Ēfeto 4:14 - Rapa Nui

¹⁴ E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Ēfeto 4:14 ပူးပေါင်းရင်းမြစ်များ

Māteo 11:7

I hoki era tū nuꞌu uŋa era e Iovani, he haꞌamata a Ietū he vānaŋa ki te nuꞌu o ruŋa i a Iovani Papatito, he kī: «Hora oho uꞌi era o kōrua i te kope tātara ꞌi te kona ꞌone taꞌe noho e te taŋata, ¿pē hē te huru o rā kope i manaꞌu ai e kōrua? ¿He taŋata taꞌe tī-tika o te manaꞌu, haka rē i a ia mo haka tere e te rua pa he ꞌohe e ue-ue ena e te tokerau?

Māteo 24:11

He ai meꞌe rahi nō atu te perofeta reo-reo, ꞌe nuꞌu rahi te nuꞌu ka haka manaꞌu ena he parautiꞌa te rāua meꞌe kī.

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Aŋa o te ꞌĀpōtoro 23:21

ꞌIna koe ko haka roŋo. E maha ꞌahuru tūmaꞌa taŋata o rāua e piko mai era ko hōrea ꞌana mo taꞌe kai ꞌe mo taꞌe unu ꞌātā ka ravaꞌa ka tiŋaꞌi ka haka mate rō e rāua i a Pauro, ꞌe ꞌai e tiaki era; te meꞌe toe nō he ꞌē-ē ōꞌou.

1 Kōrinto 12:2

A kōrua ko ꞌite riva-riva ꞌana: hora era kai haka moe ꞌana i te manaꞌu ꞌi ruŋa i a Ietū, e haka rē nō ꞌana a kōrua i a kōrua mo haꞌamuri ki te ꞌītoro, ki te meꞌe reꞌo kore.

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

1 Kōrinto 3:19

Te manaꞌu mārama-rama o te taŋata o te ao nei he meꞌe maꞌa-maꞌa nō atu e tahi mo te ꞌAtua. Pa he meꞌe kī ꞌi ruŋa i te ⌊Pāpaꞌi Moꞌa⌋: «Te nuꞌu manaꞌu he nuꞌu mārama-rama a rāua e haka ꞌite rō ꞌā e te ꞌAtua taꞌe pē ira hai taꞌe haꞌatiꞌa mo tano o te rāua meꞌe manaꞌu mo aŋa».

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

Karatia 3:1

E te taina pūꞌoko hio-hio o Karatia ē, ¿ꞌa ꞌai kōrua i haka maꞌa-maꞌa atu? ꞌI roto i te hāpī iŋa atu era o mātou i haka ꞌite riva-riva atu ai ki a kōrua he aha te meꞌe i ravaꞌa e Ietū mo tātou hora mate era ōꞌona ꞌi ruŋa i te tātaurō.

Ēfeto 6:11

E uꞌi e hāpaꞌo kōrua hai meꞌe taꞌatoꞌa vaꞌai atu e ia mo haka hio-hio, ꞌo reo-reo atu kōrua e Rukifero.

1 Timoteo 3:6

ꞌO ira, te taŋata mo pūꞌoko haka tere ꞌina ko ai e haka moe iho ꞌana i te manaꞌu ꞌi ruŋa i a Ietū, ꞌo haka paka rō ꞌe he topa ꞌi ruŋa i a ia te ūtuꞌa vaꞌai era ki a Rukifero.

2 Timoteo 1:15

Ko ꞌite ꞌana koe: te nuꞌu taꞌatoꞌa o ꞌĀtia ko hoa ꞌana i a au, ꞌe ꞌi roto i rā nuꞌu a Fīkero ꞌe a ꞌEremōhene.

2 Timoteo 3:13

ꞌE te ŋāŋata aŋa i te meꞌe taꞌe tano ꞌe te nuꞌu haka tuꞌu i a rāua pa he nuꞌu haka moe i te manaꞌu ꞌi ruŋa i a Ietū pe te ꞌata taꞌe riva-riva ka oho ena; te aŋa he reo-reo he oho nō ki te taŋata ꞌe, ꞌina he aŋi-aŋi, e reo-reo takoꞌa rō ꞌana ki a rāua.

2 Timoteo 4:3

Nā e tuꞌu rō te mahana e ko haŋa haka ꞌou te taŋata ki te hāpī parautiꞌa. Te meꞌe ka aŋa era he kimi i te maꞌori hāpī i te meꞌe haŋa nō o rāua mo haka roŋo,

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

Tanatiako 1:6

ꞌE ana no-noꞌi, e haka moe te manaꞌu ꞌi ruŋa i a ia ꞌe ꞌina ko ꞌaka-ꞌaka. Te kope ꞌaka-ꞌaka o te manaꞌu pa he vave ꞌā ꞌi te hora haka makenu e te tokerau ki te pāꞌiŋa ki te pāꞌiŋa.

Tanatiako 3:4

Pē ira takoꞌa ꞌā te pahī: ka ai atu he pahī hopeꞌa o te nui-nui ꞌe te tokerau haka makenu i a ia he tokerau hopeꞌa o te pūai, hai huira ꞌiti-ꞌiti e tahi e haka oho ena e te kope haka tere a te kona ꞌāꞌana i haŋa.

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.

1 Iovani 2:26

E pāpaꞌi atu ena a au i te ŋā meꞌe nei, ꞌo haka roŋo kōrua ki te nuꞌu reo-reo atu ꞌe ꞌo haka tapa kōrua mai te hāpī parautiꞌa.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

Hura 1:12

Te nuꞌu ena he haꞌamā e tahi ꞌi te hora kai i te haraoa mo haka manaꞌu i te mate iŋa o Ietū. ꞌIna a rāua he moꞌa i te ŋoŋoro ena; te meꞌe aŋa nō he kai, he unu ꞌe he reka. Te nuꞌu ena pa he nuꞌu hāpaꞌo māmoe hāpaꞌo i a rāua mau nō, pa he raŋi vai kore maꞌu e te tokerau. ꞌE pa he tumu ꞌina he hua, ꞌina e tahi meꞌe riva-riva mo poreko mai roto i te nuꞌu ena. A rāua he meꞌe mate, pa he tumu ko oꞌi ꞌā a te aka ꞌe ko paka-paka ꞌana.

Meꞌe Haka Takeꞌa 19:20

Te manuꞌino nei ko ꞌa-ꞌaru ꞌā, ꞌe ko ꞌa-ꞌaru takoꞌa ꞌā tū perofeta reo-reo aŋa era ꞌi muꞌa i rā manuꞌino i te mana ꞌe i te tētahi atu meꞌe mo māere o te taŋata. Hai ŋā meꞌe nei i haka rē ai te nuꞌu i a rāua mo tāpaꞌo hai tāpaꞌo o te manuꞌino, ꞌe i haꞌamuri ai i te ꞌītoro aŋa pē ia. I oho era he toꞌo mai he hoa ora i rā manuꞌino ꞌe i rā perofeta reo-reo era ki roto i te pōꞌauahi, kona ꞌi ira e ura ena te azufre.