Ēfeto 4:31 - Rapa Nui

³¹ E haka kore mai i a kōrua te ŋā meꞌe nei: he manaꞌu he oho o ruŋa i te meꞌe taꞌe tano aŋa atu e te rua, he hū he riri mo te rua, he tātake, he vā-vā, ꞌe he taꞌatoꞌa nō huru o te meꞌe taꞌe tano aŋa ki te rua.

Ēfeto 4:31 ပူးပေါင်းရင်းမြစ်များ

Aŋa o te ꞌĀpōtoro 21:30

Te nuꞌu o te kona taꞌatoꞌa o Hērutarema, i ꞌite era i tū meꞌe era, he riri rō atu ꞌai ꞌe i tāhuti i oho ai ki ira. He ꞌa-ꞌaru i a Pauro, he to-toi he oho ki haho o te Kona Haꞌamuri ꞌAtua, ꞌe he puru i te ꞌōpani.

Rōmano 3:14

He tohu nō te aŋa ꞌe te maŋeo o te rāua vānaŋa he taparahi-taꞌata.

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

1 Kōrinto 5:8

ꞌO ira, e ai te tātou noho iŋa, paurō te mahana, pa he haraoa ꞌina kai ꞌānoꞌi hai revaura, noho iŋa ꞌina e tahi meꞌe taꞌe tano aŋa, pa he meꞌe aŋa o muꞌa ꞌā, ꞌe noho iŋa haꞌatura parautiꞌa ki te ꞌAtua hai māhatu maꞌitaki.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

Karatia 5:20

He haꞌamuri ki te ꞌītoro, he aŋa i te tahu-tahu, he maꞌu i te riri ꞌi roto i te māhatu, he haka tumu i te ture, ꞌe he mākota ꞌi te rua. E ko roa he riri, te meꞌe haŋa mau nō he meꞌe manaꞌu o rāua, te aŋa he haka tātake mo haka topa kē i te taŋata, ꞌe he manaꞌu he meꞌe mau nō era o rāua te meꞌe tano.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Ēfeto 4:25

ꞌO ira, ꞌina ko reo-reo haka ꞌou; e kī te parautiꞌa ki te rua. Taꞌatoꞌa nō, paꞌi, a tātou o tū hakari ꞌā.

Ēfeto 4:26

Mo riri, e uꞌi kōrua ꞌo hara; ꞌe ꞌina ko maꞌu te riri ki te rua mahana,

Kōrosa 3:19

E te kenu, e haŋa ki te kōrua ŋā viꞌe; ꞌina ko tōtōā ki te hora hopeꞌa.

Kōrosa 3:8

ꞌE, ꞌi te hora nei, te meꞌe o kōrua mo aŋa he haka kore mai ruŋa i a kōrua i te riri, i te riri taparahi-taꞌata, i te aŋa iŋa i te meꞌe taꞌe tano, i te vā-vā ꞌe i te parauꞌino.

1 Timoteo 3:11

ꞌE te rāua ŋā viꞌe, e ai e moꞌa takoꞌa rō ꞌana e te taŋata, he ŋā viꞌe taꞌe haꞌaꞌino, hāito i te rāua meꞌe kī ꞌe i te rāua meꞌe aŋa, ꞌe he ŋā viꞌe haka tano i te rāua meꞌe kī.

1 Timoteo 3:3

ꞌIna ko ai he kope taꞌero ꞌava ꞌe rava moto. E ai he taŋata māhatu riva ꞌe haumārū, taꞌe nou-nou moni,

1 Timoteo 5:13

ꞌE taꞌe ꞌo ira nō, ꞌo māhani i te hupe-hupe, ꞌo oho ki hare era ki hare era, ꞌo haꞌamata ꞌo haꞌaꞌino i te rua, ꞌe ꞌo ꞌāmui ki roto i te ture kē koia ko kī i te vānaŋa taꞌe tano.

2 Timoteo 2:23

ꞌIna koe ko haka roŋo ki te vānaŋa tahaŋa o te nuꞌu taꞌe haka moe i te manaꞌu ꞌi ruŋa i a Ietū; ko ꞌite ꞌana, paꞌi, koe: te meꞌe nō mo ravaꞌa he tātake.

2 Timoteo 3:3

E ko haka ꞌaroha ꞌe e ko haŋa ki te rua taŋata. He riro nuꞌu haꞌaꞌino, taꞌe hāito i te meꞌe kī ꞌe i te meꞌe aŋa, tōtōā i te rua ꞌe taꞌe haŋa ki te meꞌe tano.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

Tito 2:3

ꞌE ki te ŋā viꞌe paꞌari e hāpī mo haka tere i a rāua hai moꞌa ꞌe hai haꞌatura ki te ꞌAtua, ꞌe mo taꞌe ai he ŋā viꞌe haꞌaꞌino ꞌe taꞌero. E ai he ŋā viꞌe hāpī i te meꞌe riva-riva,

Tanatiako 1:19

E te taina haŋa rahi ē, e uꞌi ꞌo rehu: a kōrua taꞌatoꞌa e ꞌite mo haka roŋo i te vānaŋa. ꞌE, ana vānaŋa, ꞌi raꞌe ana manaꞌu riva-riva te kōrua meꞌe mo kī, ꞌe ꞌina ko riri tahaŋa.

Tanatiako 3:14

ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

Tanatiako 4:11

E te taina, ꞌina ko vānaŋa ꞌino mo te rua. Te kope vānaŋa ꞌino mo te rua e vānaŋa ꞌino takoꞌa ꞌā mo te haka tere iŋa o te ꞌAtua. Pē nei te auraꞌa: te kope vānaŋa ꞌino mo te rua e haꞌariro ꞌā i a ia he pūꞌoko haka tere o te hare ture mo kī i te hape ꞌe i te taꞌe hape o te tētahi ꞌe, takoꞌa, o te haka tere iŋa o te ꞌAtua haka ꞌite mai pē nei ē: e haŋa tātou ki te rua. ꞌE ꞌi te vānaŋa ꞌino e takeꞌa ena: kope taꞌe haꞌatura ki te haka tere iŋa o te ꞌAtua.

1 Pētero 2:1

ꞌE hora nei, ꞌi te ai i a kōrua te ora ꞌāpī, e haka kore mai ruŋa i a kōrua te meꞌe taꞌatoꞌa taꞌe tano: te reo-reo, te haka tuꞌu i a kōrua pa he nuꞌu riva ꞌe rā riva a te haho ꞌā, te nou-nou ki te meꞌe o te rua, ꞌe te haꞌaꞌino.

1 Iovani 3:12

ꞌIna ko ai tātou pē ⌊Kāiŋa⌋. A ia ꞌa Rukifero, ꞌe i tiŋaꞌi i haka mate ai i tōꞌona taina. ¿ꞌO te aha i tiŋaꞌi ai i tōꞌona taina? ꞌO te ai te meꞌe aŋa o tōꞌona taina he meꞌe riva-riva ꞌe tāꞌana meꞌe aŋa he meꞌe taꞌe tano.

1 Iovani 3:15

Te kope maꞌu i te riri mo tōꞌona taina he kope taparahi-taꞌata tiŋaꞌi taŋata, ꞌe a kōrua ko ꞌite ꞌā ꞌina e tahi kope tuꞌu pē rā mo ravaꞌa i te ora ꞌāpī ꞌina he hopeꞌa raꞌa.

Meꞌe Haka Takeꞌa 12:10

He ŋaroꞌa ia e au i te reꞌo pūai e tahi ꞌi ruŋa i te raŋi e kī era: «Ko tano ꞌā te hora era o te rē o te ꞌAtua, hora haka takeꞌa i tōꞌona pūai ꞌAriki, ꞌe hora mo haka tere e te ⌊Kiritō⌋ uŋa e ia. Ko tute ꞌana, paꞌi, i te kope rava tuhi era ꞌi muꞌa o te ꞌAtua, ka pō ka ꞌōtea, i te hape o te taina haka moe i te manaꞌu ꞌi ruŋa i a Ietū.