ꞌEvereo 10:22 - Rapa Nui

²² ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

ꞌEvereo 10:22 ပူးပေါင်းရင်းမြစ်များ

Iovani 3:5

He pāhono e Ietū: —ꞌĪ a au he kī atu: te taŋata mo taꞌe poreko mai roto i te vai ꞌe mai te ⌊Vārua Maitai⌋, e ko oꞌo ki roto i te haka tere iŋa ꞌāpī o te ꞌAtua.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

ꞌEvereo 7:19

Kai ravaꞌa, paꞌi, e te haka tere iŋa era ꞌa Mōtē mo haka tano i te taŋata ki te mata o te ꞌAtua. ꞌE hora nei, ko vaꞌai mai ꞌana e te ꞌAtua i a Ietū mo oromatuꞌa, ꞌe hai ia a tātou e hāhine nei ki te ꞌAtua.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

ꞌEvereo 4:16

ꞌO ira, ꞌina tātou ko riꞌa-riꞌa mo haka hāhine hai pure ki te ꞌAtua, ki haka ꞌaroha mai ai i a tātou ꞌe, ꞌi tōꞌona riva rahi, e hāꞌūꞌū rō mai ꞌi te hora o te ꞌati.

ꞌEvereo 12:24

ki a Ietū, kope ꞌāꞌana te haka riva-riva i te taŋata ki te ꞌAtua ꞌi te haka tere iŋa ꞌāpī nei ꞌāꞌana ananake ko te taŋata; ꞌe ki te toto haka maꞌitaki i a tātou, he toto ꞌata hau rō atu ki te toto o ⌊ꞌĀvere⌋, toto ani era ki te ꞌati kōpeka.

Tito 3:5

ꞌE, ka ai atu ꞌina e tahi meꞌe riva-riva o tātou i aŋa, te ꞌAtua, ꞌi tōꞌona haka ꞌaroha, ko haka eꞌa ꞌā i a tātou mai roto i te ūtuꞌa o te hara hai haka maꞌitaki i te tātou māhatu ꞌe hai vaꞌai mai i te ora ꞌe ꞌi te noho iŋa ꞌāpī hai ⌊Vārua Maitai⌋.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

Ēfeto 3:12

ꞌE hora nei, ꞌo te ai o tātou ꞌa Ietū Kiritō ꞌe ꞌo te haka moe o tātou i te manaꞌu ꞌi ruŋa i a ia, e riva nei tātou mo pure mo haka hāhine ki te ꞌAtua ꞌina he riꞌa-riꞌa.

Tanatiako 4:8

E haka hāhine ki te ꞌAtua, ki haka hāhine atu ai. E te nuꞌu hara ē, ¡ka haka maꞌitaki te kōrua māhatu! E te nuꞌu haŋa ki te ꞌAtua ꞌe ki te haka tere iŋa o te ao nei ē, ¡ka toꞌo te meꞌe rake-rake mai roto i te kōrua māhatu!

ꞌEvereo 9:19

A Mōtē, i oti era te haka ꞌite i te roŋo taꞌatoꞌa o te ꞌAtua ki te taŋata, he toꞌo mai i te huru-huru mea-mea e tahi ꞌe i te maŋa ꞌiti-ꞌiti o te tumu he ꞌītopo, he haka rari ꞌi roto i te toto o te puaꞌa ararua ko te vato-vato ꞌānoꞌi hai vai, ꞌe ꞌai ka pī-pī a ruŋa i te puka o te roŋo ꞌe a ruŋa i te taŋata taꞌatoꞌa.

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Tanatiako 1:6

ꞌE ana no-noꞌi, e haka moe te manaꞌu ꞌi ruŋa i a ia ꞌe ꞌina ko ꞌaka-ꞌaka. Te kope ꞌaka-ꞌaka o te manaꞌu pa he vave ꞌā ꞌi te hora haka makenu e te tokerau ki te pāꞌiŋa ki te pāꞌiŋa.

ꞌEvereo 11:28

He haka moe o Mōtē i te manaꞌu ꞌi ruŋa i te ꞌAtua i aŋa ai i te ⌊ŋoŋoro o te Pakate⌋, pa he meꞌe kī e te ꞌAtua. He uŋa he haka paru hai toto i te ꞌōpani o te hare o te hakaara taꞌatoꞌa o ⌊Itaraera⌋, mo vari roa-roa o te merahi o te mate, ꞌo tiŋaꞌi i te ŋā poki ꞌatariki tane o te itaraera hora tiŋaꞌi era i te ŋā poki ꞌatariki tane o te ehipto.

ꞌEvereo 10:19

E te taina, hora nei, hai haka moe o tātou i te manaꞌu ꞌi ruŋa i te meꞌe ravaꞌa e Ietū mo tātou hai mate ōꞌona ꞌe hai tehe o tōꞌona toto, e tano nei a tātou mo hāhine ki te ꞌAtua ꞌina he riꞌa-riꞌa, pa he hāhine era o te oromatuꞌa ra-rahi ki te ꞌAtua ꞌi roto i te ⌊Kona ꞌAta Moꞌa⌋.

ꞌEvereo 9:10

ꞌo te ai te roŋo o rā haka tere iŋa he meꞌe mau nō o te haho, pa he roŋo o ruŋa i te meꞌe tano mo kai ꞌe mo unu, ꞌe o ruŋa i te ⌊haka maꞌitaki⌋ iŋa. Te ŋā meꞌe nei i hauhaꞌa ai ꞌātā ki te hora mono era e te ꞌAtua hai rua haka tere iŋa.

1 Timoteo 4:2

hāpī e te nuꞌu reo-reo riva a te haho ꞌā ꞌe taꞌe ŋaroꞌa haka ꞌou i te mamae ꞌi roto i a rāua ꞌo te aŋa i te meꞌe taꞌe tano.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Ēfeto 6:5

E te ꞌekaravo, e haꞌatura ki te nuꞌu haka aŋa atu i a kōrua hai moꞌa ꞌe hai māhatu pa he meꞌe: e tāvini ꞌana a kōrua ki a Ietū.

Aŋa o te ꞌĀpōtoro 8:21

E ko tano mo ai i a koe te meꞌe nei; ki te mata o te ꞌAtua meꞌe māhatu taꞌe tano koe.

Iovani 8:9

I ŋaroꞌa era i rā meꞌe e tū nuꞌu era, he haꞌamata he maraŋa he oho, te nuꞌu raꞌe i oho he nuꞌu ꞌata paꞌari. I topa era ararua ko rā viꞌe

Ruka 1:1

I rahi rō te nuꞌu i uꞌi mo pāpaꞌi i te tī-tika mau o te meꞌe i aŋa e Ietū ꞌi roto i te taŋata,

Aŋa o te ꞌĀpōtoro 22:16

ꞌIna koe ko tiaki haka ꞌou. Ka eꞌa ka haka ⌊papatito⌋ i a koe koia ko ani ki a Ietū mo haka kore i tuꞌu hara”.

ꞌEvereo 6:11

E haŋa rō ꞌana a mātou mo aŋa mo oho nō o kōrua pē nā, ꞌe mo ŋatu mo oho i te kōrua haŋu ki te meꞌe hōrea atu e te ꞌAtua ꞌātā ka haka tano tahi rō e ia.

ꞌEvereo 10:1

Hora nei ko aŋi-aŋi ꞌana e tātou: te haka tere iŋa ena ꞌa Mōtē he haꞌaauraꞌa nō o ruŋa o te meꞌe mo oho mai ꞌe taꞌe ꞌō ko rā meꞌe mau era, te auraꞌa, he meꞌe riva-riva era mo vaꞌai mai e te ꞌAtua hai Ietū Kiritō. Te haka tere iŋa ena, paꞌi, ꞌa Mōtē, ꞌina e ko haka tano ki te mata o te ꞌAtua i te nuꞌu haka hāhine ki a ia aŋa ka matahiti ka matahiti i tū tūtia ꞌā.