Ēfeto 3:20 - Rapa Nui

²⁰ Ki haꞌahana-hana tātou ki te ꞌAtua. I a ia, paꞌi, te pūai mo aŋa i te meꞌe ꞌata hau rō atu ki te meꞌe manaꞌu ꞌe ki te meꞌe no-noꞌi e tātou ki a ia hai pūai o tōꞌona Vārua Maitai noho ꞌe aŋa ꞌi roto i a tātou.

Ēfeto 3:20 ပူးပေါင်းရင်းမြစ်များ

Māteo 3:9

ꞌE ꞌina ko teꞌo-teꞌo ko kī ki a kōrua ꞌā: “A mātou, hoꞌi, he hakaara o ⌊ꞌAparahama⌋; ꞌo ira e tano rō ꞌā ki te mata o te ꞌAtua”. ꞌĪ a au he kī atu: e tano nō te ꞌAtua mo haka riro i te ŋā māꞌea nei he hakaara o ꞌAparahama.

Iovani 10:10

»Te toke-toke e oho mai ena mo toke, mo tiŋaꞌi mo haka mate ꞌe mo tōtōā; ꞌe, a au i oho mai ai mo ravaꞌa e kōrua i te ora ꞌāpī ꞌina he hopeꞌa raꞌa, ꞌe mo noho o kōrua e koa rō ꞌā ꞌe e haꞌamaitai rō ꞌā e te ꞌAtua.

Rōmano 16:25

Ki haꞌahana-hana tahi tātou ki te ꞌAtua. I a ia te pūai mo haka hio-hio i te kōrua manaꞌu ꞌi ruŋa i a ia hai roŋo haka ꞌite e au o ruŋa i a Ietū Kiritō, he parautiꞌa taꞌe haka ꞌite ꞌi muꞌa ꞌā o ruŋa i te meꞌe manaꞌu e ia mo aŋa

Rōmano 4:21

ꞌo te ꞌite riva-riva pē nei ē: i te ꞌAtua te pūai mo haka tano i tāꞌana meꞌe hōrea.

1 Kōrinto 2:9

E kī rō ꞌana, paꞌi, ꞌi ruŋa i te ⌊Pāpaꞌi Moꞌa⌋: «Te ꞌAtua ko haka riva-riva ꞌā mo te nuꞌu haŋa ki a ia i te meꞌe ꞌina he kope raꞌe i takeꞌa, i ŋaroꞌa ꞌe korohaŋa i manaꞌu».

2 Kōrinto 9:8

ꞌE i a ia te pūai mo haꞌamaitai hai rauhuru nō atu meꞌe ꞌo hape e tahi meꞌe o kōrua, ꞌe, ꞌi te rahi, he topa ꞌātā mo hāꞌūꞌū ki te tētahi.

Ēfeto 1:19

ꞌe i te rahi o tōꞌona pūai e hāꞌūꞌū mai ena ki a tātou ki te nuꞌu haka moe i te manaꞌu ꞌi ruŋa i a Ietū. Te pūai nei he mana haka takeꞌa era e te ꞌAtua

Ēfeto 3:7

ꞌE, ꞌi tōꞌona riva rahi mōꞌoku, ko vaꞌai mai ꞌana i te aŋa he haka ꞌite he oho i te ⌊roŋo riva-riva o ruŋa i a Ietū⌋ hai pūai ōꞌona.

Kōrosa 1:29

Mo te meꞌe nei a au e aŋa nei hai haŋu ꞌe hai pūai vaꞌai mai e Ietū.

1 Timoteo 1:14

ꞌE i haka ꞌite rō mai e ia i tōꞌona riva ꞌe i tōꞌona haŋa ki a au hai haka poreko ꞌi roto i a au i te haŋa mo haka moe ōꞌoku i te manaꞌu ꞌi ruŋa i a Ietū, ꞌe i te haŋa mo te rua taŋata hai Ietū Kiritō.

ꞌEvereo 11:19

He ꞌite o ꞌAparahama e ko taꞌe haka tano e te ꞌAtua i tāꞌana meꞌe kī, ꞌe i te ꞌAtua te pūai mo haka ora i te taŋata mai te mate, i aŋa ai i te meꞌe kī era e te ꞌAtua. Mōꞌona, paꞌi, he ravaꞌa haka ꞌou e ia i rā poki era ꞌāꞌana mai te mate.

ꞌEvereo 7:25

ꞌO ira a Ietū e riva ena mo haka eꞌa mau rō mai ꞌai i a tātou mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa ki a tātou ki te nuꞌu haka hāhine ki te ꞌAtua hai ⌊haka moe i te manaꞌu⌋ ꞌi ruŋa i a ia. A Ietū, paꞌi, e ora e oho ena mo ani ki te ꞌAtua mo tātou.

Tanatiako 4:12

Te haka tere iŋa nei o te ꞌAtua i vaꞌai mai, ꞌe i a ia nō te parau mo ture. Tuꞌu ora ꞌe tuꞌu mate i a ia mau nō. ꞌE, ¿ko ai ia a koe mo kī i te hape o te rua?

2 Pētero 1:11

ꞌe te ꞌAtua, hai koa, ka haka uru ena i a kōrua ki roto i te ao ꞌina he hopeꞌa raꞌa, he ao haka tere e te tātou Pūꞌoko ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Hura 1:24

Ki haꞌahana-hana tahi tātou ki te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa hai Ietū Kiritō, he Pūꞌoko Haka Tere o tātou. I te ꞌAtua mau nō te pūai mo hāpaꞌo i a tātou ꞌo oꞌo ki roto i te hara, ꞌe mo haka māroa i a tātou pe muꞌa ka oho ena ꞌi muꞌa i a ia ꞌi roto i tōꞌona pūai ꞌana-ꞌana e koa rō ꞌana ꞌe ꞌina e tahi hape. I a ia mau nō te nui-nui, te pūai, te parau o te meꞌe taꞌatoꞌa ꞌi muꞌa ꞌā, ꞌi te hora nei ꞌe ꞌina he hopeꞌa raꞌa. ⌊ꞌĀmene⌋.