Ēfeto 4:12 - Rapa Nui

¹² I aŋa ai a Ietū i te meꞌe nei mo hāpī ꞌe mo haka riva-riva o te nuꞌu nei i a tātou i te nuꞌu taꞌatoꞌa haꞌataꞌa e te ꞌAtua māꞌana, ki tano tahi ai a tātou mo aŋa takoꞌa ki a ia. Pē ira ka hio-hio ka oho ena a tātou te nuꞌu taꞌatoꞌa ꞌāꞌana,

Ēfeto 4:12 ပူးပေါင်းရင်းမြစ်များ

Ruka 22:32

Ka ai atu pē ira, ko ani ꞌana a au mōꞌou ki te ꞌAtua, ꞌo kore tuꞌu haka moe iŋa i te manaꞌu ꞌi ruŋa i a au. Ki huri haka ꞌou mai koe, e hāꞌūꞌū ki tāꞌaku nuꞌu hāpī mo haka hio-hio takoꞌa i te rāua manaꞌu ꞌi ruŋa i a au.

Aŋa o te ꞌĀpōtoro 1:17

A Hura he kope e tahi o mātou, ꞌe ꞌi muri i a mātou e aŋa era.

Aŋa o te ꞌĀpōtoro 1:25

mo maꞌu i te aŋa he ꞌāpōtoro, aŋa e Hura ꞌātā ki te hora hara ōꞌona ꞌe ꞌai ko oho ꞌā ki te kona tano mōꞌona».

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Aŋa o te ꞌĀpōtoro 9:31

ꞌI rā hora, ꞌi te taꞌe kimi haka ꞌou e te taŋata mo tōtōā, he ŋaroꞌa te ora e te nuꞌu haka moe i te manaꞌu ꞌi ruŋa i a Ietū o te kona taꞌatoꞌa o Hūrea, o Karirea ꞌe o ⌊Tāmāria⌋, ꞌe he haka hio-hio he oho i te rāua manaꞌu ꞌi ruŋa i a Ietū. He moꞌa nō te aŋa i te ꞌAtua, ꞌe, hai hāꞌūꞌū o te Vārua Maitai, e ꞌata rahi e oho era a rāua.

Rōmano 12:5

Pē ira ꞌā tātou, te nuꞌu ⌊haka moe i te manaꞌu⌋ ꞌi ruŋa i a Ietū. Ka ai atu e rahi rō ꞌana a tātou, e tahi mau nō hakari, he hakari o Ietū.

Rōmano 12:7

ꞌE mo ai rā meꞌe vaꞌai mai era he tāvini ki te rua, e tāvini riva-riva. ꞌE te kope i a ia te meꞌe he hāpī i te rua, e noho e hāpī.

Rōmano 14:19

ꞌO ira, ki uꞌi ki aŋa i te rāveꞌa taꞌatoꞌa ai mo hāꞌūꞌū i a tātou mo ꞌata ꞌite o ruŋa i te meꞌe o te ꞌAtua, ꞌe mo ai o te haumārū ꞌi roto i a tātou taꞌatoꞌa o te nuꞌu haka moe i te manaꞌu ꞌi ruŋa i a Ietū.

Rōmano 15:14

E te taina ōꞌoku ē, e ꞌite riva-riva rō ꞌana a au: te kōrua noho iŋa noho iŋa tano ki te mata o te ꞌAtua, ko ꞌite riva-riva ꞌana kōrua o ruŋa i te hāpī parautiꞌa ꞌāꞌana, ꞌe e tano rō ꞌana mo hāꞌūꞌū ꞌi roto i a kōrua ꞌā mo haka tika o ruŋa i te meꞌe haŋa o te ꞌAtua.

Rōmano 15:2

Ki aŋa tahi tātou i te meꞌe hai haŋa mo haka koa ꞌe mo hāꞌūꞌū i te taina, ꞌe mo ꞌata ꞌite o tātou taꞌatoꞌa o ruŋa i te meꞌe o te ꞌAtua.

Rōmano 15:29

ꞌE, ko ꞌite riva-riva ꞌana a au pē nei ē: ki tuꞌu atu a au, ka ꞌata haꞌamaitai mai ena e te Kiritō i a tātou taꞌatoꞌa.

1 Kōrinto 12:27

Te meꞌe nei ꞌāꞌaku e haŋa nei mo haka aŋi-aŋi atu: te nūnaꞌa taŋata haka moe i te manaꞌu ꞌi ruŋa i a Ietū he hakari o te ⌊Kiritō⌋, ꞌe e tahi e tahi o te nuꞌu nei he kona o rā hakari koia ko tāꞌana aŋa.

1 Kōrinto 12:7

Hai meꞌe vaꞌai mai mo aŋa i te aŋa o te ꞌAtua e takeꞌa ena: o te Vārua Maitai te haka tere i a tātou. ꞌE nei ŋā meꞌe i vaꞌai mai ai ki a tātou e tahi e tahi mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a Ietū.

1 Kōrinto 14:12

E tano rō ꞌā, e te taina ē, te haŋa mo ai i a kōrua te meꞌe vaꞌai e te Vārua Maitai mo aŋa i te aŋa o te ꞌAtua. Te meꞌe nō, e ani ki a ia mo vaꞌai atu hai ŋā meꞌe ena mo hāꞌūꞌū ki te nuꞌu taꞌatoꞌa haka moe i te manaꞌu ꞌi ruŋa i a Ietū mo pūai o te rāua manaꞌu ꞌi ruŋa i a ia.

1 Kōrinto 14:14

Mo pure ōꞌoku hai ꞌarero kē taꞌe ꞌite e au, e pure ꞌana a au i te meꞌe i haka pure mai e te Vārua Maitai, taꞌe ꞌō hai meꞌe i manaꞌu e au.

1 Kōrinto 14:26

Tāꞌaku kī, e te taina ē: ꞌi te hora taka-taka o kōrua mo haꞌamuri ki te ꞌAtua, e tano nō te tētahi nuꞌu mo hīmene i te hīmene haꞌahana-hana, ꞌe te tētahi atu mo hāpī ꞌo mo haka ꞌite i te meꞌe haka aŋi-aŋi e te ꞌAtua, ꞌo mo vānaŋa hai ꞌarero kē taꞌe ꞌite e ia, ꞌo mo kī i te haꞌaauraꞌa o rā vānaŋa. Te meꞌe taꞌatoꞌa nei e aŋa mo te riva-riva o te nūnaꞌa taꞌatoꞌa o te taŋata haka moe i te manaꞌu ꞌi ruŋa i a Ietū.

2 Kōrinto 12:19

E manaꞌu ena pēaha a kōrua: te tumu o te meꞌe taꞌatoꞌa pāpaꞌi atu ena e au e kimi ꞌā i te mātou ora ꞌo te reo-reo taꞌatoꞌa tuhi mai e tū ŋā ꞌāpōtoro reo-reo era, ꞌe taꞌe, paꞌi, pē ira. Te tumu mau o te meꞌe taꞌatoꞌa nei, e te taina haŋa rahi ē, mo haka pūai i te kōrua haka moe iŋa i te manaꞌu ꞌi ruŋa i a Ietū. E vānaŋa atu ena, paꞌi, a mātou hai parautiꞌa ꞌi muꞌa o te ꞌAtua, ꞌe pa he nuꞌu o te Kiritō.

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

2 Kōrinto 13:9

He koa a mātou mo pūai o kōrua ꞌi te ara parautiꞌa o te ꞌAtua ka ai atu e ai rō ꞌana te nuꞌu manaꞌu ꞌina mātou pūai pa he ꞌāpōtoro. ꞌE he pure he oho a mātou mo kōrua mo tuꞌu ki te roa ena ꞌina e tahi hape.

2 Kōrinto 3:8

¿e ko ai hō hai pūai ꞌata hau rō atu ꞌi te nui-nui te haka ꞌite iŋa mai o te haka tere iŋa ꞌāpī ōꞌona ananake ko tātou ko te taŋata vaꞌai mai i te Vārua Maitai?

2 Kōrinto 4:1

Te ꞌAtua i vaꞌai mai ai i te aŋa nei, he riva rahi ōꞌona. ꞌO ira a mātou e taꞌe hōriŋa nei.

2 Kōrinto 5:18

Te meꞌe taꞌatoꞌa nei he aŋa o te ꞌAtua haka riva-riva i a tātou ki a ia hai Ietū Kiritō, ꞌe vaꞌai mai i te aŋa he haka ꞌite pē hē te taŋata ana riva-riva ki a ia.

2 Kōrinto 6:3

A mātou e hāpaꞌo rō ꞌā i te mātou meꞌe aŋa, ꞌo aŋa i te meꞌe taꞌe tano haka ꞌaka-ꞌaka i te manaꞌu o te taŋata ꞌo ⌊haka moe i te manaꞌu⌋ ꞌi ruŋa i a Ietū, ꞌe ꞌo tuhi tāꞌue mai i te taꞌe tano o te mātou aŋa.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Ēfeto 1:23

a rāua he hakari ōꞌona. Mai i a ia e ravaꞌa ena e rāua i te ora ꞌe i te pūai; ꞌāꞌana, paꞌi, te vaꞌai i te ora ki te meꞌe taꞌatoꞌa o te ao.

Ēfeto 4:16

ꞌE, ꞌo te ai ōꞌona he Pūꞌoko o tātou ꞌe a tātou he hakari ōꞌona, māꞌana e haka tika e papa e haka riva-riva ꞌi tōꞌona kona i a tātou, he kona o tōꞌona hakari. ꞌE mo aŋa tahi o te ŋā kona nei i te rāua aŋa hai haŋa, he nui-nui ꞌe he pūai he oho te hakari.

Ēfeto 4:29

ꞌIna ko parauꞌino ꞌe ꞌina ko kī i te vānaŋa mo taꞌe au o te rua. Te meꞌe mau nō o kōrua mo vānaŋa he meꞌe riva-riva mo hāꞌūꞌū i te rua.

Ēfeto 4:4

A tātou, te nuꞌu ꞌa Ietū Kiritō, pa he ŋā kona ena ꞌā o te hakari mau nō e tahi, ꞌe e tahi mau nō vārua haka tika i a tātou, he Vārua Maitai. ꞌE te meꞌe tiaki e tātou taꞌatoꞌa ko tū meꞌe ꞌā, he haꞌamaitai hōrea e te ꞌAtua mo te nuꞌu taꞌatoꞌa haꞌataꞌa e ia māꞌana.

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

Kōrosa 1:28

ꞌI te kona taꞌatoꞌa, e hāpī e oho nei mātou o ruŋa i a Ietū Kiritō, ꞌe hai mārama-rama vaꞌai mai e te ꞌAtua, e hatu e hāpī nei ki te nuꞌu mo haka moe i te rāua manaꞌu ꞌi ruŋa i a Ietū. Te meꞌe haŋa, paꞌi, o mātou he maꞌu i te nuꞌu taꞌatoꞌa ꞌa Ietū Kiritō ki muꞌa o te ꞌAtua ko paꞌari ꞌana ꞌi te meꞌe o te ꞌAtua ꞌe ꞌina e tahi hape.

Kōrosa 4:17

E kī te meꞌe nei ki a Arakipo: «E uꞌi e aŋa tahi te aŋa vaꞌai atu era e te ꞌAtua».

1 Timoteo 1:12

He māuru-uru au ki te kope vaꞌai mai i te haŋu, ko Ietū Kiritō, he Pūꞌoko Haka Tere o tātou, ꞌo te uꞌi mai i a au pa he taŋata e ko haka rē i a ia ki te hora hopeꞌa ꞌe ꞌo te haꞌataꞌa i a au mo aŋa ki a ia,

2 Timoteo 4:11

Ko Ruka mau nō te meꞌe ꞌi muri i a au. E uꞌi e kimi mai a Marko ꞌe ꞌai ka maꞌu rō mai ꞌi muri i a koe mo hāꞌūꞌū mai ꞌi tāꞌaku aŋa.

2 Timoteo 4:5

ꞌE a koe, e ꞌite i te hāito i taꞌa meꞌe kī ꞌe i taꞌa meꞌe aŋa, e haꞌaoromaꞌi hai pūai i te ꞌati, e haka ꞌite e oho i te ⌊roŋo riva-riva o ruŋa i a Ietū Kiritō⌋, ꞌe e aŋa riva-riva taꞌa aŋa.

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

ꞌEvereo 6:1

ꞌO ira, e te taina ē, ꞌina tātou ko noho mau rō ꞌai ꞌi ruŋa i te hāpī raꞌe o ruŋa i te ⌊Kiritō⌋. Ki ꞌata hāpī ki oho tātou ꞌātā ka paꞌari rō ꞌi te meꞌe o te ꞌAtua, ꞌo teka-teka ꞌo oho nō tātou ꞌi ruŋa i te hāpī raꞌe era pe he hāpī o ruŋa i te huri iŋa o te manaꞌu ki te ꞌAtua, o ruŋa i te haka tapa iŋa mai roto i te meꞌe taꞌe tano maꞌu ki te mate, o ruŋa i te haka moe iŋa i te manaꞌu ꞌi ruŋa i a Ietū,