Ēfeto 3:11 - Rapa Nui

¹¹ Ko manaꞌu era ꞌā e te ꞌAtua mo aŋa i te meꞌe nei mai muꞌa ꞌā, mai te hora kai aŋa ꞌana i te ao, ꞌe ko aŋa ꞌana hai meꞌe i aŋa e Ietū Kiritō, he Pūꞌoko Haka Tere o tātou, hora mate era ōꞌona ꞌi ruŋa i te tātaurō.

Ēfeto 3:11 ပူးပေါင်းရင်းမြစ်များ

Rōmano 9:11

ꞌE, ꞌi te hora kai poreko ꞌana rā ŋā poki ꞌe kai aŋa ꞌā i te meꞌe tano ꞌe i te meꞌe taꞌe tano, i haka ꞌite rō ai e te ꞌAtua ki a Rēveka pē nei ē: «Te ꞌatariki e tāvini rō ki te haŋupotu», he haka tano iŋa ki te meꞌe hāꞌaki ꞌi ruŋa i te ⌊Pāpaꞌi Moꞌa⌋ pē nei ē: «I haŋa rahi rō a au ki a ⌊Hākovo⌋ ꞌe i taꞌe haŋa rō a au ki a ⌊Etaū⌋». Hai meꞌe nei e ꞌite nei e tātou e ai rō ꞌana te parau o te ꞌAtua mo haꞌataꞌa i te taŋata māꞌana tano ki tāꞌana meꞌe manaꞌu mo aŋa ꞌe ꞌina he tapa atu i te meꞌe aŋa e rāua.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Ēfeto 1:11

I haꞌataꞌa ai i a tātou, ꞌi muꞌa ꞌā, e te ꞌAtua mo nuꞌu ꞌāꞌana hai Ietū Kiritō, he meꞌe i manaꞌu e ia mo aŋa. Te ꞌAtua, paꞌi, e haka tano tahi rō ꞌana i tāꞌana meꞌe haŋa ꞌe i tāꞌana meꞌe manaꞌu.

Ēfeto 1:4

ꞌI muꞌa ꞌā, hora era kai aŋa ꞌana i te ao, i haꞌataꞌa rō ai te ꞌAtua i a tātou i te nuꞌu ꞌa Ietū Kiritō mo nuꞌu ꞌāꞌana ꞌina e tahi hape ꞌi muꞌa i a ia. He haŋa mai o te ꞌAtua ki a tātou

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 3:1

A au, a Pauro, i puru nei ꞌi roto i te hare maꞌuꞌaurī ꞌo te aŋa ki a Ietū Kiritō mo te riva-riva o kōrua o te nuꞌu taꞌe he hūrio.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.