Ēfeto 4:24 - Rapa Nui

²⁴ Te meꞌe mo takeꞌa ꞌi ruŋa i a kōrua he huru ꞌe he noho iŋa ꞌāpī tano ki te huru ꞌāpī vaꞌai atu e te ꞌAtua, pa he huru mau era ꞌā ōꞌona. Te noho iŋa nei he noho iŋa tī-tika, tano ki te mata o te ꞌAtua, ꞌina e tahi hape.

Ēfeto 4:24 ပူးပေါင်းရင်းမြစ်များ

Ruka 1:75

hai māhatu maꞌitaki, ꞌe hai aŋa i te meꞌe tī-tika ꞌi muꞌa ōꞌona paurō te mahana ꞌātā ki te tātou mate iŋa».

Iovani 17:17

Hai ꞌite o te nuꞌu nei i te parautiꞌa o ruŋa i a koe e haꞌataꞌa māꞌau, mo tāvini mau nō atu ki a koe; taꞌa vānaŋa ena, paꞌi, he parautiꞌa.

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

Rōmano 13:12

Te noho iŋa taꞌe tano o te hora nei pa he pō ko hāhine ꞌana he maꞌurima e te ꞌōtea. ꞌO ira, ꞌina ko aŋa haka ꞌou tātou i te meꞌe taꞌe tano aŋa ꞌi te pō. Ki aŋa tātou i te meꞌe tano, he meꞌe aŋa ꞌi te ꞌōtea, ki ai ai mo tātou pa he kahu uru e te vaꞌehau ꞌi te hora o te tamaꞌi.

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Rōmano 6:4

ꞌI te papatito e tuꞌu ena pa he meꞌe: i mate rō ꞌe i tanu rō a tātou ꞌi muri i a Ietū. ꞌE pa he haka ora iŋa e te ꞌAtua i a Ietū mai te mate hai pūai nui-nui ōꞌona, i haka eꞌa takoꞌa ai i a tātou ꞌi muri i a ia ki ai ai te tātou noho iŋa ꞌāpī.

Rōmano 7:6

ꞌE hora nei, ꞌina he pūai toe o te haka tere iŋa ꞌa Mōtē ꞌi ruŋa i a tātou. Ko tano ꞌana ia a tātou ꞌi te hora nei mo aŋa i te meꞌe haŋa o te ꞌAtua, taꞌe ꞌō hai oho iŋa tuai haꞌatura ki te haka tere iŋa ꞌa Mōtē, hai oho iŋa ꞌāpī hāꞌūꞌū mai e te ⌊Vārua Maitai⌋.

Rōmano 8:29

Te manaꞌu, paꞌi, ōꞌona mo rāua mai muꞌa ꞌā: mo ai o te māhatu pa he māhatu o tāꞌana Poki, ki ai ai rā Poki he ꞌatariki o te meꞌe rahi nō atu taina.

1 Kōrinto 15:53

ꞌi te meꞌe era te hakari mate nei o tātou o te hora nei e riro rō he hakari ꞌina e ko mate ki te hora hopeꞌa.

2 Kōrinto 3:18

Hora nei a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū, kume o te meꞌe puru o te ꞌāriŋa, e haka takeꞌa ena i te pūai ꞌe i te nui-nui o te tātou Pūꞌoko Haka Tere, pa he ꞌata ꞌi roto i te hiꞌo, ꞌe a ia hai Vārua Maitai e aŋa e oho ena ꞌi roto i te tātou māhatu mo haka riro mo oho i te tātou huru pa he huru riva mau ꞌā ōꞌona.

2 Kōrinto 4:16

ꞌO ira a mātou e taꞌe hōriŋa nei ꞌi te mātou aŋa. Te mātou hakari, pe te rehe-rehe pe te oho nō, ꞌe, ka ai atu pē ira, te mātou haka moe iŋa i te manaꞌu ꞌi ruŋa i a Ietū pe te pūai pe te oho nō te mahana te mahana.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Karatia 3:27

ꞌE e tuꞌu rō ꞌā pa he meꞌe ena ē: a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū ⌊papatito⌋ i a rāua mo takeꞌa e te nuꞌu ꞌa Ietū a rāua, ko uru tahi ꞌana i te ⌊Kiritō⌋, pa he uru iŋa ena ꞌā o te taŋata i te kahu.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Ēfeto 2:15

Pē nei te auraꞌa: ꞌi muꞌa ꞌā te hūrio e taꞌe haka au rō ꞌana ki te nuꞌu taꞌe hūrio ꞌo te taꞌe haꞌatura ki te ⌊haka tere iŋa ꞌa Mōtē⌋. ꞌE a Ietū, hai mate era ōꞌona ꞌi ruŋa i te tātaurō, i haka kore ai i te meꞌe ena he haꞌatura ki rā haka tere iŋa mo tano ki te mata o te ꞌAtua. I aŋa ai pē ira mo riro o te nuꞌu taꞌatoꞌa ꞌāꞌana, ka hūrio, ka taꞌe hūrio, e tahi mau nō nūnaꞌa, ꞌe mo haka poreko i te haumārū ꞌi roto i a rāua.

Ēfeto 6:11

E uꞌi e hāpaꞌo kōrua hai meꞌe taꞌatoꞌa vaꞌai atu e ia mo haka hio-hio, ꞌo reo-reo atu kōrua e Rukifero.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 1:8

ꞌE ki te Poki i kī ai: «Tuꞌu haka tere iŋa, e te ꞌAtua ē, ꞌina he hopeꞌa raꞌa, ꞌe hai tī-tika koe e haka tere ena.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

1 Pētero 2:2

E riro kōrua pa he ŋā poki poreko iho pohe ki te ū, te auraꞌa: e pohe kōrua ki te ū parautiꞌa mo te kōrua riva-riva, he vānaŋa o te ꞌAtua, mo haka pūai mo oho o te kōrua manaꞌu ꞌi ruŋa i te ꞌAtua ꞌātā ki te mahana ka toꞌo ena i a kōrua ki te raŋi pe muꞌa ka oho ena.

2 Pētero 1:4

Hai ŋā meꞌe nei i vaꞌai mai ai i te meꞌe nui-nui ꞌe hauhaꞌa hōrea mai era mo tātou. ꞌE hai rā ŋā meꞌe hōrea mai era e riva nei tātou mo eꞌa mai roto i te manaꞌu taꞌe tano o te ao nei ꞌe mo riro o tātou pē ia, te auraꞌa, mo ai i a tātou takoꞌa tōꞌona huru riva.