Ēfeto 6:19 - Rapa Nui

¹⁹ E pure takoꞌa mōꞌoku, ki vaꞌai mai ai e te ꞌAtua i te vānaŋa tano mo kī ꞌi te hora ka vānaŋa era au o ruŋa i te roŋo riva-riva ꞌāꞌana, he parautiꞌa taꞌe haka ꞌite mai era ꞌi muꞌa ꞌā, ꞌe ki vaꞌai takoꞌa mai ai i te pūai ꞌo riꞌa-riꞌa a au ꞌi rā hora.

Ēfeto 6:19 ပူးပေါင်းရင်းမြစ်များ

Aŋa o te ꞌĀpōtoro 13:46

A Pauro ꞌe a Verenāvē, ꞌina he riꞌa-riꞌa, he pāhono: «Te vānaŋa o te ꞌAtua ꞌi raꞌe a māua ana haka ꞌite atu ki a kōrua ki te hūrio. I taꞌe haŋa ena e kōrua ki tāꞌana vānaŋa, e takeꞌa ena: a kōrua he nuꞌu ꞌina he tano mo te ora ꞌāpī ꞌina he hopeꞌa raꞌa vaꞌai e te ꞌAtua. ꞌO ira, hora nei he oho a māua ki te nuꞌu taꞌe he hūrio.

Aŋa o te ꞌĀpōtoro 14:3

Ka ai atu pē ira, i rahi rō te mahana i noho ai ararua ꞌi Īkōnio ꞌe, ꞌi te hio-hio o te rāua manaꞌu ꞌi ruŋa i a Ietū, ꞌina he riꞌa-riꞌa e vānaŋa era o ruŋa i a ia. ꞌE te ꞌAtua, hai pūai vaꞌai ki a kuā Pauro mo aŋa i te mana, e haka takeꞌa e oho era: he parautiꞌa mau ꞌā te meꞌe kī e rāua o ruŋa i tōꞌona riva rahi.

Aŋa o te ꞌĀpōtoro 18:26

He haꞌamata ia he vānaŋa a ꞌĀporo hai pūai ꞌi roto i te hare pure hūrio. He ŋaroꞌa ia e Pirisira ararua ko ꞌĀkira. I oti era tāꞌana tātara, he toꞌo a te tapa ꞌe he ꞌata haka aŋi-aŋi e kuā Pirisira o ruŋa i te ara o te ꞌAtua.

Aŋa o te ꞌĀpōtoro 19:8

ꞌI roto i te ꞌāvaꞌe e toru te aŋa ꞌa Pauro he oho ki te ⌊hare pure hūrio⌋, he haka ꞌite i te ⌊roŋo riva-riva o te ꞌAtua⌋ ꞌina he riꞌa-riꞌa. He vānaŋa ꞌe he tātake ananake ko te ŋāŋata o ira ꞌi te haŋa mo aŋi-aŋi e rāua o ruŋa i te ⌊haka tere iŋa ꞌāpī o te ꞌAtua⌋.

Aŋa o te ꞌĀpōtoro 2:4

He ꞌī ia ananake e te pūai o te Vārua Maitai ꞌe he haꞌamata he vānaŋa ꞌarero kē ꞌarero kē, hai ꞌarero haka vānaŋa e te Vārua Maitai.

Aŋa o te ꞌĀpōtoro 28:31

ꞌIna he riꞌa-riꞌa e haka ꞌite era a Pauro o ruŋa o te haka tere iŋa ꞌāpī o te ꞌAtua ꞌe e hāpī era ki te nuꞌu o ruŋa o Ietū Kiritō, ꞌe ꞌina e tahi nuꞌu i kī mo taꞌe aŋa pē ira.

Aŋa o te ꞌĀpōtoro 4:13

I takeꞌa era e tū nuꞌu ra-rahi era i te haka kē o Pētero ararua ko Iovani e vānaŋa era, ꞌe i ꞌite era he nuꞌu ꞌina he hāpī, he māere ananake ꞌe he aŋi-aŋi: he nuꞌu hāpī e Ietū.

Aŋa o te ꞌĀpōtoro 4:29

»E te ꞌAtua ē, ko ꞌite ꞌana koe pē hē te nuꞌu era i haka riꞌa-riꞌa mai ai. ꞌO ira, ka vaꞌai mai koe ki tuꞌu ŋā tāvini nei hai pūai mo taꞌe riꞌa-riꞌa ana haka ꞌite ana oho i taꞌa vānaŋa,

Aŋa o te ꞌĀpōtoro 4:31

I oti era te pure ananake, he makenu tū kona era ꞌi ira a rāua, he ꞌī tahi ananake e te pūai o te Vārua Maitai, ꞌe he haꞌamata he haka ꞌite he oho i te vānaŋa o te ꞌAtua ꞌina he riꞌa-riꞌa.

Aŋa o te ꞌĀpōtoro 9:27

Ka ai atu pē ira, i maꞌu nō e Verenāvē i a Sauro he haka māhani ki te ⌊ꞌāpōtoro⌋. He ꞌaꞌamu pē hē a Sauro i takeꞌa ai i a Ietū ꞌi te ara ꞌe pē hē i vānaŋa ai a Ietū ki a ia, ꞌe he ꞌaꞌamu takoꞌa pē hē a Sauro i vānaŋa ai hai pūai o ruŋa i a Ietū ꞌi Rāmako.

Aŋa o te ꞌĀpōtoro 9:29

I vānaŋa ꞌe i tātake rō a Sauro ananake ko te tētahi hūrio vānaŋa ⌊kirieko⌋, ꞌe rā nuꞌu e uꞌi rō ꞌā i te rāveꞌa mo tiŋaꞌi mo haka mate.

Rōmano 15:30

E te taina, ꞌi te ai o tātou taꞌatoꞌa ꞌa Ietū Kiritō, he Pūꞌoko Haka Tere o tātou, ꞌe ꞌi te ai o te haŋa ꞌi roto i a tātou vaꞌai mai e te Vārua Maitai, he ani atu a au: e pure kōrua ki te ꞌAtua mōꞌoku.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

1 Kōrinto 1:5

Hai ia, paꞌi, te ꞌAtua i haꞌamaitai ai i a kōrua mo aŋi-aŋi riva-riva e kōrua i tāꞌana vānaŋa ꞌe mo ꞌite mo hāpī i te nuꞌu,

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

1 Kōrinto 4:1

E manaꞌu kōrua i a mātou i te nuꞌu haka ꞌite i te ⌊roŋo riva-riva o te ꞌAtua⌋ pa he tāvini nō o te ⌊Kiritō⌋ uŋa mo haka ꞌite i te meꞌe manaꞌu e te ꞌAtua mo aŋa taꞌe haka ꞌite mai ꞌi muꞌa ꞌā.

2 Kōrinto 1:11

Te meꞌe haŋa he hāꞌūꞌū he pure mai o kōrua mo te mātou aŋa. ꞌE mo rahi o te nuꞌu pure mo mātou, he rahi takoꞌa ia te nuꞌu māuru-uru ki te ꞌAtua o tōꞌona haꞌamaitai mai i a mātou.

2 Kōrinto 3:12

ꞌE, ꞌo te ꞌite o mātou e ko ŋaro te haka tere iŋa ꞌāpī nei, ꞌina e tahi mātou meꞌe naꞌa e haka ꞌite e oho nei o ruŋa.

2 Kōrinto 6:11

E te taina o Kōrinto ē, taꞌatoꞌa meꞌe manaꞌu e mātou ko haka ꞌite tahi atu ꞌana. Ko vaꞌai tahi atu ꞌā a mātou i te mātou māhatu.

2 Kōrinto 7:4

E koa rō ꞌana a au mo kōrua, ꞌe e vānaŋa atu ena taꞌe hai riꞌa-riꞌa. Ka ai atu e ꞌamo rō ꞌana a mātou i te ꞌati, ko te pūai iŋa ꞌana tōꞌoku manaꞌu ꞌe ko te koa iŋa ꞌana a au.

2 Kōrinto 8:7

A kōrua he nuꞌu haka kē ꞌi te meꞌe taꞌatoꞌa: ꞌi te haka moe i te manaꞌu ꞌi ruŋa i a Ietū, ꞌi te ꞌite mo vānaŋa, ꞌi te ꞌite i te hāpī parautiꞌa o te ꞌAtua, ꞌi te haŋa mo hāꞌūꞌū, ꞌe ꞌi te haŋa mo te rua, he meꞌe i ꞌite e kōrua mai i a mātou. Pē ira takoꞌa ꞌana kōrua ana haka kē ꞌi te aŋa riva nei: he haꞌaputu i te moni ꞌi roto i a kōrua mo te taina veve o Hērutarema.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 3:9

ꞌE ko vaꞌai takoꞌa mai ꞌana i te aŋa he haka aŋi-aŋi ōꞌoku ki te taŋata taꞌatoꞌa pē hē i haka tano ai e ia i tāꞌana meꞌe manaꞌu era mo aŋa. Te ꞌAtua, kope ꞌāꞌana i aŋa i te meꞌe taꞌatoꞌa, ko haka ꞌite mai ꞌana i tāꞌana meꞌe manaꞌu era mo aŋa, he meꞌe taꞌe haka ꞌite era ki te taŋata ꞌi muꞌa ꞌā,

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

Kōrosa 4:3

ꞌe e pure takoꞌa mo mātou, ki mātaki ai e te ꞌAtua i te ara mo haka ꞌite mo oho mātou i tāꞌana roŋo, ꞌe mo haka aŋi-aŋi i te parautiꞌa o ruŋa i a Ietū taꞌe haka ꞌite mai era e ia ꞌi muꞌa ꞌā. ꞌO te haka ꞌite ōꞌoku o ruŋa i te meꞌe nei a au e puru atu ena ꞌi roto i te hare maꞌuꞌaurī.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

1 Tētārōnika 5:25

E te taina, e pure takoꞌa kōrua mo mātou.

2 Tētārōnika 3:1

Te meꞌe hopeꞌa, e te taina ē, e pure kōrua mo mātou, ki tuꞌu ai te roŋo parautiꞌa o te tātou Pūꞌoko Haka Tere ki te kona taꞌatoꞌa, ꞌe, takoꞌa, mo toꞌo ꞌe mo haꞌatura e te nuꞌu hai koa pē kōrua.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

Firemono 1:22

E haŋa takoꞌa rō ꞌana a au mo haka riva-riva mai ōꞌou e tahi piha mōꞌoku; ko ꞌite riva-riva ꞌana, paꞌi, e au: te ꞌAtua he haka roŋo i te kōrua pure ꞌe he haka rē mai i a au mo oho atu mo uꞌi i a kōrua.

ꞌEvereo 13:18

E te taina, e pure kōrua mo mātou. E ꞌite riva-riva rō ꞌana a mātou ꞌina e tahi mātou meꞌe taꞌe tano i aŋa ꞌo te ai te meꞌe haŋa nō o mātou mo aŋa he meꞌe riva-riva.