Ēfeto 5:18 - Rapa Nui

¹⁸ ꞌIna ko unu ka taꞌero rō, ꞌo taꞌe tano te kōrua noho iŋa; e haka rē mo te ⌊Vārua Maitai⌋ e vaꞌai atu i tōꞌona pūai ꞌe e haka tere atu i a kōrua.

Ēfeto 5:18 ပူးပေါင်းရင်းမြစ်များ

Māteo 23:25

»¡Ko te ꞌaroha i a kōrua, e te maꞌori o te haka tere hūrio ꞌe e te fariseo ē, he nuꞌu riva a te haho nō! E haka tuꞌu ena i a kōrua pa he nuꞌu tano ki te mata o te ꞌAtua ꞌe te kōrua roto e ꞌī rō ꞌā e te fiꞌiꞌi ꞌe e te manaꞌu ki te moni nō, pa he hapaina ꞌo pa he mareti ko tata ꞌā e kōrua a te haho ꞌe te roto ko te ꞌī iŋa ꞌā e te ꞌōꞌone.

Māteo 24:49

he haꞌamata he tōtōā i te tētahi tāvini ꞌe he piri ki te nuꞌu taꞌero he ka-kai ꞌe he unu ananake,

Ruka 1:15

E riro rō a ia he kope hōnui e tahi ki te mata o te ꞌAtua. ꞌIna e ko unu i te ꞌava, ꞌe mai te hora ꞌi roto i te manava ꞌā, ka ai ena ꞌi ruŋa i a ia te pūai o te ⌊Vārua Maitai⌋.

Ruka 11:13

Mo ꞌite ia a kōrua mo vaꞌai i te meꞌe riva-riva ki te kōrua ŋā poki, ka ai atu kōrua he nuꞌu hara, ¿e ko taꞌe vaꞌai hō e te Matuꞌa o te raŋi i te ⌊Vārua Maitai⌋ ki te nuꞌu no-noꞌi ki a ia?».

Ruka 12:45

»ꞌE mo haꞌamata mo tōtōā e rā tāvini i te tētahi tāvini, mo noho mo kai ꞌe mo unu ka taꞌero rō ꞌi te manaꞌu iŋa pē nei ē: e ko hōrou e ko tuꞌu te taŋata era ꞌāꞌana te haka aŋa,

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Iovani 2:10

ꞌe he kī: «Taꞌatoꞌa taŋata ꞌi raꞌe e vaꞌai ena i te ꞌava riva-riva mo unu. Ki rahi te unu o te taŋata, e vaꞌai iho ena i te ꞌava taꞌe riva-riva rahi. ꞌE, a koe ko hāpaꞌo ꞌana i te ꞌava hopeꞌa o te riva-riva mo te hora nei».

Aŋa o te ꞌĀpōtoro 11:24

A Verenāvē he taŋata riva, ko ꞌī ꞌana e te pūai o te Vārua Maitai ꞌe e haka moe rahi rō ꞌana i te manaꞌu ꞌi ruŋa i a Ietū. ꞌO ira meꞌe rahi haka ꞌou nuꞌu i haka moe takoꞌa i te manaꞌu ꞌi ruŋa i a Ietū.

Rōmano 13:13

E noho tātou pa he nuꞌu haꞌere ꞌi roto i te māꞌeha. E haka rē te meꞌe taꞌe tano aŋa ꞌi te pō pa he ŋoŋoro taꞌe hāito i te meꞌe aŋa, pa he taꞌero ꞌava, pa he taiꞌata ꞌe he tētahi haka ꞌou atu meꞌe tuꞌu pē ira, pa he tātake ꞌe pa he pohe ki te meꞌe o te rua.

1 Kōrinto 11:21

ꞌi te meꞌe era ꞌi te hora o te kai, e ai rō ꞌā te nuꞌu kai raꞌe, ꞌina he tiaki ki te tētahi nuꞌu. Pē ira e ai ena te nuꞌu oho mai te kona taka-taka o kōrua e maruaki rō ꞌā, ꞌe tētahi e taꞌero rō ꞌana.

1 Kōrinto 5:11

Tāꞌaku kī: nuꞌu nō era mo kī atu he taina rāua o kōrua ꞌi te haka moe iŋa i te manaꞌu ꞌi ruŋa i a Ietū, ꞌe te rāua meꞌe aŋa he moe i te viꞌe ꞌo i te taŋata taꞌe he viꞌe ꞌo he kenu ꞌāꞌana, he nou-nou, he haꞌamuri ki te ꞌītoro, he vānaŋa taꞌe tano mo te rua, he rava taꞌero, ꞌo he toke, ꞌina kōrua ko ai he repahoa o rāua, ꞌe ꞌina ko kai ꞌi muri.

1 Tētārōnika 5:7

ꞌI te pō, paꞌi, te nuꞌu e haꞌuru ena ꞌe e taꞌero ena, ꞌe ꞌina he ꞌite he aha te meꞌe mo topa.

Tito 1:6

Te kope mo pūꞌoko haka tere he kope ꞌina ōꞌona hape; he kope kai oho ki te rua viꞌe ꞌi tōꞌona hāipo-ipo. Tāꞌana ŋā poki e haka moe rō ꞌana i te manaꞌu ꞌi ruŋa i a Ietū, ꞌe ꞌina rāua hape mo tuhi iŋa e te nuꞌu pē nei ē: a rāua ꞌō he ŋā poki aŋa i te meꞌe taꞌe tano, pūꞌoko hio-hio ꞌe taꞌe haka roŋo.