Ēfeto 2:8 - Rapa Nui

⁸ ꞌI te riva rahi o te ꞌAtua ko haka eꞌa ꞌana i a tātou mai roto i te ūtuꞌa o te hara ꞌo te haka moe o tātou i te manaꞌu ꞌi ruŋa i a Ietū. Taꞌe he meꞌe i ravaꞌa e tātou, he meꞌe o te ꞌAtua i vaꞌai mai,

Ēfeto 2:8 ပူးပေါင်းရင်းမြစ်များ

Māteo 16:17

He kī e Ietū: —¡Ko te koa i a koe, e Tīmona, poki ꞌa Hōnā ē! Te meꞌe ꞌite ena e koe taꞌe o te taŋata i haka ꞌite atu, o tōꞌoku Matuꞌa o te raŋi.

Māteo 20:9

»He tuꞌu ia te nuꞌu oꞌo ꞌi te hora pae o te ahi-ahi, ꞌe ki te taꞌatoꞌa i ꞌauhau ai hai moni o te mahana aŋa e tahi.

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Ruka 7:50

He ꞌata kī ki rā viꞌe e Ietū: «Ko eꞌa ꞌana a koe mai roto i te hara, he haka moe ōꞌou i te manaꞌu ꞌi ruŋa i a au. Ka oho riva-riva».

Iovani 3:36

Te kope haka moe i te manaꞌu ꞌi ruŋa i te Poki o te ꞌAtua he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a ia e ko ravaꞌa i rā ora; te meꞌe mo ravaꞌa he ūtuꞌa ꞌina he hopeꞌa raꞌa.

Iovani 4:10

He pāhono e Ietū: —ꞌĀhani ꞌō e ꞌite rō ꞌā koe he aha te meꞌe haŋa o te ꞌAtua mo vaꞌai atu, ꞌe ꞌāhani takoꞌa e ꞌite rō ꞌā koe ko ai te meꞌe nei e no-noꞌi atu ena ki te vai, ko no-noꞌi ꞌana ia e koe ki a ia hai vai, ꞌe he vaꞌai atu i te vai vaꞌai i te ora ꞌāpī ꞌina he hopeꞌa raꞌa.

Iovani 5:24

»ꞌĪ a au he kī atu: te kope haka roŋo i tāꞌaku vānaŋa ꞌe haka moe i tōꞌona manaꞌu ꞌi ruŋa i te kope uŋa mai i a au, i a ia te ora ꞌāpī ꞌina he hopeꞌa raꞌa, ꞌe ꞌina he ūtuꞌa mōꞌona. Ko haka eꞌa ꞌana, paꞌi, e te ꞌAtua mai te ara o te mate ꞌe ko haka noho ꞌana ꞌi roto i te ara o te ora.

Iovani 6:35

He kī e Ietū: —Ko au te haraoa vaꞌai i te ora. Te kope oho mai ki a au e ko maruaki haka ꞌou; ꞌe te kope haka moe i tōꞌona manaꞌu ꞌi ruŋa i a au e ko pohe haka ꞌou ki te vai.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 6:40

Te haŋa o tōꞌoku Matuꞌa: he ai o te ora ꞌāpī ꞌina he hopeꞌa raꞌa i te nuꞌu taꞌatoꞌa ꞌite ko ai te Poki nei o te ꞌAtua ꞌe haka moe i te manaꞌu ꞌi ruŋa i a ia; ꞌe he haka ora tahi e au ꞌi te mahana o te ture hopeꞌa.

Iovani 6:44

ꞌIna e tahi kope mo oho mai ki a au i taꞌe uŋa mai e te Matuꞌa uŋa mai era i a au, ꞌe he haka ora e au ꞌi te mahana o te ture hopeꞌa.

Iovani 6:65

ꞌE he kī haka ꞌou: —ꞌO ira a au e kī nō atu ena: ꞌina e tahi kope mo oho mai ki a au mo taꞌe ai o tōꞌoku Matuꞌa i haka poreko ꞌi roto i a ia i te haŋa mo oho mai.

Aŋa o te ꞌĀpōtoro 14:27

I tuꞌu era a Pauro ararua ko Verenāvē ki Antiokia, he haka taka-taka i te nuꞌu haka moe i te manaꞌu ꞌi ruŋa i a Ietū ꞌe he ꞌaꞌamu i tū meꞌe taꞌatoꞌa aŋa era e te ꞌAtua hai rāua, ꞌe pē hē te ꞌAtua i mātaki ai i te ꞌōpani mo haka moe takoꞌa o te nuꞌu taꞌe he hūrio i te rāua manaꞌu ꞌi ruŋa i a Ietū.

Aŋa o te ꞌĀpōtoro 15:11

A tātou ko ꞌite riva-riva ꞌā: hai riva rahi mau nō o Ietū e eꞌa ena a tātou mai roto i te ūtuꞌa o te hara ꞌe e ravaꞌa ena i te ora ꞌāpī ꞌina he hopeꞌa raꞌa vaꞌai e te ꞌAtua, ꞌe pē ira takoꞌa ꞌana a rāua».

Aŋa o te ꞌĀpōtoro 16:14

E tahi o rā ŋā viꞌe te ꞌīŋoa ko Riria o te kona ko Tiatira; tāꞌana aŋa he hoꞌo kahu hopeꞌa o te riva-riva kōrore moana ꞌapa mea. Te viꞌe nei viꞌe haꞌamuri ki te ꞌAtua. E haka roŋo nō ꞌā rā viꞌe ki a Pauro, i haka māꞌeha ai e te ꞌAtua i tōꞌona manaꞌu mo aŋi-aŋi i te auraꞌa o rā vānaŋa ꞌe mo haka moe i te manaꞌu ꞌi ruŋa i a Ietū.

Aŋa o te ꞌĀpōtoro 16:31

He pāhono e kuā Pauro: —Mo haka moe kōrua i te manaꞌu ꞌi ruŋa i a Ietū, he eꞌa a koe ꞌe te nuꞌu o tuꞌu hare mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Rōmano 10:14

Te meꞌe nō, ¿pē hē ia ana ani te nuꞌu mo ai ꞌina he haka moe i te rāua manaꞌu ꞌi ruŋa i a Ietū? ꞌE ¿pē hē ana haka moe i te rāua manaꞌu ꞌi ruŋa mo ai ꞌina he ꞌite e tahi meꞌe o ruŋa i a ia? ꞌE ¿pē hē ana ꞌite o ruŋa i a ia, mo ai ꞌina he taŋata haka ꞌite o ruŋa?

Rōmano 10:17

Te meꞌe nō, mo haka moe e tahi kope i tōꞌona manaꞌu ꞌi ruŋa i te Kiritō, e ŋaroꞌa ꞌi raꞌe i te roŋo parautiꞌa o ruŋa; ꞌe mo ŋaroꞌa i rā roŋo, e haka ꞌite e te nuꞌu.

Rōmano 4:16

ꞌO ira, te hōrea kī e te ꞌAtua ki a ꞌAparahama mo hauhaꞌa mo oho nō mo tōꞌona hakaara taꞌatoꞌa, e ai he meꞌe vaꞌai nō e te ꞌAtua hai riva rahi ōꞌona, hai haka moe nō i te manaꞌu ꞌi ruŋa i a ia. Te auraꞌa: te hōrea mo te nuꞌu taꞌatoꞌa haka moe i te manaꞌu ꞌi ruŋa i te ꞌAtua, pē ꞌAparahama, ka ai atu e maꞌu rō ꞌā ꞌo ꞌina he maꞌu i te haka tere iŋa ꞌa Mōtē. Pē ira a ꞌAparahama i ai ai he matuꞌa o tātou taꞌatoꞌa.

Rōmano 4:5

ꞌE te meꞌe he tano ki te mata o te ꞌAtua taꞌe pē ira. Te taŋata hara, paꞌi, ⌊haka moe i te manaꞌu⌋ ꞌi ruŋa i te ꞌAtua, hai riva rahi mau nō o te ꞌAtua e kī ena he kope tano ki tōꞌona mata ꞌe taꞌe ꞌō hai meꞌe aŋa e rā kope.

Rōmano 9:16

Te auraꞌa: taꞌe hai haŋa ꞌo hai meꞌe aŋa e te taŋata e haꞌataꞌa ena e te ꞌAtua i te taŋata māꞌana, hai haŋa mau ꞌā ōꞌona.

Karatia 3:14

Te meꞌe nei i topa ai mo ravaꞌa takoꞌa e te nuꞌu taꞌe he hūrio, hai Ietū Kiritō, i te haꞌamaitai hōrea e te ꞌAtua ki a ꞌAparahama, ꞌe mo ai ꞌi roto i a tātou taꞌatoꞌa, hai haka moe i te manaꞌu ꞌi ruŋa i a Ietū, te Vārua Maitai hōrea mai e te ꞌAtua.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Ēfeto 1:19

ꞌe i te rahi o tōꞌona pūai e hāꞌūꞌū mai ena ki a tātou ki te nuꞌu haka moe i te manaꞌu ꞌi ruŋa i a Ietū. Te pūai nei he mana haka takeꞌa era e te ꞌAtua

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Ēfeto 2:5

ꞌe, ka ai atu a tātou pa he nuꞌu mate mo te meꞌe ꞌāꞌana ꞌo te noho o tātou ꞌi roto i te hara, i vaꞌai nō mai e te ꞌAtua i te ora ꞌāpī ꞌina he hopeꞌa raꞌa ꞌo te ai o tātou ꞌa Ietū Kiritō. (Hai riva rahi mau nō, paꞌi, o te ꞌAtua, ko eꞌa ꞌana a kōrua mai roto i te ūtuꞌa o te hara ꞌe ko ravaꞌa ꞌana i te ora ꞌāpī ꞌina he hopeꞌa raꞌa).

Fīripo 1:29

Te ꞌAtua, paꞌi, hai riva rahi ōꞌona, ko vaꞌai mai ꞌana ki a tātou i te meꞌe taꞌe vaꞌai ki te taꞌatoꞌa: te meꞌe ena he haka moe i te manaꞌu ꞌi ruŋa i a Ietū, ꞌe pē ira ꞌā te meꞌe ena he ꞌamo i te ꞌati topa mai ki a tātou ki te nuꞌu ꞌāꞌana,

Kōrosa 2:12

ꞌE, i ⌊papatito⌋ era, e tuꞌu rō ꞌā pa he meꞌe: ko mate ꞌā, ko tanu ꞌā, ꞌe ko ora haka ꞌou ꞌā kōrua mai te mate ꞌi muri i a Ietū ꞌo te haka moe i te manaꞌu ꞌi ruŋa i te parautiꞌa nei: e ai rō ꞌā te pūai o te ꞌAtua mo haka ora i te taŋata mai te mate.

2 Tētārōnika 1:9

Te ūtuꞌa mo te nuꞌu era he ūtuꞌa ꞌina he hopeꞌa raꞌa. ꞌI te mahana ka tuꞌu mai ena mai te raŋi te tātou Pūꞌoko Haka Tere e toꞌo rō i rā nuꞌu e haka ꞌava-ꞌava rō, ꞌo oꞌo ki roto i tōꞌona pūai nui-nui ꞌana-ꞌana. ꞌE a tātou, te nuꞌu haꞌataꞌa taꞌatoꞌa e te ꞌAtua māꞌana, nuꞌu haka moe i te manaꞌu ꞌi ruŋa i a Ietū, e haꞌahana-hana tahi rō ki a ia ꞌe e māere rō ꞌi te meꞌe taꞌatoꞌa aŋa e ia mo tātou. ꞌE, ꞌi te haka moe o kōrua i te manaꞌu ꞌi ruŋa i te meꞌe hāpī atu era e mātou, a tātou taꞌatoꞌa o roto o te nuꞌu haꞌahana-hana ki a ia.

ꞌEvereo 6:4

Te nuꞌu haka māꞌeha e te ꞌAtua i te manaꞌu o ruŋa i te parautiꞌa aŋi-aŋi i te riva rahi o te ꞌAtua, i te pūai o te ⌊Vārua Maitai⌋,

1 Pētero 1:5

ꞌO te haka moe o tātou i te manaꞌu ꞌi ruŋa i a Ietū, te ꞌAtua e hāpaꞌo e oho mai ena i a tātou hai pūai nui-nui ōꞌona, ki ravaꞌa ai e tātou, ꞌi te mahana hopeꞌa, i te ora ꞌina he hopeꞌa raꞌa hāpaꞌo mo tātou.