Ēfeto 4:10 - Rapa Nui

¹⁰ Te kope topa mai era ko Ietū, ꞌe te kope iri era ki te kona ruŋa nui ko ia ꞌā, mo Pūꞌoko Haka Tere o te kona taꞌatoꞌa o te ao.

Ēfeto 4:10 ပူးပေါင်းရင်းမြစ်များ

Māteo 24:34

ꞌĪ a au he kī atu: te taŋata o te hora nei e ko ŋaro hia ka topa tahi rō ena te ŋā meꞌe nei.

Ruka 24:44

I oti era he kī: «Te meꞌe topa mai nei he meꞌe ko haka ꞌite atu era ꞌā e au ꞌi muꞌa ꞌā pē nei ē: te meꞌe taꞌatoꞌa pāpaꞌi e Mōtē, e te perofeta ꞌe ꞌi ruŋa i te puka o te hīmene o ruŋa i a au e haka tano tahi rō».

Iovani 1:16

ꞌE, ꞌi te riva rahi ōꞌona, he haꞌamaitai nō mai te aŋa i a tātou.

Iovani 19:24

he kī e tū ŋā vaꞌehau era ki a rāua ꞌā: «ꞌIna tātou ko ihi-ihi. Mai ki pere ki uꞌi ki a ai ana topa». Pē ira i tano ai te meꞌe hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «Ko tuhaꞌa ꞌana ki a rāua ꞌā i tōꞌoku kahu, ꞌe ko pere ꞌana i tōꞌoku kahu roa-roa». He meꞌe nei te meꞌe i aŋa e te vaꞌehau.

Iovani 19:28

ꞌE, ꞌi te ꞌite o Ietū ko aŋa tahi ꞌana a ia i tāꞌana meꞌe mo aŋa, ꞌe ꞌi te haŋa mo haka tano i te meꞌe hāꞌaki o ruŋa o te Pāpaꞌi Moꞌa, he kī: «Ko pohe ꞌana a au ki te vai».

Iovani 19:36

Te ŋā meꞌe nei i topa ai mo haka tano o te meꞌe kī ꞌi ruŋa i te Pāpaꞌi Moꞌa pē nei ē: «E ko ha-hati e tahi ivi».

Aŋa o te ꞌĀpōtoro 1:11

He kī: «E te taŋata o Karirea ē, ¿he aha rā i no-noho i uꞌi rō ai a te raŋi? A Ietū noho atu era ꞌi muri i a kōrua, iri ena ki te raŋi, ko ia ꞌā nā ka hoki mai ena. Pa he iri iŋa ena ōꞌona takeꞌa ena e kōrua, pē ira ꞌana tōꞌona hoki iŋa mai».

Aŋa o te ꞌĀpōtoro 1:9

I kī era i te meꞌe nei, he iri he oho a Ietū a ruŋa, e uꞌi nō ꞌā e tū nuꞌu era, he viri e te raŋi e tahi ꞌe he ŋaro rō ꞌai.

Aŋa o te ꞌĀpōtoro 2:33

Ko maꞌu ꞌā te ꞌAtua i a Ietū ko haka noho ꞌana ꞌi tōꞌona pāꞌiŋa mataꞌu mo haka tere ararua, ꞌe ko vaꞌai ꞌā ki a ia i te Vārua Maitai hōrea e ia e te Matuꞌa. ꞌE a Ietū ko haka topa mai ꞌā i te Vārua Maitai ki ruŋa i a mātou, he meꞌe ŋaroꞌa ꞌe takeꞌa ena e kōrua.

Aŋa o te ꞌĀpōtoro 3:18

Pē ira te ꞌAtua i haka tano ai i te meꞌe kī ꞌi muꞌa ꞌā ki tāꞌana perofeta taꞌatoꞌa mo haka ꞌite: tāꞌana Kiritō e mate rō.

2 Kōrinto 12:2

Ka hoꞌe ꞌahuru mā maha matahiti a tuꞌa i maꞌu ai e te ⌊Kiritō⌋ i a au, kope ⌊haka moe i te manaꞌu⌋ ꞌi ruŋa i a ia, ki te raŋi. Kai ꞌite riva-riva mai hoki hai hakari mau ꞌā ꞌo i toꞌo vārua nō; he ꞌAtua te meꞌe i ꞌite.

Ēfeto 3:19

Ka ai atu ꞌina e tahi kope mo aŋi-aŋi riva-riva i te rahi o tōꞌona haŋa mo te taŋata, tāꞌaku meꞌe ani ki te ꞌAtua, he ꞌata haka ꞌite he oho atu ꞌi roto i te kōrua māhatu i te haŋa o Ietū Kiritō mo kōrua, ꞌātā ka riro rō te kōrua huru, pa he huru riva ōꞌona ꞌina e tahi hape.

Kōrosa 1:19

I a Ietū Kiritō te huru ꞌe te pūai taꞌatoꞌa o te ꞌAtua; pē ira i haŋa ai e te ꞌAtua.

Kōrosa 2:9

Te huru ꞌe te pūai taꞌatoꞌa, paꞌi, o te ꞌAtua i a Ietū Kiritō, ka ai atu tōꞌona hakari hakari taŋata.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

ꞌEvereo 4:14

A Ietū, Poki o te ꞌAtua, he oromatuꞌa hopeꞌa o te ra-rahi o tātou ꞌi te raŋi. ꞌO ira, e haka moe e oho tātou i te manaꞌu ꞌi ruŋa i a ia.

ꞌEvereo 7:26

A Ietū he oromatuꞌa hopeꞌa o te ra-rahi tano mo tātou. Te ꞌAtua e koa rō ꞌana mōꞌona. ꞌIna, paꞌi, ōꞌona hara ꞌo hape mo tuhi iŋa e te rua. Ko haꞌataꞌa ꞌana i a ia mai muri i te nuꞌu hara ꞌe ko vaꞌai ꞌana i te tōroꞌa hopeꞌa o te nui-nui ꞌi te raŋi.

ꞌEvereo 8:1

Te meꞌe haŋa ꞌāꞌaku mo aŋi-aŋi e kōrua: te tātou oromatuꞌa hopeꞌa o te ra-rahi ko Ietū Kiritō, ꞌai te raŋi e noho rō ꞌā ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui.