maꞌuꞌaurī ꞌo te aŋa ki a Ietū Kiritō mo te riva-riva o kōrua o te nuꞌu taꞌe he hūrio.

Aŋa o te ꞌĀpōtoro 21:33

He haka hāhine tū kōmana era, he ꞌa-ꞌaru i a Pauro, he kī mo here-here hai vivi e rua. I oti era he ꞌui ko ai a ia ꞌe he aha tāꞌana meꞌe i aŋa.

Aŋa o te ꞌĀpōtoro 5:41

He oho ia tū ŋā ꞌāpōtoro era mai muꞌa o rā nuꞌu ko toꞌo ꞌā te koa, he ꞌite ko haka nui-nui ꞌā a rāua e te ꞌAtua ꞌi te haka rē mo ꞌamo i te ꞌati ꞌo te ai o rāua ꞌa Ietū.

Ruka 10:42

E tahi mau nō meꞌe hopeꞌa o te riva-riva, ꞌe ko rā meꞌe te meꞌe haŋa ꞌa Māria, ꞌe ꞌina e tahi kope mo ravaꞌa mo toꞌo i rā meꞌe mai i a ia.

Māteo 19:21

He pāhono e Ietū: —Mo haŋa ōꞌou mo riro he taŋata ꞌina e tahi hape, ka oho ka hoꞌo tahi tuꞌu hauhaꞌa ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

2 Timoteo 2:9

ꞌO te haka ꞌite ꞌo te oho ōꞌoku i te roŋo ena i topa mai ai te ꞌati, ꞌātā ki te roa ko here-here ꞌana i a au hai vivi pa he taparahi-taꞌata. ꞌE, ka ai atu ko here-here ꞌana i a au, te vānaŋa o te ꞌAtua e ko ravaꞌa mo haka noho.

2 Kōrinto 5:1

Te hakari pa he hare ꞌā, ꞌe e ꞌite rō ꞌā e tātou, hora era mo marere, te auraꞌa, hora era mo mate, e ai rō ꞌā te hare ꞌāpī e tahi ꞌi te raŋi aŋa e te ꞌAtua mo tātou, he hakari e ko mate ki te hora hopeꞌa.

Aŋa o te ꞌĀpōtoro 28:20

I uŋa atu ena a au mo oho mai o kōrua mo vānaŋa-naŋa o tātou ꞌe mo haka ꞌite atu: i here-here nei a au hai vivi ꞌo te ai he parautiꞌa mōꞌoku te ⌊Kiritō⌋ tiaki e tātou e te itaraera i tuꞌu rō mai.

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

Ruka 9:25

¿He aha ia te hauhaꞌa mo te kope e tahi te ai i a ia te meꞌe taꞌatoꞌa o te ao, ꞌe ꞌina i a ia te ora ꞌāpī ꞌina he hopeꞌa raꞌa?

ꞌEvereo 9:15

ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.

ꞌEvereo 13:14

Te ao nei, paꞌi, taꞌe he kāiŋa mau o tātou; e tiaki nō ꞌana a tātou ki te kāiŋa ꞌi te raŋi pe muꞌa ka oho ena.