Ēfeto 6:11 - Rapa Nui

¹¹ E uꞌi e hāpaꞌo kōrua hai meꞌe taꞌatoꞌa vaꞌai atu e ia mo haka hio-hio, ꞌo reo-reo atu kōrua e Rukifero.

Ēfeto 6:11 ပူးပေါင်းရင်းမြစ်များ

Marko 13:22

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana ana ravaꞌa e rāua.

Rōmano 13:12

Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

2 Kōrinto 10:4

ꞌE te mātou meꞌe maꞌu mo moto taꞌe he meꞌe o te ao nei, he pūai o te ꞌAtua mo rē ki te manaꞌu taꞌatoꞌa poreko mai i a Rukifero taꞌe haka rē i te taŋata mo haka hāhine ki te ꞌAtua. Hai pūai nei o te ꞌAtua e rē nei mātou ki te manaꞌu o te nuꞌu taꞌe haŋa mai,

2 Kōrinto 11:3

ꞌE, e riꞌa-riꞌa rō ꞌā a au ꞌo kore te kōrua haŋa parautiꞌa ki te Kiritō, pa he meꞌe topa ki a ⌊Eva⌋ ꞌi te hora haka roŋo ki te reo-reo o tū kōreha era ko Rukifero.

2 Kōrinto 2:11

ꞌo rē a Rukifero; ko ꞌite ꞌana, paꞌi, e tātou he aha tāꞌana meꞌe haŋa.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

2 Kōrinto 6:7

hai hāpī i te roŋo parautiꞌa, ꞌe hai pūai o te ꞌAtua ꞌi roto i a mātou. Te noho iŋa tano nei o mātou ki te mata o ꞌAtua, ꞌi te hora taꞌatoꞌa, pa he meꞌe e rua maꞌu e te vaꞌehau ꞌi te rima ꞌi te hora o te tamaꞌi, e tahi o rā meꞌe mo moto ꞌe te rua mo puru i a ia ꞌo pū.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Ēfeto 4:24

Te meꞌe mo takeꞌa ꞌi ruŋa i a kōrua he huru ꞌe he noho iŋa ꞌāpī tano ki te huru ꞌāpī vaꞌai atu e te ꞌAtua, pa he huru mau era ꞌā ōꞌona. Te noho iŋa nei he noho iŋa tī-tika, tano ki te mata o te ꞌAtua, ꞌina e tahi hape.

Ēfeto 6:13

E hāpaꞌo kōrua hai meꞌe taꞌatoꞌa vaꞌai atu e te ꞌAtua mo haka hio-hio ꞌi te hora moto atu e Rukifero. Pē ira e ko ravaꞌa i a kōrua.

Kōrosa 3:10

Te ꞌAtua ko vaꞌai atu ꞌana i te huru ꞌāpī, ꞌe ꞌāꞌana te aŋa te oho atu ꞌi roto i te kōrua māhatu mo riro o kōrua pē ia, ki ꞌata māhani ai kōrua i a ia.

1 Tētārōnika 5:8

A tātou, te nuꞌu o te ꞌōtea, e ꞌite mo hāito, paurō te mahana, i te tātou meꞌe kī ꞌe i te tātou meꞌe aŋa. ꞌE pa he hāpaꞌo iŋa o te vaꞌehau i a ia hai kahu aŋa hai ꞌaurī, pē ira takoꞌa ꞌana a tātou ana hāpaꞌo i a tātou hai haka moe i te manaꞌu ꞌi ruŋa i a Ietū ꞌe hai haŋa ki a ia ꞌe ki te rua, ꞌo aŋa mai e Rukifero i te meꞌe mo haka hara i a tātou. ꞌE pa he hāpaꞌo iŋa o te vaꞌehau i tōꞌona pūꞌoko e puꞌa i te haꞌu aŋa hai ꞌaurī, pē ira takoꞌa tātou ana hāpaꞌo i a tātou hai maꞌu hio-hio ꞌi roto i a tātou i te parautiꞌa: a Ietū e haka eꞌa rō i a tātou mai roto i te ūtuꞌa o te hara ꞌe e vaꞌai rō mai i te ora ꞌāpī ꞌina he hopeꞌa raꞌa.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

Tanatiako 4:7

ꞌO ira, e haka rē kōrua mo haka tere atu e te ꞌAtua; ꞌina ko haka rē ki a Rukifero, ki tere ai mai muri i a kōrua.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.

Hura 1:24

Ki haꞌahana-hana tahi tātou ki te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa hai Ietū Kiritō, he Pūꞌoko Haka Tere o tātou. I te ꞌAtua mau nō te pūai mo hāpaꞌo i a tātou ꞌo oꞌo ki roto i te hara, ꞌe mo haka māroa i a tātou pe muꞌa ka oho ena ꞌi muꞌa i a ia ꞌi roto i tōꞌona pūai ꞌana-ꞌana e koa rō ꞌana ꞌe ꞌina e tahi hape. I a ia mau nō te nui-nui, te pūai, te parau o te meꞌe taꞌatoꞌa ꞌi muꞌa ꞌā, ꞌi te hora nei ꞌe ꞌina he hopeꞌa raꞌa. ⌊ꞌĀmene⌋.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.

Meꞌe Haka Takeꞌa 19:20

Te manuꞌino nei ko ꞌa-ꞌaru ꞌā, ꞌe ko ꞌa-ꞌaru takoꞌa ꞌā tū perofeta reo-reo aŋa era ꞌi muꞌa i rā manuꞌino i te mana ꞌe i te tētahi atu meꞌe mo māere o te taŋata. Hai ŋā meꞌe nei i haka rē ai te nuꞌu i a rāua mo tāpaꞌo hai tāpaꞌo o te manuꞌino, ꞌe i haꞌamuri ai i te ꞌītoro aŋa pē ia. I oho era he toꞌo mai he hoa ora i rā manuꞌino ꞌe i rā perofeta reo-reo era ki roto i te pōꞌauahi, kona ꞌi ira e ura ena te azufre.

Meꞌe Haka Takeꞌa 2:24

’ꞌE a kōrua, te tētahi nuꞌu haka moe i te manaꞌu ꞌi ruŋa i a au o Tiatira taꞌe maꞌu i te hāpī o te viꞌe ena, hāpī kī e te tētahi he hāpī hōhonu, ꞌe te parautiꞌa mau he hāpī ꞌa Rukifero, he kī atu a au: ꞌina a au e ko haka ꞌamo i a kōrua hai meꞌe haka ꞌou mo haꞌatura.