Ēfeto 5:9 - Rapa Nui

⁹ ꞌE te meꞌe poreko mai te nuꞌu noho ꞌi roto i te māꞌeha he meꞌe riva-riva, tī-tika ꞌe parautiꞌa.

Ēfeto 5:9 ပူးပေါင်းရင်းမြစ်များ

Māteo 3:8

Ka haka tī-tika te kōrua noho iŋa ki takeꞌa ai he parautiꞌa mau ꞌā ko huri ꞌana te kōrua manaꞌu ki te ꞌAtua.

Iovani 1:47

I uꞌi era e Ietū ka hāhine mai a Natanaera, he kī: —ꞌĪ mau te kope he itaraera parautiꞌa, e ko kī e tahi reo-reo.

Rōmano 15:14

E te taina ōꞌoku ē, e ꞌite riva-riva rō ꞌana a au: te kōrua noho iŋa noho iŋa tano ki te mata o te ꞌAtua, ko ꞌite riva-riva ꞌana kōrua o ruŋa i te hāpī parautiꞌa ꞌāꞌana, ꞌe e tano rō ꞌana mo hāꞌūꞌū ꞌi roto i a kōrua ꞌā mo haka tika o ruŋa i te meꞌe haŋa o te ꞌAtua.

Rōmano 2:4

ꞌIna koe he tapa atu i te riva rahi taꞌe pau o te ꞌAtua, tōꞌona haꞌaoromaꞌi iŋa, ꞌe tōꞌona huru haumārū mo tiaki mai. ꞌIna e koe he ꞌite: te ꞌAtua e haka takeꞌa atu ena i tōꞌona riva rahi ꞌi te haŋa ōꞌona mo huri ōꞌou i tuꞌu manaꞌu ki a ia.

Ēfeto 4:15

E ai rō tātou pa he nuꞌu paꞌari maꞌu hio-hio ꞌe haka ꞌite hai haŋa ki te nuꞌu i te hāpī parautiꞌa o te ꞌAtua, ꞌe te tātou huru e hāhine e oho rō ki te huru riva o Ietū Kiritō, Pūꞌoko o tātou.

Ēfeto 4:25

ꞌO ira, ꞌina ko reo-reo haka ꞌou; e kī te parautiꞌa ki te rua. Taꞌatoꞌa nō, paꞌi, a tātou o tū hakari ꞌā.

Ēfeto 6:14

E maꞌu hio-hio te parautiꞌa o te ꞌAtua pa he vaꞌehau e haratuꞌa ena i te pena mo haka noho i tōꞌona kahu ꞌi te hora oho ki te tamaꞌi. E tano te kōrua noho iŋa ki te mata o te ꞌAtua, ki riro ai rā noho iŋa he meꞌe mo hāpaꞌo atu i a kōrua pa he kahu aŋa hai ꞌaurī e hāpaꞌo ena i te uma o te vaꞌehau.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

Kōrosa 3:18

E te ŋā viꞌe, e haka rē mo te kōrua kenu e haka tere atu, he oho iŋa tano o te ŋā viꞌe haka moe i te manaꞌu ꞌi ruŋa i a Ietū.

1 Timoteo 6:11

ꞌE a koe, e te taŋata o te ꞌAtua ē, e tere mai te ŋā meꞌe taꞌatoꞌa nei. Tuꞌu noho iŋa e ai noho iŋa tī-tika, moꞌa ꞌe haꞌatura ki te ꞌAtua. E haka moe e oho koe i te manaꞌu ꞌi ruŋa i a Ietū, e haŋa ki te rua, e ꞌite i te haꞌaoromaꞌi i te ꞌati hai pūai, ꞌe te meꞌe taꞌatoꞌa kī ꞌe aŋa e koe e aŋa hai haumārū.

ꞌEvereo 1:8

ꞌE ki te Poki i kī ai: «Tuꞌu haka tere iŋa, e te ꞌAtua ē, ꞌina he hopeꞌa raꞌa, ꞌe hai tī-tika koe e haka tere ena.

ꞌEvereo 11:33

He haka moe i te manaꞌu ꞌi ruŋa i te ꞌAtua te ŋā nuꞌu nei ꞌe te tētahi atu i rē ai i te tamaꞌi ꞌe i ravaꞌa henua ai, i haka tere ai i te taŋata hai tī-tika, i ai ai i a rāua te meꞌe hōrea e te ꞌAtua, i puru ai i te haha o te reone,

1 Iovani 2:29

Ko ꞌite ꞌana e kōrua: a Ietū he kope aŋa i te meꞌe tī-tika. ꞌE e ꞌite takoꞌa: te nuꞌu taꞌatoꞌa aŋa i te meꞌe tī-tika he ŋā poki o te ꞌAtua.

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.