Ēfeto 2:3 - Rapa Nui

³ Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

Ēfeto 2:3 ပူးပေါင်းရင်းမြစ်များ

Marko 4:19

Te meꞌe ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, te vānaŋa o te ꞌAtua he vavau, ꞌe e ko hua ꞌi roto i a rāua te meꞌe haŋa e te ꞌAtua.

Iovani 1:13

A rāua he ŋā poki o te ꞌAtua taꞌe ꞌō ꞌo te poreko mai roto i te viꞌe ararua ko te taŋata, ꞌo te ai ko poreko haka ꞌou ꞌā mai te ꞌAtua.

Iovani 8:44

Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

Aŋa o te ꞌĀpōtoro 14:16

»ꞌI te hora tuai era te ꞌAtua i haka rē nō i te taŋata mo uꞌi i te rāua ara i haŋa.

Rōmano 1:24

ꞌO ira i vaꞌai ai e te ꞌAtua ki te rima o te meꞌe taꞌe tano pohe e rāua. He noho mau rō ꞌai ia rā nuꞌu he aŋa hai hakari i te rāua meꞌe taꞌe tano haŋa mo aŋa ꞌi roto i a rāua ꞌā, ꞌātā ki te meꞌe hopeꞌa ena o te hano-hano.

Rōmano 11:30

ꞌI muꞌa ꞌā, ꞌina a kōrua he haꞌatura ki te ꞌAtua, ꞌe, hora nei ꞌi ruŋa i a kōrua te riva rahi ōꞌona, he taꞌe haꞌatura o te hūrio ki a ia.

Rōmano 13:14

Te meꞌe mau nō mo aŋa e kōrua he haka rē ki a Ietū Kiritō mo haka tere i a kōrua, mo tano o te kōrua noho iŋa pa he noho iŋa mau ꞌana ōꞌona, ꞌo tano rō te kōrua noho iŋa ki te meꞌe pohe nō o te hakari.

Rōmano 2:14

Hora ena o te nuꞌu taꞌe he hūrio e aŋa e oho ena, pa he meꞌe poreko o rāua, i te meꞌe kī e te haka tere iŋa ꞌa Mōtē, e takeꞌa ena: ꞌi roto i a rāua te haka tere iŋa haka ꞌite he aha te meꞌe tano ꞌe taꞌe tano ki te mata o te ꞌAtua, ka ai atu ꞌina i a rāua te haka tere iŋa ꞌa Mōtē.

Rōmano 5:10

ꞌE, i ai era ko haka riva-riva ꞌā e te ꞌAtua i a tātou ki a ia hai mate o tāꞌana Poki ꞌi te hora e ꞌenemī rō ꞌā a tātou mōꞌona, hora nei ia, he hora e riva-riva rō ꞌana a tātou ko te ꞌAtua, e ꞌite nei a tātou e ko taꞌe haka eꞌa e te ꞌAtua i a tātou mai roto i te ūtuꞌa o te hara ꞌi te ai e ora rō ꞌana tāꞌana Poki.

Rōmano 5:9

Mo ai hai Ietū Kiritō ꞌe hai haka moe o tātou i te manaꞌu ꞌi ruŋa i te meꞌe aŋa era e ia mo tātou ꞌi ruŋa i te tātaurō i kī ai e te ꞌAtua e tano rō ꞌana a tātou ki tōꞌona mata, e ꞌite riva-riva nei: hai ia ka eꞌa ena tātou mai roto i te ūtuꞌa o te hara ꞌi te hora o te haka ūtuꞌa.

Rōmano 6:12

ꞌO ira, ꞌina ko haꞌatiꞌa ki te hara mo haka aŋa mo oho nō atu i a kōrua hai meꞌe taꞌe tano pohe e te hakari.

Rōmano 7:18

Ko ꞌite ꞌana a au ꞌina he meꞌe riva-riva poreko mai roto i tōꞌoku huru hara. Ka haŋa atu, paꞌi, a au mo aŋa i te meꞌe riva-riva, ꞌina ōꞌoku pūai mo aŋa i rā meꞌe.

Rōmano 9:22

Pē ira takoꞌa, i te ꞌAtua te parau mo aŋa i tāꞌana meꞌe i haŋa. I haŋa rō mo haka takeꞌa i tōꞌona riri ꞌe i tōꞌona pūai ki te taŋata. ꞌE, ka ai atu pē ira, i haꞌaoromaꞌi nō hai haumārū i te nuꞌu haka riri i a ia, he nuꞌu e tano mau rō ꞌā mo haka ūtuꞌa.

1 Kōrinto 4:7

¿ꞌA ꞌai koe i kī i hau rō atu koe ki te rua? ꞌIna e tahi meꞌe ena ꞌāꞌau i taꞌe ai o te ꞌAtua i vaꞌai atu. ꞌE ꞌi te ai pē ira, ¿he aha ia koe e teꞌo-teꞌo ena ꞌe e haka tuꞌu ena pa he meꞌe ena ē: te meꞌe i a koe hai koe mau ꞌā e ai ena?

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Karatia 3:22

Te meꞌe nō, pē nei e kī ena ꞌi ruŋa i te Pāpaꞌi Moꞌa: te taŋata taꞌatoꞌa o te hara te haka tere, ꞌe te rāveꞌa nō mo ravaꞌa i te meꞌe hōrea e te ꞌAtua, he ora ꞌāpī ꞌina he hopeꞌa raꞌa, e haka moe i te manaꞌu ꞌi ruŋa i a Ietū.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Kōrosa 1:21

E te taina, ꞌi muꞌa ꞌā e ꞌava-ꞌava rō ꞌana a kōrua mai te ꞌAtua, ꞌe hai meꞌe taꞌe tano aŋa e kōrua, e takeꞌa era e hārui rō ꞌana a kōrua i a ia hai tuaꞌivi.

1 Tētārōnika 4:13

E te taina, e haŋa rō ꞌana a mātou mo ꞌite o kōrua o ruŋa i te meꞌe topa ki te nuꞌu mate, ꞌo māui-ui rahi rō te kōrua māhatu, pa he nuꞌu taꞌe haka moe i te manaꞌu ꞌi ruŋa i a Ietū taꞌe ꞌite: te nuꞌu mate e ora haka ꞌou rō.

1 Tētārōnika 5:6

ꞌO ira, e tiaki e oho tātou ki te hoki iŋa mai o Ietū pa he nuꞌu ꞌite mo hāito i te rāua meꞌe kī ꞌe i te rāua meꞌe aŋa. ꞌIna a tātou ko riro pa he nuꞌu hāꞌuru, te auraꞌa, pa he nuꞌu taꞌe haka moe i te manaꞌu ꞌi ruŋa i a Ietū taꞌe tiaki ki a ia.

1 Timoteo 6:9

ꞌE te nuꞌu haŋa mo ꞌono e haka ꞌatu rō e te rauhuru meꞌe mo hara. Pē ira he ravaꞌa riva-riva i a rāua e te pohe ki te meꞌe taꞌe tano ꞌe maꞌa-maꞌa, he meꞌe mo maꞌu i a rāua ki roto i te ꞌati ꞌe ki roto i te ūtuꞌa.

Tito 3:3

A tātou, ꞌi raꞌe ki te haka moe i te manaꞌu ꞌi ruŋa i a Ietū, i ai takoꞌa rō he taŋata taꞌe haka topa riva-riva i te manaꞌu, haka ꞌāriŋa, oho a te ara taꞌe tano, aŋa i te meꞌe rake-rake pohe e te hakari ꞌe rauhuru haka ꞌou atu meꞌe taꞌe tano reka mai ki a tātou. E noho era ꞌi roto i te mākota, ꞌe ꞌina he haŋa ki te tētahi ꞌe pē ira ꞌana te tētahi ki a tātou.

1 Pētero 1:14

Pa he ŋā poki haꞌatura ki te ꞌAtua, ꞌina ko haka tano haka ꞌou te kōrua noho iŋa ki te meꞌe taꞌe tano haka tere atu i a kōrua ꞌi muꞌa ꞌā, ꞌi te hora kai ꞌite ꞌana o ruŋa i te ꞌAtua.

2 Pētero 2:14

ꞌIna e tahi viꞌe taꞌe pohe e rāua mo moe; e ko rohi-rohi mo hara. Te aŋa nō he reo-reo ki te nuꞌu māhatu rehe-rehe; he ꞌaito mo te meꞌe he nou-nou; e ko taꞌe haka ūtuꞌa rāua e te ꞌAtua.

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.

1 Iovani 2:16

ꞌo te ai pē nei ē: te meꞌe vaꞌai mai e te ao haka tere hai manaꞌu taŋata taꞌe mai te Matuꞌa i oho mai ai, mai te ao mau nei ꞌā. ꞌE ko te ŋā meꞌe nei te meꞌe vaꞌai e te ao: he pohe ki te meꞌe haŋa nō e te hakari, he pohe ki te meꞌe takeꞌa e te mata ꞌe he haka manaꞌu i te taŋata: i a ia mau nō te tano ꞌo te ai ōꞌona he ꞌono.

1 Iovani 2:8

ꞌE, ka ai atu pē ira, e haka ꞌite atu ena ꞌi nei roŋo pa he meꞌe ꞌāpī. Ko takeꞌa ꞌā, paꞌi, ꞌi ruŋa i a Ietū ꞌe ꞌi ruŋa i a kōrua. Hai haꞌatura ki te roŋo nei he ŋaro he oho te meꞌe he pōhāhā, ꞌe he māꞌeha he oho te hāpī parautiꞌa o te ꞌAtua pa he mōrī.