Ēfeto 3:6 - Rapa Nui

⁶ Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Ēfeto 3:6 ပူးပေါင်းရင်းမြစ်များ

1 Kōrinto 12:12

Te hakari, ka ai atu e rahi rō ꞌā te kona, he meꞌe mau nō e tahi. Pē ira takoꞌa te Kiritō koia ko te nuꞌu taꞌatoꞌa haka moe i te manaꞌu ꞌi ruŋa i a ia he meꞌe e tahi mau nō.

1 Kōrinto 12:27

Te meꞌe nei ꞌāꞌaku e haŋa nei mo haka aŋi-aŋi atu: te nūnaꞌa taŋata haka moe i te manaꞌu ꞌi ruŋa i a Ietū he hakari o te ⌊Kiritō⌋, ꞌe e tahi e tahi o te nuꞌu nei he kona o rā hakari koia ko tāꞌana aŋa.

Karatia 3:14

Te meꞌe nei i topa ai mo ravaꞌa takoꞌa e te nuꞌu taꞌe he hūrio, hai Ietū Kiritō, i te haꞌamaitai hōrea e te ꞌAtua ki a ꞌAparahama, ꞌe mo ai ꞌi roto i a tātou taꞌatoꞌa, hai haka moe i te manaꞌu ꞌi ruŋa i a Ietū, te Vārua Maitai hōrea mai e te ꞌAtua.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 3:3

ꞌĀꞌana i haka ꞌite mai i te parautiꞌa taꞌe haka ꞌite era ꞌi muꞌa ꞌā, he meꞌe nā ko pāpaꞌi ꞌiti-ꞌiti atu ꞌana e au.

Ēfeto 5:30

A tātou taꞌatoꞌa, paꞌi, he hakari ōꞌona; e tahi e tahi o tātou he kona o rā hakari.

Ēfeto 5:7

ꞌO ira, e uꞌi ꞌo aŋa takoꞌa rō kōrua i te meꞌe taꞌe tano aŋa e tū nuꞌu era.

Kōrosa 2:19

Ko haka topa kē ꞌana te nuꞌu nei i a rāua mai i a Ietū Kiritō, Pūꞌoko Haka Tere o tātou. ꞌĀꞌana te haka pūai te oho i te tātou manaꞌu ꞌi ruŋa i a ia, ꞌe te haka riro i a tātou e tahi mau nō manaꞌu, pa he meꞌe haŋa e te ꞌAtua, pa he ua-ua haka piri hakari e haka piri e haka hio-hio ena i te kona taꞌatoꞌa o te hakari.

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

1 Iovani 2:25

ꞌE te meꞌe hōrea mai era e Ietū Kiritō ko te meꞌe nei: he ora ꞌāpī ꞌina he hopeꞌa raꞌa.