Ēfeto 6:24 - Rapa Nui

²⁴ Ka ai te riva rahi o te ꞌAtua ꞌi ruŋa i te nuꞌu taꞌatoꞌa haŋa hai māhatu ki a Ietū Kiritō, Pūꞌoko Haka Tere o tātou.

Ēfeto 6:24 ပူးပေါင်းရင်းမြစ်များ

Māteo 22:37

He kī e Ietū: —«E haŋa koe ki te ꞌAtua hai haŋu taꞌatoꞌa o tuꞌu māhatu, o tuꞌu vārua ꞌe o tuꞌu manaꞌu».

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

2 Kōrinto 8:12

Mo ai ꞌi roto i te kōrua māhatu te haŋa parautiꞌa mo vaꞌai, ꞌe te meꞌe vaꞌai e kōrua e tano rō ꞌā ki te meꞌe ai o kōrua, he koa te ꞌAtua. ꞌIna, paꞌi, a ia he no-noꞌi mai ꞌata rahi te meꞌe ki te meꞌe ai o tātou mo vaꞌai.

2 Kōrinto 8:8

Taꞌe a au e kī atu ena i te meꞌe nei pa he meꞌe mo haꞌatura mau ꞌā e kōrua. Mo riva o kōrua mo haꞌatura, ko tano ꞌā. Tōꞌoku haŋa mau mo uꞌi hoki he parautiꞌa mau ꞌana te kōrua haŋa mo te rua, pa he meꞌe i takeꞌa e au ꞌi te taina o Mātērōnia.

Ēfeto 6:23

Mo te ꞌAtua Matuꞌa ꞌe mo te tātou Pūꞌoko Haka Tere ko Ietū Kiritō e vaꞌai atu i te haumārū ꞌe i te haŋa koia ko haka pūai i te kōrua manaꞌu ꞌi ruŋa i a rāua.

Fīripo 1:1

A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

Kōrosa 4:18

ꞌĀꞌaku, a Pauro, i pāpaꞌi atu i te ꞌaroha nei hai rima mau nei ꞌā ōꞌoku. E uꞌi ꞌo rehu: ꞌī a au ꞌi roto i te hare maꞌuꞌaurī; e pure kōrua mōꞌoku. ꞌE ka ai ꞌi ruŋa i a kōrua te riva rahi o te ꞌAtua.

2 Timoteo 4:22

Ka ai i a koe te hāꞌūꞌū o te tātou Pūꞌoko Haka Tere ko Ietū Kiritō, ꞌe te riva rahi o te ꞌAtua ꞌi ruŋa i a kōrua taꞌatoꞌa.

Tito 2:7

ꞌE a koe, e Tito ē, e haka tere koe ꞌi te hora taꞌatoꞌa hai meꞌe tano, ki takeꞌa ai e te nuꞌu pē hē a rāua ana haka tere. E hāpī koe ki te taina hai parautiꞌa, hai pūai o tuꞌu māhatu,

Tito 3:15

Te nuꞌu taꞌatoꞌa o muri i a au ꞌī e ꞌaroha atu ena. E ꞌaroha atu koe ki te tātou repahoa haka moe i te rāua manaꞌu ꞌi ruŋa i a Ietū. ꞌE ka ai ꞌi ruŋa i a kōrua taꞌatoꞌa te riva rahi o te ꞌAtua.

ꞌEvereo 13:25

Ka ai te riva rahi o te ꞌAtua ꞌi ruŋa i a kōrua taꞌatoꞌa.