Ēfeto 5:29 - Rapa Nui

²⁹ ꞌIna, paꞌi, e tahi taŋata taꞌe haŋa ki tōꞌona hakari. Te meꞌe aŋa he hāŋai ꞌe he hāpaꞌo, pa he hāpaꞌo iŋa o Ietū Kiritō i a tātou i te nūnaꞌa taŋata haka moe i te manaꞌu ꞌi ruŋa i a ia.

Ēfeto 5:29 ပူးပေါင်းရင်းမြစ်များ

Māteo 23:37

»¡E Hērutarema ē, e Hērutarema tiŋaꞌi i te perofeta, ꞌe tamaꞌi hai māꞌea i te nuꞌu uŋa e te ꞌAtua ē! ¡Ka hia rā nei mahana ōꞌoku i haŋa mo haka taka-taka i taꞌa ŋā poki pa he haka taka-taka iŋa o te ꞌuha i tāꞌana māꞌaŋa ꞌi raro i te karā, ꞌe ꞌina a koe he haŋa!

Māteo 6:26

»E uꞌi rā te manu: ꞌina he ꞌoka, ꞌina he kato ꞌe ꞌina he hāpaꞌo i te kai ꞌi roto i te hare haꞌaputu kai. Ka ai atu pē ira, te Matuꞌa o kōrua ꞌi te raŋi e hāŋai rō ꞌana i a rāua. ꞌE a kōrua i hau rō atu ꞌi te hauhaꞌa ki te manu.

Rōmano 1:31

taꞌe haka topa i te manaꞌu, taꞌe aŋa i te rāua meꞌe kī, taꞌe haka ꞌaroha ꞌi te nuꞌu ꞌe taꞌe haŋa ki te rua.

Ēfeto 5:28

Pē ira a kōrua te kenu ana haŋa ki te kōrua viꞌe, pa he haŋa iŋa mau ena ꞌā ki te kōrua hakari. Te kope haŋa ki tāꞌana viꞌe e haŋa ꞌā ki a ia mau ꞌā.

Ēfeto 5:30

A tātou taꞌatoꞌa, paꞌi, he hakari ōꞌona; e tahi e tahi o tātou he kona o rā hakari.

Ēfeto 5:31

E kī rō ꞌana, paꞌi, ꞌi ruŋa i te Pāpaꞌi Moꞌa pē nei ē: «Te taŋata e hāipo-ipo ena, he haka rē i tōꞌona matuꞌa tane ꞌe i tōꞌona matuꞌa vahine mo noho ꞌi muri i tāꞌana viꞌe ꞌe ararua he riro he hakari mau nō e tahi».