ꞌEvereo 1:2 - Rapa Nui

² ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.

ꞌEvereo 1:2 ပူးပေါင်းရင်းမြစ်များ

Māteo 13:39

ꞌE tū kope taꞌe haŋa era ki te taŋata era ōꞌona te henua, pī era i te mauku rake-rake ko Rukifero. Te hora era o te hore he paꞌo o te ao, ꞌe te nuꞌu aŋa he merahi.

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Māteo 21:38

I takeꞌa era i rā poki, he kī e tū nuꞌu era ki a rāua ꞌā: “Ko te kope era te kope ki a ia ka topa ena te henua nei; ki tiŋaꞌi ki haka mate, ki topa ai te kona nei mo tātou”.

Māteo 26:63

I mou nō a Ietū. He kī e rā oromatuꞌa: —Mo ai koe he ⌊Kiritō⌋, he Poki o te ꞌAtua, ka kī mai koe hai ꞌīŋoa o te ꞌAtua ora.

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Marko 1:1

Te ⌊roŋo riva-riva o ruŋa i a Ietū⌋ he ⌊Kiritō⌋, Poki o te ꞌAtua, i haꞌamata ai

Marko 12:6

»E tahi nō ia kope toe o rā taŋata mo uŋa: he poki ꞌāꞌana, poki haŋa rahi. ꞌI te hora hopeꞌa he uŋa i rā poki koia ko manaꞌu: “He moꞌa rā i tāꞌaku poki”.

Marko 12:7

»I takeꞌa era e tū nuꞌu ꞌoka kai hāpaꞌo vino era i rā poki, he kī ki a rāua ꞌā: “Ko te kope era te kope ki a ia ka topa ena te henua nei; ki tiŋaꞌi ki haka mate, ki topa rō mai ai te kona nei mo tātou”.

Iovani 1:10

I noho rō te Vānaŋa ꞌi ruŋa i te henua, ꞌe, ka ai atu hai ia te ꞌAtua i aŋa ai i te ao, kai ꞌite e te taŋata ko ai a ia.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:3

ꞌE hai Vānaŋa te ꞌAtua i aŋa ai i te meꞌe taꞌatoꞌa; ꞌina e tahi meꞌe i ai i taꞌe aŋa hai ia.

Iovani 13:32

ꞌE mo ai hai Poki o te taŋata e haka takeꞌa ena i te pūai ꞌe i te nui-nui o te ꞌAtua, pē ira takoꞌa ꞌana e haka takeꞌa ena e te ꞌAtua i te pūai ꞌe i te nui-nui o te Poki. Te meꞌe nei ka topa ena e ko roa hia.

Iovani 15:15

E ko kī haka ꞌou atu a au he tāvini kōrua; te tāvini, paꞌi, ꞌina he ꞌite i te manaꞌu o te kope haka aŋa i a ia. Mōꞌoku a kōrua he repahoa; ko haka ꞌite tahi atu ꞌana, paꞌi, a au i te meꞌe kī mai e tōꞌoku Matuꞌa.

Iovani 16:15

Te manaꞌu taꞌatoꞌa o te ꞌAtua Matuꞌa i a au. ꞌO ira i kī atu ai e au: mai i a au ka ꞌite ena e te Vārua Maitai i tōꞌoku manaꞌu ꞌe māꞌana e haka ꞌite atu.

Iovani 17:2

»Ko vaꞌai ꞌana a koe ki taꞌa Poki i te parau mo haka tere i te taŋata taꞌatoꞌa o te ao ꞌe mo vaꞌai i te ora ꞌāpī ꞌina he hopeꞌa raꞌa ki te nuꞌu haꞌataꞌa e koe māꞌana.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 3:25

Tētahi o te nuꞌu hāpī ꞌāꞌana he haꞌamata he tātake ki te hūrio e tahi o ruŋa i te ⌊haka maꞌitaki⌋ iŋa o rāua.

Iovani 5:26

Te ꞌAtua he tumu o te ora ꞌāpī ꞌe pē ira ꞌā te Poki; ko haꞌatiꞌa hia ꞌā, paꞌi, ꞌe te ꞌAtua.

Iovani 5:27

Te ꞌAtua i vaꞌai rō mai ki a au, ki te ⌊Poki o te taŋata⌋, i te parau mo kī i te meꞌe tano ꞌe i te meꞌe taꞌe tano o te taŋata.

Iovani 9:29

Ko ꞌite ꞌana a mātou i vānaŋa rō te ꞌAtua ki a Mōtē, ꞌe te kope ena, kai ꞌite a mātou mai hē i eꞌa mai ai.

Aŋa o te ꞌĀpōtoro 10:36

»Te ꞌAtua i haka ꞌite rō mai ki a mātou ki te itaraera o ruŋa i te rāveꞌa pē hē ana riva-riva haka ꞌou te taŋata ki a ia hai Ietū Kiritō, he Pūꞌoko Haka Tere o te taꞌatoꞌa nō taŋata.

Aŋa o te ꞌĀpōtoro 2:17

“ꞌI te ŋā mahana hopeꞌa era, i kī ai e te ꞌAtua, e vaꞌai rō e au i tōꞌoku Vārua Maitai ki te taŋata taꞌatoꞌa. Te ŋā poki o kōrua e haka ꞌite rō i te roŋo haka ꞌite e au ki a rāua, te ŋā poki ꞌāpī e takeꞌa rō i te meꞌe haka takeꞌa e au, ꞌe te nuꞌu korohuꞌa e moe vārua rō.

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,

Ēfeto 1:10

ꞌi te mahana kī e ia. Rā meꞌe manaꞌu era e te ꞌAtua mo aŋa he haka riro i a Ietū Kiritō he Pūꞌoko Haka Tere o te meꞌe taꞌatoꞌa o te raŋi ꞌe o te ao.

Ēfeto 3:9

ꞌE ko vaꞌai takoꞌa mai ꞌana i te aŋa he haka aŋi-aŋi ōꞌoku ki te taŋata taꞌatoꞌa pē hē i haka tano ai e ia i tāꞌana meꞌe manaꞌu era mo aŋa. Te ꞌAtua, kope ꞌāꞌana i aŋa i te meꞌe taꞌatoꞌa, ko haka ꞌite mai ꞌana i tāꞌana meꞌe manaꞌu era mo aŋa, he meꞌe taꞌe haka ꞌite era ki te taŋata ꞌi muꞌa ꞌā,

ꞌEvereo 1:5

Te ꞌAtua ꞌina kai kī ki te merahi pē nei ē: «He Poki koe ꞌāꞌaku, ꞌe ꞌi ꞌaŋarīnā he haka takeꞌa e au: a au he Matuꞌa ōꞌou». ꞌE ꞌina kai kī takoꞌa mo te merahi: «He ai a au he matuꞌa mōꞌona, ꞌe a ia mo poki ꞌāꞌaku».

ꞌEvereo 1:8

ꞌE ki te Poki i kī ai: «Tuꞌu haka tere iŋa, e te ꞌAtua ē, ꞌina he hopeꞌa raꞌa, ꞌe hai tī-tika koe e haka tere ena.

ꞌEvereo 11:3

He haka moe o tātou i te manaꞌu ꞌi ruŋa i te ꞌAtua e ꞌite nei: hai vānaŋa era ꞌāꞌana i aŋa ai i te ao. Te meꞌe taꞌatoꞌa e tātou e takeꞌa ena i aŋa ai mai te meꞌe taꞌe takeꞌa.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

ꞌEvereo 3:6

Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.

ꞌEvereo 4:14

A Ietū, Poki o te ꞌAtua, he oromatuꞌa hopeꞌa o te ra-rahi o tātou ꞌi te raŋi. ꞌO ira, e haka moe e oho tātou i te manaꞌu ꞌi ruŋa i a ia.

ꞌEvereo 5:8

A Ietū Kiritō, ka ai atu he Poki o te ꞌAtua, i ꞌamo rō i te ꞌati o te ao nei pa he taŋata; pē ira i aŋi-aŋi ai e paŋahaꞌa rō ꞌā mo te taŋata te meꞌe ena he haꞌatura ki te ꞌAtua.

ꞌEvereo 7:28

ꞌI te haka tere iŋa era ꞌa Mōtē te meꞌe i haka oromatuꞌa he taŋata hara. ꞌE hai hōrea aŋa e te ꞌAtua i mono ai i te haka tere iŋa nei, ꞌe te meꞌe i haka oromatuꞌa mo oromatuꞌa hopeꞌa o te ra-rahi he Poki era ꞌāꞌana, he kope ꞌina e tahi hape ki te hora hopeꞌa.

ꞌEvereo 7:3

ꞌIna e tahi meꞌe ꞌite e te nuꞌu o ruŋa i te matuꞌa tane ꞌe o ruŋa i te matuꞌa vahine ꞌe o tōꞌona tupuna; pē ira ꞌā o ruŋa i tōꞌona poreko ꞌe o ruŋa i tōꞌona mate. ꞌO ira e tuꞌu rō ꞌā pa he meꞌe ena ē: ko te aŋa ko te oho iŋa ꞌā a ia i tāꞌana aŋa pa he oromatuꞌa ꞌina he hopeꞌa raꞌa, pē Ietū, Poki o te ꞌAtua.

ꞌEvereo 9:26

ꞌĀhani, paꞌi, i ai pē ira, ko ai ꞌana meꞌe rahi nō atu mate iŋa o Ietū mai te hora aŋa era e te ꞌAtua i te ao. ꞌE te parautiꞌa mau, hora nei, he hora hopeꞌa, ko tuꞌu mai ꞌā a ia ki te ao nei ꞌe ko vaꞌai ꞌā i a ia, mo te hora taꞌatoꞌa, pa he tūtia mo haka kore mau rō ꞌai i te pūai o te hara mai ruŋa i a tātou.

1 Pētero 1:20

ꞌI te hora kai aŋa hia ꞌā i te ao, i haꞌataꞌa rō ai e te ꞌAtua i te Kiritō mo te meꞌe nei; ꞌe ꞌi te ŋā hora hopeꞌa nei, i tuꞌu mai ai mo te riva-riva o kōrua.

2 Pētero 3:3

Te meꞌe raꞌe mo taꞌe rehu i a kōrua ko te meꞌe nei: ꞌi te ŋā mahana hopeꞌa era e ai rō te nuꞌu, te rāua noho iŋa hai meꞌe pohe nō e te hakari, ꞌe pa he haka meꞌe-meꞌe

Hura 1:18

pē nei ē: «ꞌI te ŋā mahana hopeꞌa ena e ai rō te nuꞌu haka kata-kata ꞌi te ꞌAtua ꞌe ꞌi tāꞌana nuꞌu, ꞌe hai meꞌe taꞌe tano pohe nō e te hakari ka haka tere ena i a rāua».