Ēfeto 4:27 - Rapa Nui

²⁷ ꞌo ravaꞌa rō i a kōrua e Rukifero mo haka hara.

Ēfeto 4:27 ပူးပေါင်းရင်းမြစ်များ

Aŋa o te ꞌĀpōtoro 5:3

He kī e Pētero: —E ꞌĀnānia, ¿he aha koe i haꞌatiꞌa ai i a Rukifero mo haka tere atu? Ko reo-reo ꞌā koe ki te ⌊Vārua Maitai⌋ hai haka rē e tahi ꞌapa o te moni mōꞌou.

Rōmano 12:19

E te taina, ꞌina ko kimi i te rāveꞌa mo haka ūtuꞌa i te nuꞌu aŋa atu i te meꞌe taꞌe tano; e haka rē mo te ꞌAtua a rāua e haka ūtuꞌa. E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋ pē nei ē: «Māꞌaku mau nō e haka ūtuꞌa i te taŋata, ꞌe māꞌaku e haka ꞌauhau i te rāua meꞌe taꞌe tano aŋa, he kī iŋa nei o te ꞌAtua».

Ēfeto 6:11

E uꞌi e hāpaꞌo kōrua hai meꞌe taꞌatoꞌa vaꞌai atu e ia mo haka hio-hio, ꞌo reo-reo atu kōrua e Rukifero.

Ēfeto 6:16

E haka moe e oho te kōrua manaꞌu ꞌi ruŋa i a Ietū. Pē ira kōrua ka hāpaꞌo ena i a kōrua ꞌo hara ꞌi te hora haka ꞌatu atu e Rukifero, pa he vaꞌehau e maꞌu ena ꞌi te rima i te meꞌe ꞌaurī mo puru i te teꞌa pu-puhi ki a ia ꞌi te hora o te tamaꞌi.

Tanatiako 4:7

ꞌO ira, e haka rē kōrua mo haka tere atu e te ꞌAtua; ꞌina ko haka rē ki a Rukifero, ki tere ai mai muri i a kōrua.

1 Pētero 5:8

E veveri e ꞌara kōrua; te kope taꞌe haŋa atu ena ko Rukifero, nā e kimi e oho ꞌana, pa he reone maruaki, ki te taŋata mo kai.