Ēfeto 4:9 - Rapa Nui

⁹ ¿He aha te haꞌaauraꞌa o te vānaŋa ena: «ko iri ꞌana»? Te haꞌaauraꞌa: mo iri i topa raꞌe mai ki ruŋa i te henua.

Ēfeto 4:9 ပူးပေါင်းရင်းမြစ်များ

Māteo 12:40

Pa he noho iŋa e toru mahana o Hōnā ꞌi roto i te ika nui-nui, pē ira takoꞌa te Poki o te taŋata ka noho ena e toru mahana ꞌi te kona muraki i a ia.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Iovani 3:13

»ꞌIna ꞌā he kope raꞌe i iri ki te raŋi, he kope topa nō mai era mai ruŋa, he ⌊Poki o te taŋata⌋.

Iovani 6:33

Te haraoa parautiꞌa vaꞌai e te ꞌAtua he kope topa mai mai te raŋi vaꞌai i te ora ꞌāpī ꞌina he hopeꞌa raꞌa ki te taŋata.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Iovani 6:41

He haꞌamata ia te hūrio ra-rahi he hēŋuꞌi-ŋuꞌi o ruŋa o Ietū ꞌo te kī ko ia te haraoa topa mai era mai te raŋi.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

Iovani 6:58

E vānaŋa atu ena a au o ruŋa o te haraoa parautiꞌa topa mai mai te raŋi. Te tupuna i kai rō i te mānā ꞌe, ka ai atu pē ira, i mā-mate rō. ꞌE te kope mo kai i te haraoa nei he ora mau rō ꞌāvai».

Iovani 6:62

¿Pē hē ia mo takeꞌa i te Poki o te taŋata e iri ꞌana ki te kona era mai ira i turu mai ai?

Iovani 8:14

He pāhono e Ietū: —Ka ai atu māꞌaku mau ꞌā e kī i te vānaŋa riva-riva o ruŋa i a au, e hauhaꞌa rō ꞌana ꞌo te ai ko ꞌite ꞌana a au mai hē a au i oho mai ai ꞌe ki hē a au ka oho nei, he meꞌe kai ꞌite e kōrua.

ꞌEvereo 2:7

Mo te hora ꞌiti-ꞌiti e tahi i vaꞌai rō ki te merahi i te tōroꞌa ꞌata hau rō atu ki te tōroꞌa o te taŋata. I oho era he haka nui-nui haka ꞌou i te taŋata ꞌe he moꞌa pa he moꞌa iŋa ki te ꞌariki,

ꞌEvereo 2:9

ꞌE, ko ꞌite ꞌana e tātou: te meꞌe nei ko haka tano ꞌana ꞌi ruŋa i a Ietū. I riro era, paꞌi, he taŋata, ꞌata hau rō atu te tōroꞌa o te merahi ki tōꞌona tōroꞌa «mo te hora ꞌiti-ꞌiti e tahi», ꞌe, hora nei, ꞌo te vaꞌai i a ia ki te mate mo tātou ꞌi te haŋa ꞌe ꞌi te riva rahi o te ꞌAtua mo tātou, «ko haka nui-nui ꞌā ꞌe ko moꞌa ꞌā pa he ꞌariki».