Ēfeto 3:5 - Rapa Nui

⁵ he meꞌe taꞌe haka ꞌite era ki te taŋata ꞌi muꞌa ꞌā, ꞌe, ꞌi te hora nei, ko haka ꞌite ꞌana e te ꞌAtua ki tāꞌana ⌊ꞌāpōtoro⌋ ꞌe ki te perofeta hai ⌊Vārua Maitai⌋.

Ēfeto 3:5 ပူးပေါင်းရင်းမြစ်များ

Māteo 13:17

ꞌĪ a au he kī atu: meꞌe rahi perofeta ꞌe meꞌe rahi taŋata tano ki te mata o te ꞌAtua i haŋa rō mo takeꞌa i te meꞌe takeꞌa e kōrua, ꞌe ꞌina kai takeꞌa, ꞌe i haŋa rō mo ŋaroꞌa i te meꞌe ŋaroꞌa e kōrua, ꞌe ꞌina e rāua kai ŋaroꞌa.

Māteo 20:7

»He pāhono e rā nuꞌu: “ꞌIna e tahi taŋata i vaꞌai mai i a mātou hai aŋa”. »He kī e rā taŋata: “Ka oho ia kōrua ka aŋa ꞌi tōꞌoku kona vino era”.

Māteo 23:34

ꞌO ira, ꞌī a au he uŋa atu hai perofeta, hai maꞌori ꞌe hai nuꞌu ꞌite i te haka topa i te manaꞌu. Te tētahi o te nuꞌu nei he tiŋaꞌi he haka mate e kōrua ꞌe he veo ꞌi ruŋa i te tātaurō, ꞌe te tētahi atu o rāua he tiŋaꞌi e kōrua ꞌi roto i te hare pure hūrio ꞌe he kimi ki kona era ki kona era mo tōtōā.

Ruka 10:24

ꞌĪ a au he kī atu: meꞌe rahi perofeta ꞌe ꞌariki i haŋa mo takeꞌa i te meꞌe takeꞌa e kōrua, ꞌe ꞌina kai takeꞌa; i haŋa mo ŋaroꞌa i te meꞌe ŋaroꞌa e kōrua ꞌe ꞌina kai ŋaroꞌa».

Ruka 11:49

»ꞌO ira te ꞌAtua hai mārama-rama i kī ai: “E uŋa rō au i te perofeta ꞌe i te ⌊ꞌāpōtoro⌋, ꞌe e tiŋaꞌi e haka mate rō e rāua i te tētahi ꞌe i te tētahi atu e tū-tute rō mo tōtōā”.

Iovani 14:26

ꞌE, ki oho mai te kope hāꞌūꞌū era, he Vārua Maitai uŋa mai e te Matuꞌa hai ꞌīŋoa ōꞌoku, he hāpī atu i te meꞌe taꞌatoꞌa ꞌe he haka manaꞌu tahi atu i tāꞌaku vānaŋa kī atu era.

Iovani 16:13

Ki tuꞌu mai te Vārua o te parautiꞌa, he haka aŋi-aŋi he oho atu i te parautiꞌa taꞌatoꞌa o te ꞌAtua. Taꞌe hai manaꞌu ōꞌona ꞌā ka vānaŋa atu ena, hai meꞌe i ŋaroꞌa e ia, ꞌe he haka ꞌite takoꞌa atu he aha te meꞌe ka topa ena.

Aŋa o te ꞌĀpōtoro 10:28

He kī: —Ko ꞌite ꞌana a kōrua: te mātou haka tere iŋa ꞌina he haꞌatiꞌa i te hūrio mo piri ki te hau kē ꞌo mo uru ki te rāua hare. ꞌE, te ꞌAtua ko haka aŋi-aŋi mai ꞌā: ꞌina a au ko uꞌi i te taŋata o te hau kē pa he taŋata taꞌe tano mo repahoa ōꞌoku.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

1 Kōrinto 2:10

Rā meꞌe taꞌe haka ꞌite mai era ꞌi muꞌa ꞌā ko haka aŋi-aŋi mai ꞌā e te ꞌAtua hai Vārua Maitai ꞌi te hora nei; a ia, paꞌi, e ꞌite rō ꞌā i te meꞌe taꞌatoꞌa, ꞌātā i te manaꞌu hopeꞌa o te ꞌAtua.

Ēfeto 2:20

A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

Ēfeto 3:9

ꞌE ko vaꞌai takoꞌa mai ꞌana i te aŋa he haka aŋi-aŋi ōꞌoku ki te taŋata taꞌatoꞌa pē hē i haka tano ai e ia i tāꞌana meꞌe manaꞌu era mo aŋa. Te ꞌAtua, kope ꞌāꞌana i aŋa i te meꞌe taꞌatoꞌa, ko haka ꞌite mai ꞌana i tāꞌana meꞌe manaꞌu era mo aŋa, he meꞌe taꞌe haka ꞌite era ki te taŋata ꞌi muꞌa ꞌā,

2 Pētero 3:2

E manaꞌu kōrua ki te meꞌe kī e te perofeta ꞌi muꞌa ꞌana ꞌe ki te meꞌe hāpī atu e te ⌊ꞌāpōtoro⌋ o ruŋa i te roŋo o te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Hura 1:17

E te taina, e uꞌi ꞌo rehu te vānaŋa kī ꞌi muꞌa ꞌā e te ⌊ꞌāpōtoro⌋ o te tātou Pūꞌoko Haka Tere ko Ietū Kiritō