Ēfeto 4:19 - Rapa Nui

¹⁹ ꞌIna he haꞌamā haka ꞌou ꞌi te meꞌe taꞌe tano aŋa e rāua; ko vaꞌai mau ꞌana i a rāua ki te rauhuru nō atu meꞌe taꞌe tano pohe e te hakari.

Ēfeto 4:19 ပူးပေါင်းရင်းမြစ်များ

Marko 7:22

he taiꞌata, he nou-nou, he aŋa i te meꞌe taꞌe tano, he reo-reo, he pohe ki te viꞌe ki te tane taꞌe ꞌāꞌana, he mākota i te meꞌe o te rua, he haꞌaꞌino, he haka paka i a ia ꞌe he aŋa i te meꞌe maꞌa-maꞌa.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Kōrosa 3:5

E te taina, e haka kore tahi te meꞌe taꞌe tano aŋa ꞌi muꞌa ꞌā. ꞌIna kōrua ko moe i te viꞌe ꞌo i te taŋata taꞌe he viꞌe ꞌo he kenu o kōrua, ꞌina ko aŋa e tahi meꞌe taꞌe tano ꞌe hano-hano haŋa e te hakari, ꞌina kōrua ko haꞌatiꞌa ki te meꞌe taꞌe tano pohe e te hakari mo haka tere atu, ꞌe ꞌina takoꞌa ko nou-nou. (Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa).

1 Timoteo 4:2

hāpī e te nuꞌu reo-reo riva a te haho ꞌā ꞌe taꞌe ŋaroꞌa haka ꞌou i te mamae ꞌi roto i a rāua ꞌo te aŋa i te meꞌe taꞌe tano.

1 Pētero 4:3

A kōrua, matahiti rahi i aŋa i oho ai i te meꞌe aŋa e te nuꞌu taꞌe haŋa ki te ꞌAtua. Te noho iŋa o kōrua ꞌi rā hora noho iŋa taꞌe tano: e aŋa ꞌana i te meꞌe taꞌe tano pohe e te hakari, i te ŋoŋoro taꞌe hāito i te kai ꞌe i te ꞌava, ꞌe e haꞌamuri ꞌana ki te ꞌītoro, meꞌe hano-hano mo te ꞌAtua.

2 Pētero 2:22

ꞌI ruŋa i a rāua i haka tano ai te parautiꞌa o te kī iŋa era pē nei ē: «He hoki he kai te paiheŋa i tōꞌona rua», ꞌe, «Te oru haka hopu iho he hoki he tū ꞌi roto i te rare-rare».

Hura 1:11

¡ꞌAu-auē te nuꞌu ena! Ko oho ꞌana a te ara taꞌe tano pē ⌊Kāiŋa⌋. ꞌI te haŋa ki te moni, ko haka tapa ꞌā mai te ara o te ꞌAtua, pē ⌊Vārama⌋, ꞌe, ꞌi te haka ꞌāriŋa mau era ꞌā o rāua, pē Kōrē ka mā-mate ena.

Meꞌe Haka Takeꞌa 18:3

Te nuꞌu o te henua taꞌatoꞌa ꞌe te ꞌariki o te kona taꞌatoꞌa ko taꞌero ꞌā ꞌi te aŋa ꞌāꞌana, te auraꞌa, ko haka rē ꞌana i a rāua mo haka tere e te meꞌe taꞌe tano aŋa e ia, he haꞌamuri ki te meꞌe taꞌe he ꞌAtua parautiꞌa. ꞌE te nuꞌu hoꞌo meꞌe o te ao ko ꞌono ꞌā ꞌi te rava hoꞌo e rā viꞌe i tāꞌana meꞌe haŋa ꞌina he hāito».