Ēfeto 5:15 - Rapa Nui

¹⁵ ꞌO ira, e uꞌi te kōrua noho iŋa. ꞌIna ko ai pa he noho iŋa o te nuꞌu taꞌe ꞌite mo haka topa i te manaꞌu.

Ēfeto 5:15 ပူးပေါင်းရင်းမြစ်များ

Māteo 10:16

»He uŋa a au i a kōrua pa he māmoe ki vāeŋa o te paiheŋa taehae. E ai kōrua nuꞌu mārama-rama ꞌite mo hāpaꞌo ꞌo topa atu te ꞌati. E ai takoꞌa kōrua he nuꞌu māŋaro pa he pāroma, taꞌe aŋa i te meꞌe taꞌe tano ki te rua.

Māteo 25:2

E rima o rā ŋā uka, uka ꞌite mo haka topa i te manaꞌu, ꞌe e rima taꞌe pē ira.

Māteo 27:24

I uꞌi era e Pirato ꞌina he rāveꞌa toe ꞌāꞌana mo haka huri i te rāua manaꞌu ꞌe pe te ꞌata pūai nō e pōŋeha era, he uŋa hai vai, he hopu i tōꞌona rima ꞌi muꞌa i te taꞌatoꞌa, ꞌe ꞌai ka kī: —Taꞌe ōꞌoku te hape o te mate o te taŋata nei; he meꞌe o kōrua.

Māteo 27:4

he kī: —Ko hara ꞌana a au ꞌo te vaꞌai atu i te taŋata ꞌina e tahi ōꞌona hape mo tiŋaꞌi mo haka mate. He pāhono e rā nuꞌu: —Taꞌe he meꞌe o mātou. ¡Ōꞌou ꞌā tuꞌu ꞌati!

Māteo 8:4

He kī haka ꞌou e Ietū: —ꞌIna ko ꞌaꞌamu e tahi nuꞌu. Ka oho koe ka haka takeꞌa i a koe ki te ⌊oromatuꞌa⌋. E maꞌu te meꞌe mo tūtia ki te ꞌAtua haka ꞌite mai e ⌊Mōtē⌋ mo tuꞌu ⌊haka maꞌitaki⌋, ki tūtia ai e te oromatuꞌa ꞌe ki haka ꞌite ai ki te taŋata ko ora ꞌana tuꞌu māui-ui.

Ruka 24:25

He kī ia e Ietū: —¡Ko te aŋa riꞌa-riꞌa i a kōrua mo ⌊haka moe i te manaꞌu⌋ ꞌi ruŋa i te meꞌe taꞌatoꞌa pāpaꞌi e te perofeta o ruŋa i te ⌊Kiritō⌋!

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

Karatia 3:1

E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Karatia 3:3

ꞌE, mo ai pē ira, ¿ko te taꞌe aŋi-aŋi iŋa ꞌana e kōrua? ꞌIna ko rehu: hai pūai o te Vārua Maitai i haꞌamata ai kōrua a te ara o te ꞌAtua. ꞌE hora nei, ¿e haŋa ꞌana a kōrua mo tuꞌu ki te roa hopeꞌa o rā ara, te auraꞌa, ki te roa haŋa e te ꞌAtua mo kōrua, hai pūai mau nō o te taŋata?

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

Ēfeto 5:33

ꞌE mo kōrua takoꞌa te vānaŋa nei: e haŋa te kenu ki tāꞌana viꞌe, pa he haŋa iŋa mau era ꞌā ōꞌona ki a ia, ꞌe te viꞌe, e ꞌite mo moꞌa i tāꞌana kenu.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Kōrosa 1:9

ꞌO ira, mai te hora ꞌite era o mātou o ruŋa i a kōrua, e pure e oho nō nei ki te ꞌAtua mo vaꞌai atu e ia, hai Vārua Maitai, i te ꞌite ꞌe i te mārama-rama mo aŋi-aŋi riva-riva i tāꞌana meꞌe haŋa mo aŋa e kōrua.

Kōrosa 4:5

ꞌE ꞌi te hora taꞌatoꞌa e hāpaꞌo te kōrua noho iŋa ꞌi muꞌa o te nuꞌu taꞌe ⌊haka moe i te manaꞌu⌋ ꞌi ruŋa i a Ietū, ꞌo taꞌe haka au rō atu ꞌi te hora haŋa o kōrua mo vānaŋa ki a rāua o ruŋa i a Ietū.

1 Tētārōnika 5:15

E uꞌi takoꞌa kōrua ꞌo haka hoki e te kope e tahi hai meꞌe taꞌe tano ki te kope aŋa i te meꞌe taꞌe tano ki a ia. Te meꞌe mau nō, paꞌi, o kōrua mo aŋa he meꞌe riva-riva, ꞌe taꞌe nō ꞌi roto i a kōrua, ki te taꞌatoꞌa nō taŋata.

1 Timoteo 6:9

ꞌE te nuꞌu haŋa mo ꞌono e haka ꞌatu rō e te rauhuru meꞌe mo hara. Pē ira he ravaꞌa riva-riva i a rāua e te pohe ki te meꞌe taꞌe tano ꞌe maꞌa-maꞌa, he meꞌe mo maꞌu i a rāua ki roto i te ꞌati ꞌe ki roto i te ūtuꞌa.

ꞌEvereo 12:25

E te taina, e uꞌi kōrua ꞌo taꞌe haka roŋo rō ki te vānaŋa o te ꞌAtua. Te nuꞌu o muꞌa ꞌā hārui hai tuaꞌivi ki tāꞌana vānaŋa haka ꞌite e Mōtē ꞌi te ao nei ꞌina kai taꞌe haka ūtuꞌa e te ꞌAtua. Pē ira ka topa ena ki a tātou mo taꞌe haka roŋo ki te kope ꞌāꞌana te vānaŋa mai mai te raŋi.

Tanatiako 3:13

Mo ai ꞌi roto o kōrua te kope manaꞌu ko ꞌite ꞌā he aha te meꞌe tī-tika mo aŋa ꞌi te hora taꞌatoꞌa, e haka takeꞌa hai meꞌe riva-riva aŋa ꞌe hai taꞌe manaꞌu e hau rō atu a ia ki te rua, he huru o te nuꞌu haka tere i a rāua hai manaꞌu o te ꞌAtua.

1 Pētero 1:22

ꞌI te haꞌatura o kōrua ki te roŋo parautiꞌa i haka kore ai e te ꞌAtua i te kōrua hara, ki haŋa parautiꞌa ai kōrua ki te kōrua taina. ꞌO ira, e haŋa e oho ꞌi roto i a kōrua hai māhatu ꞌe hai pūai.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.