Ēfeto 5:2 - Rapa Nui

² E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

Ēfeto 5:2 ပူးပေါင်းရင်းမြစ်များ

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

Iovani 13:34

»He haka rē atu au i te roŋo ꞌāpī nei: E haŋa kōrua ki te rua. Pa he haŋa nei ōꞌoku mo kōrua, pē ira kōrua ana haŋa ꞌi roto i a kōrua.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

Rōmano 4:25

vaꞌai era ki te mate mo te tātou hara, ꞌe haka ora haka ꞌou era mai te mate mo riro o tātou he taŋata tano ki te mata o te ꞌAtua.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

Rōmano 8:37

Ka ai atu e topa rō mai ꞌana te ŋā ꞌati taꞌatoꞌa nei, ꞌina he rē mai ki a tātou; e eꞌa nei, paꞌi, a tātou hai koa mai roto i te ꞌati hai pūai o te kope haŋa rahi mai.

1 Kōrinto 16:14

ꞌE te meꞌe taꞌatoꞌa o kōrua mo aŋa, e aŋa hai haŋa.

1 Kōrinto 5:7

Te meꞌe haŋa he toꞌo mai roto i a kōrua i te revaura ena, ki ai ai a kōrua he nūnaꞌa taŋata ꞌina e tahi kope hara o roto, pa he haraoa aŋa iho taꞌe hoa hai revaura. A kōrua, paꞌi, he haraoa kai ꞌi te ⌊Pakate⌋ ꞌina he hoa hai revaura, he nuꞌu ꞌina e tahi hara ꞌo te ⌊haka moe i te manaꞌu⌋ ꞌi ruŋa i a Ietū. E manaꞌu: a Ietū he māmoe o te Pakate tūtia mo haka eꞌa i a tātou mai roto i te hara.

2 Kōrinto 2:14

He māuru-uru a au ki te ꞌAtua. ꞌĀꞌana, paꞌi, te vaꞌai mai i te pūai mo rē ki te meꞌe taꞌatoꞌa ꞌo te ai o mātou o te Kiritō. ꞌE ꞌāꞌana takoꞌa te hāꞌūꞌū mai mo haka ꞌite i te ⌊roŋo riva-riva o ruŋa i a Ietū⌋, roŋo pa he manoꞌi ꞌeo tuꞌu ki te kona taꞌatoꞌa.

2 Kōrinto 2:15

Hora ena o mātou e haka ꞌite e oho ena i te roŋo riva-riva o ruŋa i a Ietū a mātou pa he ꞌeo incienso tūtia e te Kiritō haka koa i te ꞌAtua, ꞌe tuꞌu ki te nuꞌu eꞌa mai roto i te ūtuꞌa o te hara, ꞌe ki te nuꞌu taꞌe eꞌa.

2 Kōrinto 8:9

Ko ꞌite ꞌana, paꞌi, kōrua: te tātou Pūꞌoko Haka Tere ko Ietū Kiritō, ka ai atu he ꞌono ꞌi te raŋi, ꞌi tōꞌona riva rahi, i haka veve nō i a ia mo te kōrua riva-riva, ki ꞌono ai kōrua ꞌi te meꞌe o te ꞌAtua hai rā haka veve iŋa era ōꞌona.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Ēfeto 1:4

ꞌI muꞌa ꞌā, hora era kai aŋa ꞌana i te ao, i haꞌataꞌa rō ai te ꞌAtua i a tātou i te nuꞌu ꞌa Ietū Kiritō mo nuꞌu ꞌāꞌana ꞌina e tahi hape ꞌi muꞌa i a ia. He haŋa mai o te ꞌAtua ki a tātou

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Ēfeto 3:19

Ka ai atu ꞌina e tahi kope mo aŋi-aŋi riva-riva i te rahi o tōꞌona haŋa mo te taŋata, tāꞌaku meꞌe ani ki te ꞌAtua, he ꞌata haka ꞌite he oho atu ꞌi roto i te kōrua māhatu i te haŋa o Ietū Kiritō mo kōrua, ꞌātā ka riro rō te kōrua huru, pa he huru riva ōꞌona ꞌina e tahi hape.

Ēfeto 4:15

E ai rō tātou pa he nuꞌu paꞌari maꞌu hio-hio ꞌe haka ꞌite hai haŋa ki te nuꞌu i te hāpī parautiꞌa o te ꞌAtua, ꞌe te tātou huru e hāhine e oho rō ki te huru riva o Ietū Kiritō, Pūꞌoko o tātou.

Ēfeto 4:2

ꞌIna ko manaꞌu i hau rō atu kōrua ki te rua, ꞌina ko ꞌōhumu, ꞌina ko riri tahaŋa, ꞌe e ꞌite kōrua mo haꞌaoromaꞌi hai haŋa i te rua.

Ēfeto 5:15

ꞌO ira, e uꞌi te kōrua noho iŋa. ꞌIna ko ai pa he noho iŋa o te nuꞌu taꞌe ꞌite mo haka topa i te manaꞌu.

Ēfeto 5:25

E te kenu, e haŋa ki te kōrua ŋā viꞌe, pa he haŋa iŋa ena ꞌā o Ietū ki a tātou, ki te nuꞌu taꞌatoꞌa haka moe i te manaꞌu ꞌi ruŋa i a ia, haka takeꞌa hai vaꞌai iŋa era i a ia ki te mate mo tātou.

Fīripo 4:18

He haka ꞌite atu a au: te meꞌe taꞌatoꞌa haka maꞌu mai era e kōrua ki a Epafororito ko tuꞌu mai ꞌana; rahi riꞌa-riꞌa ꞌe ꞌina he meꞌe hape toe ꞌāꞌaku. Te meꞌe nei pa he tūtia ꞌeo vaꞌai ki te ꞌAtua, ꞌe he meꞌe koa ꞌāꞌana.

Kōrosa 3:14

ꞌE ki te ŋā meꞌe taꞌatoꞌa nei e ꞌāmui te haŋa mo te rua. Hai haŋa, paꞌi, e ai ena te taina e tahi mau nō manaꞌu.

1 Tētārōnika 4:9

ꞌE o ruŋa i te meꞌe he haŋa o te taina haka moe i te manaꞌu ꞌi ruŋa i a Ietū ꞌi roto i a rāua ꞌā, ꞌina e mātou e ko pāpaꞌi atu. Ko hāpī atu era ꞌā, paꞌi, e te ꞌAtua mau ꞌā mo haŋa o kōrua ki te rua.

1 Timoteo 2:6

ꞌO haka ūtuꞌa e te ꞌAtua i te taŋata, i vaꞌai ai a Ietū i a ia mo mate mo ꞌamo e ia i te ūtuꞌa o te hara. Te meꞌe nei i topa ai ꞌi te hora kī e te ꞌAtua, ꞌe i haka ꞌite rō mai ki a tātou: a ia e haŋa rō ꞌana mo eꞌa o te taŋata taꞌatoꞌa mai roto i te ūtuꞌa o te hara.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 8:3

Te aŋa o te oromatuꞌa taꞌatoꞌa he tūtia ꞌe he vaꞌai i te meꞌe mo te ꞌAtua. ꞌO ira, e ai takoꞌa te meꞌe ꞌa Ietū Kiritō mo vaꞌai ki te ꞌAtua.

ꞌEvereo 9:14

ꞌE mo ai o te pūai o te ŋā meꞌe era mo haka maꞌitaki i te taŋata, ¡ka manaꞌu atu ia kōrua pē hē te pūai o te toto o Ietū Kiritō! Hai Vārua Maitai, paꞌi, i vaꞌai ai e Ietū i a ia ki te ꞌAtua pa he tūtia ꞌina e tahi hape. ꞌE te meꞌe haka maꞌitaki hai toto ōꞌona he manaꞌu taꞌe tano o tātou o te taŋata maꞌu i a tātou ki te mate, ki riva ai tātou mo tāvini ki te ꞌAtua, tōꞌona ora ꞌina he hopeꞌa raꞌa.

ꞌEvereo 9:23

ꞌO ira te Karapā Moꞌa era ꞌe te meꞌe taꞌatoꞌa o roto e haka maꞌitaki era hai toto. Te ŋā meꞌe taꞌatoꞌa nei he meꞌe i aŋa nō e te taŋata mo tuꞌu pa he meꞌe parautiꞌa era ꞌi te raŋi. ꞌE te meꞌe parautiꞌa mau era e haka maꞌitaki hai tūtia ꞌata hau rō atu ki te toto o te ꞌanimare.

ꞌEvereo 9:26

ꞌĀhani, paꞌi, i ai pē ira, ko ai ꞌana meꞌe rahi nō atu mate iŋa o Ietū mai te hora aŋa era e te ꞌAtua i te ao. ꞌE te parautiꞌa mau, hora nei, he hora hopeꞌa, ko tuꞌu mai ꞌā a ia ki te ao nei ꞌe ko vaꞌai ꞌā i a ia, mo te hora taꞌatoꞌa, pa he tūtia mo haka kore mau rō ꞌai i te pūai o te hara mai ruŋa i a tātou.

1 Pētero 4:8

ꞌI roto i a kōrua te meꞌe mo raꞌe he here he haŋa ki te rua. Mo haŋa, paꞌi, o tātou ki te rua hai māhatu, meꞌe taꞌe aŋarahi ia te meꞌe ena he haka rehu i te meꞌe taꞌe tano aŋa mai e te rua, ka ai atu meꞌe rahi.

1 Iovani 3:16

A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.

1 Iovani 3:23

ꞌE te roŋo ꞌāꞌana: he haka moe i te tātou manaꞌu ꞌi ruŋa i tāꞌana Poki ko Ietū Kiritō ꞌe he haŋa a tātou ki te rua, pa he meꞌe haka ꞌite mai era e ia.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,