Ēfeto 4:6 - Rapa Nui

⁶ E tahi mau nō ꞌAtua, he Matuꞌa o tātou taꞌatoꞌa. A ia e noho ena ꞌi roto i a tātou hai Vārua Maitai, e haka tere mai ena, ꞌe e aŋa ena i tāꞌana meꞌe haŋa hai tātou.

Ēfeto 4:6 ပူးပေါင်းရင်းမြစ်များ

Māteo 6:13

ꞌE, ꞌi te hora o te haka ꞌatu mai, ꞌina koe ko haka rē i a mātou mo viri ki roto i te hara; e haka eꞌa koe i a mātou mai roto i te rima o Rukifero”.

Māteo 6:9

»Pē nei ana pure: “E te Matuꞌa o mātou o te raŋi ē, te meꞌe haŋa he moꞌa o te taŋata taꞌatoꞌa i tuꞌu ꞌīŋoa,

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

Iovani 17:26

Ko haka ꞌite ꞌana e au ko ai koe, ꞌe ko te haka ꞌite ko te oho iŋa ꞌana a au, ki ai ai te haŋa ai i a koe mōꞌoku i a rāua takoꞌa, ꞌe ki ai ai a au ꞌi roto i a rāua».

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

1 Kōrinto 12:6

ꞌE, huru kē huru kē te meꞌe aŋa e tātou hai pūai o te ꞌAtua. Ka ai atu pē ira, o te kope mau nō e tahi te vaꞌai mai i rā pūai, o te ꞌAtua.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

2 Kōrinto 6:16

ꞌE te ꞌītoro, ¿e tano mau rō ꞌi te kona haꞌamuri ꞌAtua? E kī atu ena a au i te meꞌe nei ꞌo te ai a tātou pa he kona haꞌamuri ꞌAtua. ꞌI ruŋa i te Pāpaꞌi Moꞌa e kī ena, paꞌi, e te ꞌAtua: «Ka noho nei a au ꞌi roto i a rāua, a au mo ꞌAtua o rāua, ꞌe a rāua mo taŋata ꞌāꞌaku».

Ēfeto 1:21

Te ꞌAtua ko vaꞌai ꞌana ki a Ietū i te parau mo pūꞌoko haka tere o te merahi ꞌe o te vārua taꞌatoꞌa taꞌe takeꞌa e tātou haka tere ꞌi te ao nei ꞌe, takoꞌa, o te meꞌe taꞌatoꞌa o te ao; tōꞌona tōroꞌa, he tōroꞌa ꞌina e ko ravaꞌa e te rua ꞌi te hora nei ꞌe pe muꞌa ka oho ena. ꞌE i vaꞌai rō e te ꞌAtua i a Ietū mo Pūꞌoko o te nuꞌu taꞌatoꞌa haka moe i te manaꞌu ꞌi ruŋa i a ia;

Ēfeto 2:22

ꞌE a kōrua, ꞌo te ai ꞌa Ietū Kiritō takoꞌa, e toꞌo ena i a kōrua e te ꞌAtua ꞌe e titi ena ki ruŋa i rā hare, he kona ꞌi ira a ia e noho ena hai Vārua Maitai.

Ēfeto 3:17

He ani takoꞌa a au mo noho mo oho nō atu a Ietū Kiritō ꞌi roto i a kōrua hai haka moe i te manaꞌu ꞌi ruŋa i a ia, ꞌe mo haka pūai mo oho nō i te kōrua haŋa ki a ia ꞌe ki te rua.

Ēfeto 6:23

Mo te ꞌAtua Matuꞌa ꞌe mo te tātou Pūꞌoko Haka Tere ko Ietū Kiritō e vaꞌai atu i te haumārū ꞌe i te haŋa koia ko haka pūai i te kōrua manaꞌu ꞌi ruŋa i a rāua.

1 Iovani 3:24

Te nuꞌu haꞌatura ki tāꞌana roŋo, ꞌi roto i a ia e noho ena, ꞌe a ia ꞌi roto i rā nuꞌu. E ꞌite nei a tātou: ꞌi roto o tātou e noho ena hai ⌊Vārua Maitai⌋ vaꞌai mai era e ia.