Ēfeto 5:16 - Rapa Nui

¹⁶ Mo ai o te meꞌe riva-riva mo aŋa e kōrua, e aŋa; hora nei, paꞌi, nuꞌu rahi te nuꞌu aŋa i te meꞌe taꞌe tano.

Ēfeto 5:16 ပူးပေါင်းရင်းမြစ်များ

Māteo 25:17

Pē ira takoꞌa ꞌana tū kope era i a ia te rua taꞌutini, he ravaꞌa e rua taꞌutini haka ꞌou.

Iovani 12:35

He kī e Ietū: —Mahana taꞌe rahi te mahana toe ka noho atu ena ꞌi roto i a kōrua te mōrī haka māꞌeha i te kōrua manaꞌu. ꞌO ira, ka hāꞌere ꞌi roto i te māꞌeha mai ai atu ꞌana te mōrī, ꞌo ravaꞌa a kōrua e te pōhāhā. Te kope haꞌere, paꞌi, a roto i te pōhāhā, ꞌina he takeꞌa a hē a ia e oho ena.

Rōmano 13:11

E ꞌite rō ꞌana a kōrua pē hē te noho iŋa o te hora nei. ꞌO ira, e aŋa e oho nō kōrua i te meꞌe tano ki te mata o te ꞌAtua. E veveri kōrua. Hora nei ꞌata hāhine te mahana mo tuꞌu mai o Ietū mo haka eꞌa i a tātou mai te ꞌati o te ao nei ki te mahana haka moe o tātou i te manaꞌu ꞌi ruŋa i a ia.

1 Kōrinto 7:26

Mōꞌoku, ꞌi te taꞌe au o te noho iŋa o te hora nei, i hau rō atu i te riva mo taꞌe hāipo-ipo o kōrua.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

Ēfeto 6:13

E hāpaꞌo kōrua hai meꞌe taꞌatoꞌa vaꞌai atu e te ꞌAtua mo haka hio-hio ꞌi te hora moto atu e Rukifero. Pē ira e ko ravaꞌa i a kōrua.

Ēfeto 6:15

E noho ꞌi roto i te haumārū vaꞌai atu e te ⌊roŋo riva-riva o ruŋa i a Ietū⌋, mo hio-hio o kōrua a te ara o te ꞌAtua, pa he vaꞌehau e uru ena i te kirivaꞌe mo haka hio-hio i tōꞌona rei iŋa ꞌi te hora oho ki te tamaꞌi.

Kōrosa 4:5

ꞌE ꞌi te hora taꞌatoꞌa e hāpaꞌo te kōrua noho iŋa ꞌi muꞌa o te nuꞌu taꞌe ⌊haka moe i te manaꞌu⌋ ꞌi ruŋa i a Ietū, ꞌo taꞌe haka au rō atu ꞌi te hora haŋa o kōrua mo vānaŋa ki a rāua o ruŋa i a Ietū.