Ēfeto 5:21 - Rapa Nui

²¹ E te taina, e moꞌa kōrua ꞌi roto i a kōrua ꞌana, ki takeꞌa ai e moꞌa rō ꞌana kōrua i a Ietū Kiritō.

Ēfeto 5:21 ပူးပေါင်းရင်းမြစ်များ

1 Kōrinto 16:16

He ani atu a au mo haka rē i a kōrua mo te nuꞌu era ꞌe mo te nuꞌu tuꞌu pē rāua hāꞌūꞌū ꞌi te aŋa o te ꞌAtua e haka tere atu.

2 Kōrinto 5:11

He moꞌa o mātou i te Kiritō ꞌe he haŋa mo haꞌatura ki a ia, e kimi nei a mātou i te rāveꞌa taꞌatoꞌa mo aŋi-aŋi e te nuꞌu i te roŋo parautiꞌa o te ꞌAtua, mo haka moe o rāua i te manaꞌu ꞌi ruŋa i a Ietū. Te ꞌAtua e ꞌite rō ꞌana e aŋa nei a mātou i te meꞌe nei hai māhatu maꞌitaki, ꞌe a mātou e haŋa rō ꞌā mo ꞌite takoꞌa e kōrua.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Karatia 5:13

E te taina, o te ꞌAtua i haka eꞌa i a tātou mai te meꞌe he ꞌamo i te haka tere iŋa ꞌa Mōtē mo tano o tātou ki tōꞌona mata. Te parautiꞌa nei ꞌina ko ai mo tātou he ꞌōtohe mo aŋa i te meꞌe taꞌe tano pohe nō e te hakari. Te meꞌe o tātou mo aŋa he haŋa ꞌe he hāꞌūꞌū ki te rua hai māhatu.

Ēfeto 5:22

Pa he haka rē iŋa o te viꞌe mo haka tere i a ia e Ietū, pē ira takoꞌa ana haka rē i a ia mo haka tere e tāꞌana kenu.

Ēfeto 5:24

Pa he haka rē iŋa o tātou o te nuꞌu haka moe i te manaꞌu ꞌi ruŋa i a Ietū mo haka tere mai e ia, pē ira takoꞌa ꞌana te ŋā viꞌe ana haka rē i a rāua mo haka tere e te rāua kenu ꞌi te meꞌe taꞌatoꞌa.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

1 Timoteo 2:11

Te ŋā viꞌe e haka roŋo kiva-kiva i te hāpī o ruŋa i te vānaŋa o te ꞌAtua hai haŋa mo haꞌatura.

1 Timoteo 3:4

ꞌite mo haka tere riva-riva i tōꞌona hare, ki haꞌatura ai ꞌe ki moꞌa ai e tāꞌana ŋā poki, ꞌe rā ŋā poki ꞌina ko ai e tahi hape.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

1 Pētero 2:13

Pa he moꞌa iŋa i te tātou Pūꞌoko Haka Tere ko Ietū Kiritō ana haꞌatura kōrua i te nuꞌu ra-rahi taꞌatoꞌa. E haꞌatura kōrua ki te ꞌariki rōmano, i a ia te tōroꞌa hopeꞌa o te nui-nui,

1 Pētero 2:17

E moꞌa kōrua i te taŋata taꞌatoꞌa. E haŋa ki te taina, e haꞌamuri ki te ꞌAtua ꞌe e moꞌa i te pūꞌoko haka tere o te kōrua henua.

1 Pētero 5:5

ꞌE a kōrua, e te ŋā poki ꞌāpī ē, e haꞌatura ki te kōrua nuꞌu pūꞌoko haka tere. ꞌI roto i a kōrua i te nuꞌu haka moe i te manaꞌu ꞌi ruŋa i a Ietū ꞌina ko ai e tahi kope manaꞌu i hau rō atu a ia ki te rua ꞌo te ai: «Te ꞌAtua ꞌina he haka tano i te manaꞌu o te nuꞌu manaꞌu i hau rō atu rāua ki te tētahi, ꞌe ki te nuꞌu taꞌe manaꞌu pē ira, e hāꞌūꞌū ena hai riva rahi ōꞌona».