Ēfeto 4:29 - Rapa Nui

²⁹ ꞌIna ko parauꞌino ꞌe ꞌina ko kī i te vānaŋa mo taꞌe au o te rua. Te meꞌe mau nō o kōrua mo vānaŋa he meꞌe riva-riva mo hāꞌūꞌū i te rua.

Ēfeto 4:29 ပူးပေါင်းရင်းမြစ်များ

Māteo 5:16

Pē ira kōrua ana haka tere ꞌi muꞌa o te taŋata. Ka takeꞌa ena, paꞌi, i te kōrua haka tere iŋa tano ki te mata o te ꞌAtua, he haꞌahana-hana tahi ki te kōrua Matuꞌa o te raŋi.

Ruka 4:22

Te nuꞌu taꞌatoꞌa o ira e koa rō ꞌā e vānaŋa era o ruŋa i a Ietū ꞌe ko māere tahi ꞌana ꞌi te meꞌe nehe-nehe kī e ia. He ꞌui ki a rāua ꞌā: —¿Pē hē ia te meꞌe nei? Ko tū poki era ꞌa ⌊Kōsē⌋, paꞌi, te kope nei.

Iovani 1:37

I ŋaroꞌa era i rā vānaŋa, he eꞌa he oho rā ŋā kope ꞌi tuꞌa.

Rōmano 14:19

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

Rōmano 15:2

Ki aŋa tahi tātou i te meꞌe hai haŋa mo haka koa ꞌe mo hāꞌūꞌū i te taina, ꞌe mo ꞌata ꞌite o tātou taꞌatoꞌa o ruŋa i te meꞌe o te ꞌAtua.

1 Kōrinto 14:19

Ka ai atu pē ira, ꞌi roto i te nuꞌu haka moe i te manaꞌu ꞌi ruŋa i a Ietū, i hau rō atu tōꞌoku haŋa mo kī e rima vānaŋa aŋi-aŋi e te nuꞌu mo hāpī i a rāua ki te kī e hoꞌe ꞌahuru taꞌutini vānaŋa hai ꞌarero kē.

Ēfeto 4:12

I aŋa ai a Ietū i te meꞌe nei mo hāpī ꞌe mo haka riva-riva o te nuꞌu nei i a tātou i te nuꞌu taꞌatoꞌa haꞌataꞌa e te ꞌAtua māꞌana, ki tano tahi ai a tātou mo aŋa takoꞌa ki a ia. Pē ira ka hio-hio ka oho ena a tātou te nuꞌu taꞌatoꞌa ꞌāꞌana,

Ēfeto 4:16

ꞌE, ꞌo te ai ōꞌona he Pūꞌoko o tātou ꞌe a tātou he hakari ōꞌona, māꞌana e haka tika e papa e haka riva-riva ꞌi tōꞌona kona i a tātou, he kona o tōꞌona hakari. ꞌE mo aŋa tahi o te ŋā kona nei i te rāua aŋa hai haŋa, he nui-nui ꞌe he pūai he oho te hakari.

Kōrosa 4:6

Ana vānaŋa hai koa ꞌe e reka rō ꞌana, ki haka roŋo atu ai. ꞌE e ꞌite takoꞌa kōrua mo pāhono riva-riva i te rāua ꞌui o ruŋa i a Ietū.

1 Tētārōnika 5:11

ꞌO ira, ꞌi roto i a kōrua e haka koa, e haka pūai te kōrua manaꞌu ꞌi ruŋa i a Ietū, pa he meꞌe mau ena ꞌā e kōrua e aŋa mai ena.

1 Pētero 2:12

E noho kōrua ꞌina e tahi hape ꞌi roto i te nuꞌu taꞌe haŋa ki te ꞌAtua. Mo noho o kōrua pē ira, he takeꞌa e rā nuꞌu i te meꞌe riva-riva aŋa e kōrua ꞌe he haꞌahana-hana ki te ꞌAtua ꞌi te mahana ka kī era e ia i te meꞌe tano ꞌe i te meꞌe taꞌe tano aŋa e te taŋata, ka ai atu ꞌi te hora nei e kī rō ꞌana e rāua pē nei ē: a kōrua he nuꞌu aŋa i te meꞌe taꞌe tano.

1 Pētero 3:1

ꞌE a kōrua, e te ŋā viꞌe ⌊hāipo-ipo⌋ ē, e haꞌatura ki te kōrua kenu, ka ai atu he kenu taꞌe ⌊haka moe i te manaꞌu⌋ ꞌi ruŋa i te ⌊roŋo riva-riva o ruŋa i a Ietū⌋. Mo aŋa o kōrua pē ira, he huri pēaha te manaꞌu, ꞌe he haka moe takoꞌa i tōꞌona manaꞌu ꞌi ruŋa i a Ietū, ꞌe taꞌe ꞌō ꞌo te meꞌe i kī e kōrua, ꞌo te takeꞌa i te kōrua noho iŋa tano, noho iŋa moꞌa ꞌe haꞌatura ki te ꞌAtua.

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.