Ēfeto 5:3 - Rapa Nui

³ E ai te kōrua noho iŋa noho iŋa tano o te nuꞌu haꞌataꞌa e te ꞌAtua māꞌana. ꞌIna kōrua ko moe i te viꞌe ꞌe i te taŋata taꞌe he kenu ꞌe he viꞌe o kōrua, ꞌina kōrua ko aŋa i te tētahi haka ꞌou atu meꞌe taꞌe tano tuꞌu pē ira ꞌe, takoꞌa, ꞌina ko nou-nou. E hāpaꞌo te kōrua noho iŋa, ꞌo manaꞌu tāꞌue te nuꞌu pē nei ē: e aŋa rō ꞌana kōrua i te ŋā meꞌe nei.

Ēfeto 5:3 ပူးပေါင်းရင်းမြစ်များ

Māteo 15:19

Mai roto i te māhatu o te taŋata, paꞌi, e eꞌa ena te manaꞌu rake-rake, te tiŋaꞌi te haka mate i te taŋata, te taiꞌata, te piri tane taꞌatoꞌa taꞌe haꞌatiꞌa e te ꞌAtua, te toke, te reo-reo, ꞌe te vā-vā.

Ruka 12:15

ꞌE he kī takoꞌa: —E hāpaꞌo kōrua e te nou-nou; taꞌe, paꞌi, ꞌi te rahi o te hauhaꞌa te ora o te taŋata.

Ruka 16:14

I ŋaroꞌa era i tū meꞌe taꞌatoꞌa era e te ⌊fariseo⌋, he nuꞌu nou-nou moni, he haka ka-kata i a Ietū.

Aŋa o te ꞌĀpōtoro 15:20

Ki pāpaꞌi ki haka ꞌite ki rā nuꞌu i te meꞌe mo taꞌe aŋa e rāua: he kai i te kiko tūtia ki te ꞌītoro, he taꞌe piri tane ki te kope taꞌe he kenu ꞌe he viꞌe ꞌāꞌana, he kai i te kiko o te ꞌanimare ꞌina kai haka hiho i te toto, ꞌe he kai i te toto.

Aŋa o te ꞌĀpōtoro 20:33

»Ki te hora hopeꞌa kai fiꞌiꞌi a au ki te moni ꞌe ki te kahu o tētahi.

Rōmano 1:29

Te meꞌe aŋa mau nō he meꞌe rake-rake pa he nou-nou, tōtōā i te rua taŋata, pohe ki te meꞌe o te rua, tiŋaꞌi haka mate i te rua taŋata, haka tumu i te ture, reo-reo, mura-mura

Rōmano 16:2

Ki tuꞌu atu, e uꞌi kōrua e haka naho-naho i a ia ꞌo te ai takoꞌa ōꞌona ꞌa Ietū, he meꞌe mau ꞌā, paꞌi, mo aŋa e tātou e te taina haka moe i te manaꞌu ꞌi ruŋa i a Ietū. ꞌE mo hape o te meꞌe, e hāꞌūꞌū kōrua. I rahi rō, paꞌi, te nuꞌu i hāꞌūꞌū e ia, ꞌātā i hāꞌūꞌū takoꞌa rō mai i a au.

Rōmano 6:13

ꞌIna ko vaꞌai i te kōrua hakari ki te hara, ꞌo riro te hakari he meꞌe mo aŋa o te meꞌe taꞌe tano. Te meꞌe o kōrua mo aŋa, pa he taŋata ora haka ꞌou mai te mate, he vaꞌai i a kōrua ki te ꞌAtua mo haka tere atu, ꞌe te kōrua hakari pa he meꞌe mo aŋa o te meꞌe tī-tika ꞌi muꞌa ōꞌona.

1 Kōrinto 10:8

ꞌIna tātou ko moe i te viꞌe i te taŋata taꞌe he viꞌe ꞌo he kenu hāipo-ipo, pa he meꞌe aŋa e te tētahi o te nuꞌu era. ꞌI te aŋa o rāua i te meꞌe nei i mā-mate ai e piti ꞌahuru mā toru taꞌutini taŋata ꞌi te mahana mau nō e tahi.

1 Kōrinto 5:1

E te taina, ko ŋaroꞌa ꞌana a au i te vānaŋa: te kope e tahi o roto i a kōrua ko noho ꞌā ki te viꞌe o tōꞌona matuꞌa tane. Te meꞌe tuꞌu pē nei meꞌe taꞌe tano, ꞌe he hara taparahi-taꞌata ꞌina kai takeꞌa ꞌā korohaŋa ꞌi roto i te nuꞌu kai ꞌite ko ai te ꞌAtua parautiꞌa mau.

1 Kōrinto 6:13

ꞌE mo kī o te rua kope pē nei ē: «Te ꞌAtua i aŋa ai i te tātou kōpū mo te kai ꞌe te kai mo te kōpū», he aŋi takoꞌa ꞌā tāꞌana vānaŋa, ka ai atu pe muꞌa ka oho ena e ko ai haka ꞌou pē ira. Te meꞌe nō, ꞌina kōrua ko manaꞌu: pē ira takoꞌa ꞌana te hakari. Te ꞌAtua, paꞌi, kai aŋa i te hakari mo moe i te viꞌe ꞌo i te taŋata taꞌe he kenu taꞌe he viꞌe; i aŋa ai e te ꞌAtua mo tāvini ki te tātou Pūꞌoko Haka Tere ko Ietū Kiritō, ꞌe tāꞌana meꞌe haŋa he hāpaꞌo o tātou i te hakari.

1 Kōrinto 6:18

ꞌO ira, e hāpaꞌo kōrua e te hara he moe i te viꞌe i te kenu taꞌe o kōrua. Te kope moe i te viꞌe i te kenu taꞌe ꞌāꞌana e hara ꞌana ki tōꞌona hakari ꞌe ki tōꞌona vārua. ꞌE ꞌina he rua hara hopeꞌa o te taparahi-taꞌata tōtōā i te taŋata pa he hara nei.

2 Kōrinto 12:21

E riꞌa-riꞌa takoꞌa rō ꞌana a au ꞌo haꞌamā a au i a kōrua ꞌi muꞌa i te ꞌAtua ꞌi tōꞌoku ara oho uꞌi atu i a kōrua, ꞌe he taŋi a au ꞌi te rahi o kōrua mai muꞌa ꞌā e hara e oho mai ena ꞌina he haka rē i te meꞌe taꞌe tano pa he moe i te viꞌe ꞌe i te taŋata taꞌe he kenu ꞌe he viꞌe ꞌāꞌana, ꞌe he tētahi atu meꞌe taꞌe tano pohe e te hakari.

Ēfeto 5:12

Te meꞌe aŋa e te nuꞌu era e naꞌa rō ꞌā ꞌo takeꞌa e te taŋata he meꞌe haꞌamā ꞌātā mo vānaŋa o ruŋa.

Ēfeto 5:5

E ꞌite kōrua: te kope aŋa i te meꞌe taꞌe tano pohe e te hakari, te kope aŋa i te meꞌe hano-hano, ꞌe te kope haka rē i a ia ki te nou-nou, e ko oꞌo ki roto o te nūnaꞌa taŋata haka tere e Ietū ꞌe e te ꞌAtua. Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

1 Tētārōnika 4:3

Te haŋa o te ꞌAtua: he ai o te kōrua noho iŋa ꞌina e tahi hara, he taꞌe moe e tahi kope i te viꞌe ꞌe i te taŋata taꞌe he viꞌe ꞌo he kenu ꞌāꞌana,

1 Tētārōnika 4:7

Taꞌe, paꞌi, mo noho ꞌi roto i te hara i haꞌataꞌa ai e te ꞌAtua i a tātou i te nuꞌu haka moe i te manaꞌu ꞌi ruŋa i a Ietū; i haꞌataꞌa ai mo noho ꞌina e tahi hara.

1 Timoteo 2:10

Te haka tau iŋa mau hai huru o te meꞌe riva-riva aŋa, he meꞌe tano o te ŋā viꞌe haŋa mo moꞌa ꞌe mo haꞌamuri ki te ꞌAtua.

1 Timoteo 3:3

ꞌIna ko ai he kope taꞌero ꞌava ꞌe rava moto. E ai he taŋata māhatu riva ꞌe haumārū, taꞌe nou-nou moni,

1 Timoteo 6:10

Te nou-nou ki te moni he tumu o te rauhuru atu meꞌe taꞌe tano. ꞌE nā e ai rō ꞌana te nuꞌu, ꞌi te pohe rahi ki te moni, ko haka tapa ꞌana i te manaꞌu mai ruŋa i te ꞌAtua, ꞌe ko ꞌamo ꞌana meꞌe rahi nō atu ꞌati i kimi e rāua ꞌā.

2 Timoteo 3:2

He ꞌino te taŋata, he haŋa ki te moni nō, he haka meꞌe i a rāua, he manaꞌu i a rāua mau nō te tano, he vānaŋa taꞌe tano mo te ꞌAtua, e ko haꞌatura ki te rāua matuꞌa, e ko ꞌite mo māuru-uru ꞌe ꞌina takoꞌa e ko moꞌa i te hāpī o te ꞌAtua.

Tito 1:11

Te meꞌe haŋa he ꞌapi i te haha o te nuꞌu era; ko rahi ꞌā, paꞌi, te huaꞌai huri o te manaꞌu ꞌi te hape o te rāua hāpī. Te meꞌe haŋa o te nuꞌu pē rā he huhu i te kete o te rua.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

Tito 2:3

ꞌE ki te ŋā viꞌe paꞌari e hāpī mo haka tere i a rāua hai moꞌa ꞌe hai haꞌatura ki te ꞌAtua, ꞌe mo taꞌe ai he ŋā viꞌe haꞌaꞌino ꞌe taꞌero. E ai he ŋā viꞌe hāpī i te meꞌe riva-riva,

ꞌEvereo 12:16

ꞌIna e tahi o kōrua mo moe i te viꞌe i te taŋata taꞌe he viꞌe ꞌo he kenu o kōrua ꞌe ꞌina e tahi mo taꞌe moꞌa i te meꞌe o te ꞌAtua pē ⌊Etaū⌋, kope hoꞌo i tōꞌona tōroꞌa ꞌatariki ki te mareti kai.

1 Pētero 5:2

E te pūꞌoko haka tere, e hāpaꞌo riva-riva kōrua i te māmoe o te ꞌAtua haka hāpaꞌo atu ki a kōrua. ꞌE ana hāpaꞌo, hai māhatu, pa he meꞌe haŋa o te ꞌAtua, taꞌe ꞌō ꞌo te ai nō ꞌāꞌana i kī atu. E hāpaꞌo hai haŋa, taꞌe ꞌō hai pohe ki te moni.

2 Pētero 2:10

Te nuꞌu ka ꞌata haka ūtuꞌa ena e te ꞌAtua he nuꞌu taꞌe moꞌa i a ia ꞌe he nuꞌu aŋa oho i te meꞌe pohe nō o te hakari. ꞌE te ŋā maꞌori reo-reo nei he nuꞌu pūꞌoko hio-hio, taꞌe raku i te rāua vānaŋa, ꞌe taꞌe riꞌa-riꞌa mo kī i te vānaŋa taꞌe tano mo te kope ꞌata hau rō atu ki a rāua.

2 Pētero 2:14

ꞌIna e tahi viꞌe taꞌe pohe e rāua mo moe; e ko rohi-rohi mo hara. Te aŋa nō he reo-reo ki te nuꞌu māhatu rehe-rehe; he ꞌaito mo te meꞌe he nou-nou; e ko taꞌe haka ūtuꞌa rāua e te ꞌAtua.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.

Meꞌe Haka Takeꞌa 2:14

’Ka ai atu pē ira, e ai rō ꞌā tāꞌaku ture māꞌau: ꞌi te kona ena e ai rō ꞌā te kōrua nuꞌu ko te maꞌu iŋa ꞌana i te haka tere iŋa era ꞌa ⌊Vārama⌋. O te kope nei, paꞌi, i hāpī i a Vāraka pē hē ana haka hara i te itaraera hai haka haŋu i a rāua mo kai i te kai tūtia ki te ꞌītoro ꞌe mo moe i te viꞌe ꞌe i te taŋata taꞌe he viꞌe ꞌo he kenu ꞌāꞌana.

Meꞌe Haka Takeꞌa 2:21

I vaꞌai rō au i te hora mo huri o tōꞌona manaꞌu ki te ꞌAtua ꞌe ꞌina kai haŋa, ꞌe kai haŋa takoꞌa mo haka rē i tāꞌana meꞌe aŋa he moe i te kenu taꞌe ꞌāꞌana.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.

Meꞌe Haka Takeꞌa 9:21

ꞌE ꞌina takoꞌa kai haka rē i te tiŋaꞌi i te haka mate i te taŋata, i te aŋa i te tahu-tahu, i te moe i te viꞌe i te taŋata taꞌe he viꞌe he kenu ꞌāꞌana ꞌe i te toke.