Ēfeto 2:20 - Rapa Nui

²⁰ A tātou, te nuꞌu taꞌatoꞌa haka moe i te manaꞌu ꞌi ruŋa i a Ietū, pa he māꞌea o te hare e tahi aŋa e te ꞌAtua. Te hāpī o te ⌊ꞌāpōtoro⌋ ꞌe o te perofeta pa he mekerā ꞌi ruŋa e haka tuꞌu ena i rā hare, ꞌe a Ietū pa he māꞌea matuꞌa haka noho hare.

Ēfeto 2:20 ပူးပေါင်းရင်းမြစ်များ

Māteo 16:18

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

Māteo 21:42

He kī ia e Ietū: —¿Kai taiꞌo ꞌana ꞌō kōrua i te meꞌe hāꞌaki ꞌi ruŋa i te Pāpaꞌi Moꞌa? Pē nei e kī ena: “Te māꞌea taꞌe haŋa era e te nuꞌu aŋa hare ko riro ꞌana he māꞌea matuꞌa haka noho hare. O te ꞌAtua i aŋa pē ira, ꞌe ki te mātou mata he meꞌe nui-nui e tahi”.

1 Kōrinto 12:28

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

Karatia 2:9

I aŋi-aŋi era e ⌊Tanatiako⌋, e Pētero ꞌe e ⌊Iovani⌋, pūꞌoko haka tere o te nuꞌu haka moe i te manaꞌu ꞌi ruŋa i a Ietū o Hērutarema pē nei ē: o te ꞌAtua mau ꞌana i vaꞌai mai, hai riva rahi ōꞌona, i te aŋa nei ki a au, he vaꞌai mai ia e kuā Pētero i te rāua rima mo haka takeꞌa mai ki a māua ko Verenāvē: a māua he hokorua takoꞌa o rāua ꞌi te aŋa o te ꞌAtua, ꞌe e tano rō ꞌana ki a rāua mo oho o māua mo aŋa ꞌi roto o te nuꞌu taꞌe he hūrio, ꞌe ko rāua mo haka ꞌite mo oho ki te nuꞌu hūrio.

Ēfeto 3:5

he meꞌe taꞌe haka ꞌite era ki te taŋata ꞌi muꞌa ꞌā, ꞌe, ꞌi te hora nei, ko haka ꞌite ꞌana e te ꞌAtua ki tāꞌana ⌊ꞌāpōtoro⌋ ꞌe ki te perofeta hai ⌊Vārua Maitai⌋.

Kōrosa 2:7

Pa he meꞌe hāpī atu ki a kōrua, e ꞌata hāpī e oho kōrua o ruŋa i a Ietū koia ko haꞌatura ki a ia, mo ꞌata hio-hio o te kōrua manaꞌu ꞌi ruŋa i a ia, pa he hio-hio iŋa ena o te tumu ꞌi te aka e nui-nui e oho ena a raro. ꞌE e māuru-uru e oho kōrua ki te ꞌAtua ꞌi tōꞌona riva rahi mo kōrua.

1 Pētero 2:6

Pē nei, paꞌi, e kī ena ꞌi ruŋa i te ⌊Pāpaꞌi Moꞌa⌋: «He haka tuꞌu au i te māꞌea e tahi ꞌi te kona era ko ⌊Tione⌋, he māꞌea matuꞌa haka noho hare, māꞌea haꞌataꞌa e au ꞌe māꞌea hauhaꞌa rahi. Te kope ⌊haka moe i te manaꞌu⌋ ꞌi ruŋa, e ko manaꞌu ki te hora hopeꞌa ko hape ꞌana ꞌō a ia».

Meꞌe Haka Takeꞌa 21:14

I titi ai rā ꞌāua ꞌi ruŋa i te paeŋa e hoꞌe ꞌahuru mā piti, ꞌe ꞌi ruŋa i rā ŋā paeŋa i pāpaꞌi ai te ꞌīŋoa o te hoꞌe ꞌahuru mā piti ⌊ꞌāpōtoro⌋ o te Māmoe.