Ēfeto 5:24 - Rapa Nui

²⁴ Pa he haka rē iŋa o tātou o te nuꞌu haka moe i te manaꞌu ꞌi ruŋa i a Ietū mo haka tere mai e ia, pē ira takoꞌa ꞌana te ŋā viꞌe ana haka rē i a rāua mo haka tere e te rāua kenu ꞌi te meꞌe taꞌatoꞌa.

Ēfeto 5:24 ပူးပေါင်းရင်းမြစ်များ

Ruka 10:17

Tū nuꞌu era e hitu ꞌahuru mā piti e koa rō ꞌana i hoki ai, he kī: —¡E Ietū, ꞌātā ki te tātane i haka roŋo mai ai ꞌi te hora kī o mātou mo eꞌa mai roto i te taŋata hai ꞌīŋoa ōꞌou!

Ēfeto 5:23

Te kenu, paꞌi, he pūꞌoko o te viꞌe, pē Ietū he pūꞌoko o te nūnaꞌa taŋata ⌊haka moe i te manaꞌu⌋ ꞌi ruŋa i a ia, hakari ōꞌona. A Ietū takoꞌa he kope haka eꞌa i a rāua mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa.

Ēfeto 5:25

E te kenu, e haŋa ki te kōrua ŋā viꞌe, pa he haŋa iŋa ena ꞌā o Ietū ki a tātou, ki te nuꞌu taꞌatoꞌa haka moe i te manaꞌu ꞌi ruŋa i a ia, haka takeꞌa hai vaꞌai iŋa era i a ia ki te mate mo tātou.

Ēfeto 5:33

ꞌE mo kōrua takoꞌa te vānaŋa nei: e haŋa te kenu ki tāꞌana viꞌe, pa he haŋa iŋa mau era ꞌā ōꞌona ki a ia, ꞌe te viꞌe, e ꞌite mo moꞌa i tāꞌana kenu.

Kōrosa 3:20

E te ŋā poki, e haꞌatura ki te kōrua matuꞌa i te meꞌe taꞌatoꞌa, he meꞌe koa o te ꞌAtua.

Kōrosa 3:22

E te ꞌekaravo, e haꞌatura ki te vānaŋa taꞌatoꞌa o te kope ꞌāꞌana te haka aŋa atu, ꞌe taꞌe nō ꞌō ꞌi te hora ꞌi muri i a kōrua ki koa ai. ꞌI te taꞌatoꞌa nō hora kōrua ana haꞌatura ki rā kope hai māhatu ꞌi te meꞌe era e moꞌa rō ꞌā a kōrua i a Ietū.

Tito 2:7

ꞌE a koe, e Tito ē, e haka tere koe ꞌi te hora taꞌatoꞌa hai meꞌe tano, ki takeꞌa ai e te nuꞌu pē hē a rāua ana haka tere. E hāpī koe ki te taina hai parautiꞌa, hai pūai o tuꞌu māhatu,

Tito 2:9

E hāpī koe ki te ꞌekaravo mo haꞌatura ki te taŋata haka aŋa i a rāua. E hāpī takoꞌa mo riro o rāua he nuꞌu riva, taꞌe pāhono-hono,