ꞌEvereo 10:20 - Rapa Nui

²⁰ ꞌE pa he puru iŋa era e te korotina i te Kona ꞌAta Moꞌa, pē ira te hara e puru era i a tātou ꞌo hāhine ki te ꞌAtua. ꞌE hora nei, hai vaꞌai o Ietū i tōꞌona hakari pa he tūtia mo ꞌamo i te ūtuꞌa o te hara mo tātou, i mātaki ai i te ara ꞌāpī mo hāhine o tātou ki te ꞌAtua, ꞌe rā ara ko ia.

ꞌEvereo 10:20 ပူးပေါင်းရင်းမြစ်များ

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 10:9

A au he ꞌōpani: te kope uru a roto i a au he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. He riro pa he māmoe e oꞌo e eꞌa ena, ꞌe he ravaꞌa mauku.

ꞌEvereo 9:3

Te oꞌo iŋa ki te piha nei e puru rō ꞌā hai korotina. E ai takoꞌa rō ꞌana te rua korotina puru i te rua piha e kī era he ⌊Kona ꞌAta Moꞌa⌋.

ꞌEvereo 9:8

Hai ŋā piha nei e rua e haŋa ena te ⌊Vārua Maitai⌋ mo haka ꞌite mai pē nei ē: te ara ki te ꞌAtua e ko ha-hata ki te taŋata mo ai ko te maꞌu iŋa ꞌana i te haka tere iŋa raꞌe era.

ꞌEvereo 6:19

ꞌI te ꞌite o tātou i te ŋā meꞌe nei, e hio-hio nei te tātou manaꞌu, pa he haka hio-hio iŋa ena o te pahī e te ꞌaka, ꞌe he tuꞌu pa he meꞌe: ko oꞌo ꞌā tātou ki te kona era ꞌi ira te ꞌAtua ꞌi te raŋi, pa he oꞌo iŋa o te ⌊oromatuꞌa hopeꞌa o te ra-rahi⌋, ꞌi muꞌa ꞌā, ki te ⌊Kona ꞌAta Moꞌa⌋ puru era hai korotina.

Iovani 10:7

He kī haka ꞌou e Ietū: «He parautiꞌa te meꞌe nei: He ꞌōpani a au a ira te māmoe e uru ena.

1 Iovani 4:2

¿Pē hē a kōrua ana aŋi-aŋi ko ai te kope i a ia te Vārua o te ꞌAtua? He kope nō era mo kī: a Ietū Kiritō pa he taŋata i oho mai ai, i a ia te Vārua o te ꞌAtua.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

Ruka 23:45

Kai māꞌeha haka ꞌou te raꞌā, ꞌe te kahu puru i te kona hopeꞌa o te moꞌa o roto i te ⌊Kona Haꞌamuri ꞌAtua⌋ he paihi a vāeŋa.

Marko 15:38

ꞌI rā hora mau ꞌā te korotina puru i te kona hopeꞌa o te moꞌa o roto i te Kona Haꞌamuri ꞌAtua he paihi mai ruŋa ki raro he topa e rua pāꞌiŋa.

Māteo 27:51

ꞌI rā hora mau ꞌā te korotina o roto i te Kona Haꞌamuri ꞌAtua he paihi mai ruŋa ki raro ꞌe he topa e rua pāꞌiŋa. He mākenu-kenu te henua, ꞌe he ŋāꞌaha-ꞌaha te māꞌea,

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.

Ēfeto 2:15

Pē nei te auraꞌa: ꞌi muꞌa ꞌā te hūrio e taꞌe haka au rō ꞌana ki te nuꞌu taꞌe hūrio ꞌo te taꞌe haꞌatura ki te ⌊haka tere iŋa ꞌa Mōtē⌋. ꞌE a Ietū, hai mate era ōꞌona ꞌi ruŋa i te tātaurō, i haka kore ai i te meꞌe ena he haꞌatura ki rā haka tere iŋa mo tano ki te mata o te ꞌAtua. I aŋa ai pē ira mo riro o te nuꞌu taꞌatoꞌa ꞌāꞌana, ka hūrio, ka taꞌe hūrio, e tahi mau nō nūnaꞌa, ꞌe mo haka poreko i te haumārū ꞌi roto i a rāua.