Ēfeto 6:13 - Rapa Nui

¹³ E hāpaꞌo kōrua hai meꞌe taꞌatoꞌa vaꞌai atu e te ꞌAtua mo haka hio-hio ꞌi te hora moto atu e Rukifero. Pē ira e ko ravaꞌa i a kōrua.

Ēfeto 6:13 ပူးပေါင်းရင်းမြစ်များ

Ruka 21:36

ꞌO ira, ꞌi te hora taꞌatoꞌa, e ꞌara te kōrua mata ꞌe e pure mo pūai o kōrua ꞌi te hora o te ꞌati ka tuꞌu mai ena e haka moe nō ꞌana i te manaꞌu ꞌi ruŋa i te ꞌAtua, ꞌo haꞌamā kōrua ꞌi te hora ꞌi muꞌa o te Poki o te taŋata».

Ruka 8:13

»Te kona papa ꞌōꞌone taꞌe rahi era he tētahi nuꞌu ŋaroꞌa i te roŋo riva-riva o te ꞌAtua toꞌo hai koa i rā roŋo ki roto i te rāua māhatu. Te ꞌati nō, he haka moe o rāua i te manaꞌu ꞌi ruŋa i rā roŋo mo te hora nō e tahi ꞌe, ꞌi te hora o te haka ꞌatu, he rehu, pa he taꞌe hio-hio iŋa ena o te aka ꞌi te kona ꞌōꞌone taꞌe rahi.

Rōmano 13:12

Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

2 Kōrinto 10:4

ꞌE te mātou meꞌe maꞌu mo moto taꞌe he meꞌe o te ao nei, he pūai o te ꞌAtua mo rē ki te manaꞌu taꞌatoꞌa poreko mai i a Rukifero taꞌe haka rē i te taŋata mo haka hāhine ki te ꞌAtua. Hai pūai nei o te ꞌAtua e rē nei mātou ki te manaꞌu o te nuꞌu taꞌe haŋa mai,

Ēfeto 5:16

Mo ai o te meꞌe riva-riva mo aŋa e kōrua, e aŋa; hora nei, paꞌi, nuꞌu rahi te nuꞌu aŋa i te meꞌe taꞌe tano.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

Kōrosa 4:12

A Epafara, tāvini takoꞌa o Ietū Kiritō, ꞌī e ꞌaroha atu ena. A ia takoꞌa o te kona ena o kōrua, ꞌe te aŋa nō ꞌāꞌana he ani ki te ꞌAtua mo kōrua ꞌi roto i tāꞌana pure, mo haka hio-hio atu i te manaꞌu ꞌi ruŋa i a Ietū, ki aŋi-aŋi riva-riva ai e kōrua he aha te meꞌe haŋa o te ꞌAtua mo kōrua.

Tanatiako 4:7

ꞌO ira, e haka rē kōrua mo haka tere atu e te ꞌAtua; ꞌina ko haka rē ki a Rukifero, ki tere ai mai muri i a kōrua.

1 Pētero 4:1

Ko ꞌite ꞌana e tātou: a Ietū Kiritō i ꞌamo rō i te ꞌati ꞌi te ao nei. ꞌI roto i tōꞌona manaꞌu, paꞌi, ko haka tano era ꞌana i a ia mo aŋa pē ira, ana haŋa te ꞌAtua. ꞌO ira te tātou manaꞌu e tuꞌu pa he manaꞌu mau era ꞌā ōꞌona. Te kope manaꞌu pē ira ko hārui ꞌana hai tuaꞌivi i te hara,

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.

Meꞌe Haka Takeꞌa 6:17

Ko tuꞌu mai ꞌana, paꞌi, te mahana o te haka ūtuꞌa, ꞌe ꞌina e tahi kope mo haꞌaoromaꞌi».