Ēfeto 4:5 - Rapa Nui

⁵ E tahi mau nō Pūꞌoko Haka Tere o tātou ko Ietū Kiritō, e tahi mau nō hāpī parautiꞌa o ruŋa i a ia, ꞌe e tahi mau nō ⌊papatito⌋.

Ēfeto 4:5 ပူးပေါင်းရင်းမြစ်များ

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Aŋa o te ꞌĀpōtoro 10:36

»Te ꞌAtua i haka ꞌite rō mai ki a mātou ki te itaraera o ruŋa i te rāveꞌa pē hē ana riva-riva haka ꞌou te taŋata ki a ia hai Ietū Kiritō, he Pūꞌoko Haka Tere o te taꞌatoꞌa nō taŋata.

Aŋa o te ꞌĀpōtoro 2:36

»E te taŋata o Itaraera, e ꞌite riva-riva kōrua: a Ietū, veo era e kōrua ꞌi ruŋa i te tātaurō, ko haka Pūꞌoko Haka Tere ꞌā e te ꞌAtua o te meꞌe taꞌatoꞌa ꞌe ko haka Kiritō ꞌā».

Rōmano 3:30

E tahi mau nō, paꞌi, ꞌAtua, he ꞌAtua kī pē nei ē: te taŋata haka moe i te manaꞌu ꞌi ruŋa i a Ietū he taŋata tano ki tōꞌona mata, ka hore ꞌo ka taꞌe hore te kiri o te kinoŋa.

1 Kōrinto 1:13

¿Ka kī ꞌō e topa-topa rō ꞌana a Ietū? ¿I veo rō ꞌō a Pauro ꞌi ruŋa i te tātaurō mo te riva-riva o kōrua? ¿I ⌊papatito⌋ rō ꞌō kōrua hai ꞌīŋoa ōꞌona?

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

1 Kōrinto 12:5

E ai takoꞌa rō ꞌā rauhuru rāveꞌa mo tāvini. Ka ai atu pē ira, ki te kope mau nō e tahi e tāvini ena, ki a Ietū Kiritō, he Pūꞌoko Haka Tere o tātou.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

2 Kōrinto 11:4

ꞌE, nā kōrua e haka roŋo ꞌā hai koa ki te nuꞌu vānaŋa atu o ruŋa i te Ietū kē ki te Ietū haka ꞌite atu era e mātou. E haka roŋo takoꞌa ꞌana hai koa ki te roŋo kē taꞌe hāpī atu e mātou, ꞌe ki te vārua kē taꞌe ki te ⌊Vārua Maitai⌋ noho ꞌi roto i a kōrua.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

Ēfeto 4:13

ꞌātā ka ai rō e tahi mau nō manaꞌu ꞌo te māhani ꞌe ꞌo te haka moe i te manaꞌu ꞌi ruŋa i te Poki o te ꞌAtua. ꞌE pē ira takoꞌa ka paꞌari ka oho ena te tātou manaꞌu o ruŋa i te meꞌe o te ꞌAtua, ꞌātā ka ai rō te tātou huru, huru riva, pa he huru riva o Ietū Kiritō, ꞌina e tahi hape.

Fīripo 2:11

ki kī ai te ŋā meꞌe taꞌatoꞌa nei pē nei ē: he parautiꞌa mau ꞌā a Ietū Kiritō he Pūꞌoko Haka Tere o te meꞌe taꞌatoꞌa. Pē ira ka haꞌahana-hana tahi ena ki te ꞌAtua Matuꞌa.

Fīripo 3:8

ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

Tito 1:1

A au, a Pauro, he ꞌaroha atu ki a koe, e Tito ē. A koe pa he poki mau ꞌā ꞌāꞌaku ꞌo tuꞌu ⌊haka moe i te manaꞌu⌋ ꞌi ruŋa i a Ietū pē au. Ka ai ꞌi ruŋa i a koe te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa. E Tito, ko ꞌite riva-riva ꞌana e koe: a au he tāvini o te ꞌAtua, ꞌe he ⌊ꞌāpōtoro⌋ ꞌa Ietū Kiritō, kope uŋa mai i a au ki te nuꞌu haꞌataꞌa e te ꞌAtua māꞌana, mo haka pūai i te rāua haka moe iŋa i te manaꞌu ꞌi ruŋa i a ia, ꞌe mo ꞌata haka aŋi-aŋi ki a rāua i te roŋo parautiꞌa o ruŋa i te ⌊Kiritō⌋, he roŋo hāꞌūꞌū i te taŋata mo riro o te rāua noho iŋa noho iŋa tano ki te mata o te ꞌAtua, ki aŋi-aŋi riva-riva ai pē nei ē: e ai rō i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌI raꞌe, paꞌi, ki te aŋa i te ao, i hōrea rō ai e te ꞌAtua i te ora ꞌāpī nei, ꞌe a ia ꞌAtua haka tano i tāꞌana meꞌe kī. ꞌI te hora tano kī e te ꞌAtua i haka ꞌite ai ki te taŋata o ruŋa i te ora ꞌāpī nei hai ⌊roŋo riva-riva o ruŋa i a Ietū Kiritō⌋, he roŋo haka ꞌite oho e au uŋa mai e te ꞌAtua, kope toꞌo i a tātou mai roto i te ūtuꞌa o te hara.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.

ꞌEvereo 6:6

mo hārui i te ꞌAtua hai tuaꞌivi, e ko ravaꞌa haka ꞌou mo haka huri i te rāua manaꞌu ki te ꞌAtua, he tuꞌu pa he meꞌe ena ē: e veo haka ꞌou ꞌā a rāua i te Poki o te ꞌAtua ꞌi ruŋa i te tātaurō, mo haka meꞌe-meꞌe haka ꞌou e te taꞌatoꞌa.

Tanatiako 2:18

Nā e kī rō atu e te kope e tahi: «Tuꞌu meꞌe he haka moe i te manaꞌu ꞌi ruŋa i te ꞌAtua, ꞌe tōꞌoku, he meꞌe riva-riva aŋa». ꞌĪ a au he kī atu: «Ka haka takeꞌa mai rā tuꞌu haka moe iŋa ena i te manaꞌu ꞌi ruŋa i te ꞌAtua ꞌina he meꞌe riva-riva aŋa, ꞌe māꞌaku e haka takeꞌa atu, hai meꞌe riva-riva aŋa, i tōꞌoku haka moe iŋa i te manaꞌu ꞌi ruŋa i te ꞌAtua».

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Hura 1:20

ꞌE a kōrua, e te taina ē, e haka hio-hio e oho nō ꞌi roto i te hāpī parautiꞌa hai haka moe i te manaꞌu ꞌi ruŋa i a Ietū, ꞌe e pure hai pūai o te ⌊Vārua Maitai⌋.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.