Ēfeto 4:30 - Rapa Nui

³⁰ ꞌIna ko haka māui-ui te māhatu o te Vārua Maitai hai aŋa i te meꞌe taꞌe tano; hai ia, paꞌi, te ꞌAtua i tāpaꞌo ai i a kōrua pa he taŋata ꞌāꞌana mo te mahana pe muꞌa ka oho ena ka haka oti ena e te ꞌAtua i tāꞌana meꞌe haꞌamata aŋa: he haka eꞌa mau rō ꞌāvai i a kōrua mai roto i te hara.

Ēfeto 4:30 ပူးပေါင်းရင်းမြစ်များ

Marko 3:5

I riri a Ietū i uꞌi ai ki tū nuꞌu era koia ko haka ꞌaroha ꞌi te hio-hio o te rāua māhatu. He kī ia ki tū taŋata rima rehe-rehe era: «Ka haka toro mai tuꞌu rima». I haka toro era he ora rō ꞌai tū rima era.

Ruka 21:28

Hora era mo haꞌamata o te ŋā meꞌe nei, e haka hio-hio te kōrua manaꞌu, e maꞌu te ꞌāriŋa a ruŋa; e ko roa, paꞌi, te ꞌAtua he haka eꞌa i a kōrua mai roto i te ūtuꞌa o te hara ꞌe he vaꞌai atu i te ora ꞌāpī ꞌina he hopeꞌa raꞌa».

Iovani 3:33

Te taŋata haka roŋo ki a ia he ꞌite: he aŋi mau ꞌana te vānaŋa o te ꞌAtua.

Aŋa o te ꞌĀpōtoro 7:51

Ko te vānaŋa iŋa ꞌana ia a ꞌĒteva he meꞌe: —E te pūꞌoko hio-hio ē, ꞌina kōrua he haŋa mo haka roŋo ꞌe mo haꞌatura ki te ꞌAtua, pa he nuꞌu taꞌe ꞌite ko ai te ꞌAtua parautiꞌa. Te aŋa o kōrua he aŋa i te meꞌe taꞌe tano ki te ⌊Vārua Maitai⌋. Te kōrua huru pa he huru ꞌā o te kōrua tupuna.

Rōmano 8:11

Mo ai nā ꞌi roto i a kōrua te Vārua o te ꞌAtua haka ora i a Ietū mai te mate, māꞌana takoꞌa e haka ora i te kōrua hakari mai te mate hai Vārua ōꞌona ꞌi roto o kōrua.

Rōmano 8:23

ꞌE taꞌe ko rāua nō te meꞌe māui-ui pē ira, ko tātou takoꞌa, he nuꞌu haka moe i te manaꞌu ꞌi ruŋa i a Ietū, ka ai atu i a tātou te Vārua Maitai, he meꞌe raꞌe i vaꞌai mai o te meꞌe mo vaꞌai mai e te ꞌAtua. ꞌI roto i a tātou e taŋi nei ki te hora mo haka takeꞌa e te ꞌAtua: he ŋā poki mau ꞌā ꞌāꞌana ꞌe he haka eꞌa e ia i te tātou hakari mai roto i te ꞌati.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 15:54

Ki topa te meꞌe nei, he tano te meꞌe hāꞌaki ꞌi ruŋa i te Pāpaꞌi Moꞌa pē nei ē: «E ko ai haka ꞌou te mate, ko haka kore ꞌana e te ꞌAtua».

1 Tētārōnika 5:19

ꞌIna ko taꞌe haꞌatura ki te vānaŋa kī atu e te ⌊Vārua Maitai⌋ ꞌi roto i a kōrua.

ꞌEvereo 10:29

Mo ai pē ira e haka ūtuꞌa era i te nuꞌu taꞌe haꞌatura ki te haka tere iŋa ꞌa Mōtē, ka manaꞌu atu kōrua i te ūtuꞌa mo te nuꞌu taꞌe haŋa ꞌe hārui i te Poki o te ꞌAtua hai tuaꞌivi, ꞌe taꞌe haka hauhaꞌa i tōꞌona toto, toto tāpaꞌo i te ⌊haka tere iŋa ꞌāpī o te ꞌAtua ananake ko te taŋata⌋, haka maꞌitaki i a rāua mai te hara ꞌe haꞌataꞌa i a rāua mo te ꞌAtua. Te nuꞌu aŋa i te meꞌe pē ira, e parauꞌino ꞌā ki te Vārua Maitai, kope haka takeꞌa i te riva rahi o te ꞌAtua.

ꞌEvereo 3:10

ꞌO ira a au i riri ai ꞌe i kī ai mo te nuꞌu era: “Taꞌe te rāua māhatu ꞌi ruŋa i a au, ꞌe ꞌina he haŋa mo haꞌatura mai”.

ꞌEvereo 3:17

¿Mo kuā ai te ꞌAtua i riri ai ꞌi te ŋā matahiti era e maha ꞌahuru? Mo te nuꞌu hara mā-mate era ꞌi te kona ꞌone taꞌe noho taŋata.