Ēfeto 4:25 - Rapa Nui

²⁵ ꞌO ira, ꞌina ko reo-reo haka ꞌou; e kī te parautiꞌa ki te rua. Taꞌatoꞌa nō, paꞌi, a tātou o tū hakari ꞌā.

Ēfeto 4:25 ပူးပေါင်းရင်းမြစ်များ

Iovani 8:44

Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

Rōmano 12:5

Pē ira ꞌā tātou, te nuꞌu ⌊haka moe i te manaꞌu⌋ ꞌi ruŋa i a Ietū. Ka ai atu e rahi rō ꞌana a tātou, e tahi mau nō hakari, he hakari o Ietū.

1 Kōrinto 10:17

Mai te haraoa mau nō e tahi e kai ena tātou taꞌatoꞌa, he tāpaꞌo pē nei ē: a tātou, te nuꞌu taꞌatoꞌa ꞌa Ietū, he hakari mau nō e tahi.

2 Kōrinto 7:14

Ko haka paka era ꞌana e au ki a Tito: a kōrua nuꞌu haꞌatura, ꞌe ꞌina kai hape rā vānaŋa era ꞌāꞌaku. Ko takeꞌa ꞌā, paꞌi, e Tito, he parautiꞌa, pa he meꞌe taꞌatoꞌa kī atu e mātou ki a kōrua.

Ēfeto 4:15

E ai rō tātou pa he nuꞌu paꞌari maꞌu hio-hio ꞌe haka ꞌite hai haŋa ki te nuꞌu i te hāpī parautiꞌa o te ꞌAtua, ꞌe te tātou huru e hāhine e oho rō ki te huru riva o Ietū Kiritō, Pūꞌoko o tātou.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Ēfeto 4:31

E haka kore mai i a kōrua te ŋā meꞌe nei: he manaꞌu he oho o ruŋa i te meꞌe taꞌe tano aŋa atu e te rua, he hū he riri mo te rua, he tātake, he vā-vā, ꞌe he taꞌatoꞌa nō huru o te meꞌe taꞌe tano aŋa ki te rua.

Ēfeto 5:30

A tātou taꞌatoꞌa, paꞌi, he hakari ōꞌona; e tahi e tahi o tātou he kona o rā hakari.

Kōrosa 3:8

ꞌE, ꞌi te hora nei, te meꞌe o kōrua mo aŋa he haka kore mai ruŋa i a kōrua i te riri, i te riri taparahi-taꞌata, i te aŋa iŋa i te meꞌe taꞌe tano, i te vā-vā ꞌe i te parauꞌino.

Kōrosa 3:9

ꞌIna kōrua ko reo-reo. Te huru ꞌe te noho iŋa taꞌe tano, paꞌi, o kōrua o muꞌa ꞌā ko haka rē tahi ꞌana.

1 Timoteo 1:10

mo te nuꞌu taiꞌata ꞌe mo te nuꞌu aŋa i te tētahi atu meꞌe pē ira, mo te nuꞌu hiku, mo te nuꞌu hoꞌo i te taŋata, mo te nuꞌu reo-reo, mo te nuꞌu hōrea hai reo-reo, te kī, mo te nuꞌu taꞌatoꞌa aŋa i te meꞌe taꞌe tano ki te hāpī parautiꞌa o te ꞌAtua.

1 Timoteo 4:2

hāpī e te nuꞌu reo-reo riva a te haho ꞌā ꞌe taꞌe ŋaroꞌa haka ꞌou i te mamae ꞌi roto i a rāua ꞌo te aŋa i te meꞌe taꞌe tano.

Tito 1:12

O te perofeta mau ꞌā e tahi o Kereta i kī: «Te nuꞌu o Kereta nuꞌu reo-reo, nuꞌu manu, rava kai ꞌe hupe-hupe».

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

Tanatiako 1:21

ꞌO ira, ka haka rē te kōrua hara hano-hano ꞌe te meꞌe rake-rake taꞌatoꞌa rava aŋa e kōrua. Te roŋo parautiꞌa haka ꞌite atu e toꞌo mo kōrua. E ai rō ꞌana, paꞌi, te pūai o rā roŋo mo haka eꞌa i a kōrua mai roto i te ūtuꞌa o te hara ꞌe mo vaꞌai atu i te ora ꞌāpī ꞌina he hopeꞌa raꞌa.

1 Pētero 2:1

ꞌE hora nei, ꞌi te ai i a kōrua te ora ꞌāpī, e haka kore mai ruŋa i a kōrua te meꞌe taꞌatoꞌa taꞌe tano: te reo-reo, te haka tuꞌu i a kōrua pa he nuꞌu riva ꞌe rā riva a te haho ꞌā, te nou-nou ki te meꞌe o te rua, ꞌe te haꞌaꞌino.

Meꞌe Haka Takeꞌa 21:8

ꞌE te nuꞌu riꞌa-riꞌa mo kī ꞌāꞌaku a rāua, te nuꞌu taꞌe haka moe oho i te rāua manaꞌu ꞌi ruŋa i a au, te nuꞌu aŋa i te meꞌe taꞌe tano hano-hano, te nuꞌu tiŋaꞌi haka mate i te rua, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu aŋa i te tahu-tahu, te nuꞌu haꞌamuri ki te ꞌītoro ꞌe te nuꞌu reo-reo taꞌatoꞌa, he hoa ki te kona ꞌi ira e ura ena te azufre mo noho mau rō ꞌāvai ꞌi ira e ꞌava-ꞌava rō ꞌana mai i a au. Ko te meꞌe nei te rua mate iŋa».

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.