Ēfeto 5:11 - Rapa Nui

¹¹ ꞌIna ko aŋa i te meꞌe taꞌe hauhaꞌa aŋa e te nuꞌu noho o roto i te pōhāhā. Te meꞌe o kōrua mo aŋa he hāꞌūꞌū ki a rāua mo aŋi-aŋi pē nei ē: te meꞌe aŋa o rāua meꞌe taꞌe tano.

Ēfeto 5:11 ပူးပေါင်းရင်းမြစ်များ

Māteo 18:15

»Mo aŋa atu o tuꞌu taina e tahi meꞌe taꞌe tano ki a koe, ka vānaŋa kōrua hoko rua nō ꞌe ꞌai ka haka aŋi-aŋi rō i tōꞌona hape. Mo haka roŋo atu, ko ravaꞌa haka ꞌou ꞌana e koe i tuꞌu taina.

Ruka 3:19

I ture takoꞌa rō ki a ꞌErore, kope haka tere o rā kona, ꞌo te noho ki a ꞌEroria, he viꞌe ⌊hāipo-ipo⌋ o te taina o ꞌErore, ꞌe ꞌo te tētahi atu meꞌe rake-rake aŋa e ia.

Aŋa o te ꞌĀpōtoro 26:18

Taꞌa meꞌe ka aŋa ena he haka ꞌara i te rāua mata, ki eꞌa ai mai roto i te pōhāhā ki roto i te māꞌeha, ꞌe mai te rima o Rukifero ki te rima o te ꞌAtua, ki haka moe ai i te rāua manaꞌu ꞌi ruŋa i a au. Pē ira te ꞌAtua ana haka kore i te rāua hara, ꞌe he oꞌo a rāua ki roto i te nūnaꞌa taŋata haꞌataꞌa e te ꞌAtua māꞌana”.

Rōmano 13:12

Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

Rōmano 16:17

E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

Rōmano 6:21

ꞌI rā hora, ¿i ravaꞌa rō hō e kōrua i te meꞌe riva-riva o te hara, meꞌe haka haꞌamā i a kōrua ꞌi te hora nei ꞌe maꞌu i a kōrua ki te mate?

Karatia 6:8

Te kope ꞌoka, paꞌi, i te meꞌe pohe nō e te hakari, te meꞌe mo ravaꞌa he ūtuꞌa o te hara he mate; ꞌe te kope ꞌoka i te meꞌe haŋa e te Vārua Maitai, he ora ꞌāpī ꞌina he hopeꞌa raꞌa.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Ēfeto 5:12

Te meꞌe aŋa e te nuꞌu era e naꞌa rō ꞌā ꞌo takeꞌa e te taŋata he meꞌe haꞌamā ꞌātā mo vānaŋa o ruŋa.

Ēfeto 5:7

ꞌO ira, e uꞌi ꞌo aŋa takoꞌa rō kōrua i te meꞌe taꞌe tano aŋa e tū nuꞌu era.

Kōrosa 1:12

koia ko māuru-uru ki te ꞌAtua Matuꞌa ꞌo te haka riro atu i a kōrua he nuꞌu tano mo ravaꞌa takoꞌa i te meꞌe hōrea era e ia mo te nuꞌu haꞌataꞌa māꞌana, he nuꞌu o tōꞌona haka tere iŋa, haka tere iŋa o te māꞌeha.

1 Tētārōnika 5:7

ꞌI te pō, paꞌi, te nuꞌu e haꞌuru ena ꞌe e taꞌero ena, ꞌe ꞌina he ꞌite he aha te meꞌe mo topa.

2 Tētārōnika 3:14

ꞌE mo ai e tahi taina taꞌe haꞌatura ki te meꞌe kī atu e mātou ꞌi ruŋa i te parau nei, e uꞌi ko ai, ꞌe ꞌai ka haka tapa rō kōrua mai muri, ki haꞌamā ai.

2 Tētārōnika 3:6

E te taina, he kī atu a mātou hai ꞌīŋoa o te tātou Pūꞌoko Haka Tere ko Ietū Kiritō: mo ai ꞌi roto i a kōrua e tahi taina hupe-hupe taꞌe haka tere i a ia hai meꞌe hāpī atu era e mātou, e haka tapa kōrua mai muri.

1 Timoteo 5:20

ꞌE mo ai ko hara ꞌana ꞌe ꞌina he haka tapa mai roto i rā meꞌe, e ture ꞌi muꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū, ki riꞌa-riꞌa ai te tētahi nuꞌu pūꞌoko haka tere.

1 Timoteo 5:22

ꞌIna koe ko veve-veve mo haꞌataꞌa ꞌe mo haꞌamaitai i te kope mo te aŋa o te ꞌAtua hai haka puā i tuꞌu rima a ruŋa, ꞌo ai e hara rō ꞌā kai ꞌite hia koe; pē ira he hara takoꞌa a koe. E hāpaꞌo koe ꞌo hara.

1 Timoteo 6:5

ꞌe te rava ture ꞌi roto i te nuꞌu ꞌina he manaꞌu riva-riva toe ꞌe ꞌina he aŋi-aŋi haka ꞌou he aha te meꞌe he parautiꞌa ꞌe he aha te meꞌe he reo-reo. Mo rāua te hāpī o ruŋa i te ꞌAtua he rāveꞌa e tahi mo ꞌono.

2 Timoteo 3:5

E haka tuꞌu rō i a rāua pa he taŋata moꞌa ꞌe haꞌatura ki te ꞌAtua; ꞌe, hai haka tere iŋa o rāua, ka takeꞌa era ꞌina mau ꞌā he haꞌatura. ꞌIna e tahi aꞌa meꞌe mo aŋa ꞌi muri i te nuꞌu tuꞌu pē rā, e Timoteo ē.

2 Timoteo 4:2

e haka ꞌite e oho koe, e Timoteo ē, i te roŋo o te ꞌAtua, ka haŋa ꞌe ka taꞌe haŋa e te nuꞌu mo haka roŋo atu. Hai haumārū ana hāpī ꞌe ana haka ꞌite i te rāua hape, ana ture, ꞌe ana haka haŋu i te rāua manaꞌu.

Tito 2:15

He meꞌe nei e au e pāpaꞌi atu ena te meꞌe mo hāpī ꞌe mo kī e koe ki te taina mo aŋa, ki tano ai te rāua manaꞌu ꞌe te rāua noho iŋa ki te hāpī parautiꞌa o te ꞌAtua. ꞌE ana hape a rāua, e ture. I a koe, paꞌi, te parau; ꞌe ꞌina ko haꞌatiꞌa mo taꞌe moꞌa atu.

Meꞌe Haka Takeꞌa 18:4

He ŋaroꞌa ia e au i te reꞌo haka ꞌou e tahi ꞌi te raŋi e kī ꞌā: «Ka eꞌa kōrua mai te kona ena, e te nuꞌu haꞌataꞌa māꞌaku ē, ꞌo hara kōrua ꞌe ꞌo topa takoꞌa atu te ꞌati ka topa ena ki a ia.