Ēfeto 6:9 - Rapa Nui

⁹ E a kōrua, e te nuꞌu haka aŋa ē, e uꞌi e hāpaꞌo riva-riva te kōrua ꞌekaravo, ꞌe ꞌina ko haka riꞌa-riꞌa. E manaꞌu: a Ietū Kiritō ꞌi te raŋi he Pūꞌoko Haka Tere o kōrua ꞌe o rāua takoꞌa, ꞌe mōꞌona pē tū huru tahi ꞌā te taŋata.

Ēfeto 6:9 ပူးပေါင်းရင်းမြစ်များ

Māteo 22:10

»He eꞌa ia tū nuꞌu tāvini era ki te ara he haka taka-taka i te nuꞌu taꞌatoꞌa nō era i takeꞌa, ꞌe he ꞌī rō atu ꞌai rā hare e te taŋata.

Māteo 22:8

I oti era he kī ki tōꞌona tāvini: “Ko oti ꞌana te kai te aŋa, ꞌe te nuꞌu hāꞌaki era e au mo oho mai, he nuꞌu taꞌe tano mau ꞌā mo te ŋoŋoro nei.

Māteo 24:48

»ꞌE mo ai he tāvini taparahi-taꞌata manaꞌu e ko hōrou e ko tuꞌu te taŋata haka aŋa i a ia,

Māteo 24:51

he haka ūtuꞌa pa he haka ūtuꞌa iŋa i te nuꞌu riva a te haho nō. He toꞌo ia te taŋi ꞌe te ꞌau-ꞌau raꞌa niho o rā tāvini.

Māteo 7:12

»E aŋa kōrua ki te rua i te meꞌe haŋa e kōrua mo aŋa atu e te rua. Ko te meꞌe nei te hāpī mau o te meꞌe pāpaꞌi e Mōtē ꞌe e te perofeta.

Ruka 6:31

E aŋa koe ki te rua i te meꞌe haŋa e koe mo aŋa atu e te rua.

Iovani 13:13

A kōrua e kī mai ena: “e te Maꞌori”, ꞌe, takoꞌa, “e te Pūꞌoko Haka Tere ē”. Ko tano ꞌana, he aŋi mau ꞌā to kōrua.

Aŋa o te ꞌĀpōtoro 10:34

He haꞌamata ia a Pētero he vānaŋa: —Hora nei ko ꞌite ꞌana a au ꞌina he ꞌAtua he uꞌi i te taŋata hoki he hūrio ꞌo taꞌe he hūrio; mōꞌona te hau taꞌatoꞌa pē tū huru tahi ꞌā.

Rōmano 2:11

A ia, paꞌi, e kī ena i te meꞌe riva-riva ꞌe i te meꞌe taꞌe tano o te taŋata ꞌina he uꞌi hoki he hūrio ꞌo taꞌe he hūrio.

1 Kōrinto 7:22

Te kope, paꞌi, he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei, ko eꞌa ꞌana mai te pūai o te hara mo tāvini takoꞌa ki a Ietū, Pūꞌoko Haka Tere o tātou. ꞌE te kope taꞌe he ꞌekaravo ꞌi te hora haka moe i te manaꞌu ꞌi ruŋa i a Ietū, hora nei pa he ꞌekaravo o te ⌊Kiritō⌋.

Kōrosa 3:25

ꞌe e haka ūtuꞌa rō i te nuꞌu aŋa i te meꞌe taꞌe tano. ꞌE ꞌi te hora kī o te ꞌAtua i te tano ꞌe i te taꞌe tano o te taŋata, ꞌina he uꞌi hoki he kope ra-rahi ꞌo he kope taꞌe ra-rahi. ꞌO ira, e te ꞌekaravo ē, e aŋa riva-riva kōrua ki te nuꞌu haka aŋa atu.

Kōrosa 4:1

ꞌE a kōrua, e te nuꞌu ai o te ꞌekaravo ē, e hāpaꞌo kōrua i a rāua ꞌe e aŋa i te meꞌe tī-tika. ꞌIna ko rehu: e ai takoꞌa rō ꞌana te kōrua Pūꞌoko Haka Tere ꞌi ruŋa i te raŋi.

Tanatiako 2:13

Te nuꞌu taꞌe haka ꞌaroha i te rua taŋata, pē ira takoꞌa ka taꞌe haka ꞌaroha ena i a rāua e te ꞌAtua ꞌi te hora o te ture hopeꞌa, ꞌe te nuꞌu haka ꞌaroha i te rua taŋata, e ko riꞌa-riꞌa ꞌi rā hora.

Tanatiako 2:8

Mo haka tano tahi o kōrua ki te roŋo hopeꞌa o te nui-nui hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «E haŋa koe ki te rua taŋata pa he haŋa iŋa ena ꞌā ōꞌou ki a koe», e aŋa ꞌana kōrua i te meꞌe riva-riva.

Tanatiako 5:4

Te nuꞌu kato i te kōrua kai ꞌe te moni taꞌe ꞌauhau ki a rāua ꞌī e tuhi ꞌana i te kōrua hape, ꞌe te ꞌAtua, i a ia te pūai taꞌatoꞌa, ko ŋaroꞌa ꞌana i te rāua ture.