Ēfeto 2:2 - Rapa Nui

² Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Ēfeto 2:2 ပူးပေါင်းရင်းမြစ်များ

Māteo 11:19

He tuꞌu mai ia te ⌊Poki o te taŋata⌋, e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te ⌊nuꞌu haka ꞌauhau i te taŋata hai moni mo te rōmano⌋. Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Māteo 13:38

ꞌe te henua ko te ao nei. Te karu riva-riva era he nuꞌu o roto i te haka tere iŋa ꞌāpī o te ꞌAtua, ꞌe te mauku rake-rake he nuꞌu haka tere e Rukifero.

Marko 4:19

Te meꞌe ꞌino nō, ꞌi te taiko o te mauku pū-pū, te auraꞌa, ꞌi te pūai o te haŋa ki te meꞌe o te ao nei, ki te ꞌono ꞌe ki te meꞌe taꞌatoꞌa, te vānaŋa o te ꞌAtua he vavau, ꞌe e ko hua ꞌi roto i a rāua te meꞌe haŋa e te ꞌAtua.

Ruka 16:8

»I ꞌite era i rā meꞌe e tū taŋata ꞌono era he kī: “¡Ko te mārama-rama i te kope aŋa i te meꞌe tuꞌu pē rā!”». He kī haka ꞌou e Ietū: «He aŋi ꞌā, ꞌata hau ꞌi te ꞌite te nuꞌu taꞌe ⌊haka moe i te manaꞌu⌋ ꞌi ruŋa i te ꞌAtua mo aŋa i te meꞌe mo te rāua riva-riva ki te nuꞌu haka moe i te manaꞌu ꞌi ruŋa i te ꞌAtua.

Ruka 22:31

He kī e Ietū: —E Tīmona, ka haka roŋo mai. Ko kī mai ꞌā a Rukifero mo haꞌatiꞌa ōꞌoku mo rū-rū i a kōrua pa he tariko.

Iovani 12:31

He hora era nei mo kī i te ūtuꞌa mo te taŋata taꞌatoꞌa o te ao ꞌe mo rē o te ꞌAtua ki te kope ꞌāꞌana te haka tere i te ao nei ko Rukifero.

Iovani 13:2

Ka ai atu pē ira, ko ai era ꞌā ꞌi roto i te māhatu o Hura, poki ꞌa Tīmona Ikariote, te manaꞌu o Rukifero mo hoꞌo i a Ietū. ꞌE a Ietū, ꞌi te ꞌite: mai te ꞌAtua a ia i oho mai ai ꞌe ki a ia ka hoki era, ꞌe ꞌi te ꞌite takoꞌa ko vaꞌai ꞌana ki a ia e tōꞌona Matuꞌa i te parau o te meꞌe taꞌatoꞌa o te ao, e kai nō ꞌā he māroa mai ruŋa i te ꞌamuramaꞌa, he patu i te paratoa ꞌe he here i te pānio pa he pena.

Iovani 13:27

ꞌI te hora toꞌo mau era ꞌā e Hura i te haraoa i oꞌo ai ki roto i tōꞌona māhatu a Rukifero. He kī ia e Ietū: «Taꞌa meꞌe manaꞌu ena mo aŋa, ka keꞌo-keꞌo ka aŋa rō ꞌai».

Iovani 14:30

ꞌIna a au e ko vānaŋa rahi haka ꞌou atu; nā, paꞌi, e oho mai ena te kope ꞌāꞌana te ao nei te haka tere. ꞌE, ka ai atu ꞌāꞌana te haka tere, taꞌe i a ia te parau ōꞌoku.

Iovani 15:19

ꞌĀhani kōrua o te nuꞌu era ꞌā, ko te haŋa iŋa atu ꞌana, pa he haŋa iŋa ki te rāua nuꞌu. ꞌĀꞌaku kōrua i haꞌataꞌa mai mai roto i a rāua, ꞌo ira e maꞌu ena i te riri mo kōrua, ꞌo te taꞌe ai haka ꞌou kōrua o rāua.

Iovani 16:11

ꞌe te kope ꞌi ruŋa i a ia ka topa ena te ture o te ꞌAtua: ko te kope ena ꞌāꞌana te ao te haka tere, te auraꞌa, ko Rukifero, he kope ko ai era ꞌā tōꞌona ūtuꞌa.

Iovani 7:7

Te taŋata o te ao nei ꞌina he riri mo kōrua; mōꞌoku e riri ena ꞌo te haka takeꞌa e au: te rāua meꞌe aŋa meꞌe taꞌe tano.

Iovani 8:23

He kī e Ietū: —O raro nei a kōrua, ꞌe o ruŋa era a au; o te ao nei a kōrua; ꞌe taꞌe a au o te ao nei.

Iovani 8:44

Te kōrua matuꞌa ko Rukifero; ꞌāꞌana kōrua, ꞌe te kōrua meꞌe haŋa mo aŋa he meꞌe haŋa ꞌāꞌana. A ia he taparahi-taꞌata tiŋaꞌi i te taŋata mai muꞌa ꞌā. ꞌIna he noho ꞌi roto i te parautiꞌa, ꞌe ꞌina e tahi parautiꞌa kī. E reo-reo ena, e vānaŋa ꞌā i tāꞌana meꞌe i ꞌite. A ia he reo-reo ꞌe he matuꞌa o te reo-reo.

Aŋa o te ꞌĀpōtoro 19:35

He eꞌa ia te taŋata ra-rahi e tahi o Ēfeto he haka haumārū i te nuꞌu taka-taka ꞌi ira ꞌe he kī: «E te taŋata o Ēfeto ē, ko ꞌite tahi ꞌana te nuꞌu taꞌatoꞌa pē nei ē: o te taŋata o nei te hāpaꞌo i te hare pure o te ꞌatua hōnui o tātou ko Aratemita ꞌe i te meꞌe moꞌa tuꞌu pē ia viri mai mai te raŋi.

Aŋa o te ꞌĀpōtoro 5:3

He kī e Pētero: —E ꞌĀnānia, ¿he aha koe i haꞌatiꞌa ai i a Rukifero mo haka tere atu? Ko reo-reo ꞌā koe ki te ⌊Vārua Maitai⌋ hai haka rē e tahi ꞌapa o te moni mōꞌou.

Rōmano 12:2

ꞌIna kōrua ko noho haka ꞌou hai manaꞌu taꞌe tano o te taŋata. E haka rē ki te ꞌAtua mo huri i te kōrua manaꞌu, ki huri ai te kōrua noho iŋa, ꞌe ki ꞌite ai e kōrua he aha te meꞌe haŋa o te ꞌAtua, te auraꞌa, he aha te meꞌe tano ki a ia, he aha te meꞌe mo koa ōꞌona, ꞌe he aha te meꞌe hopeꞌa o te riva-riva ki tōꞌona mata.

1 Kōrinto 5:10

Te kī nei ꞌāꞌaku: taꞌe ka haka tapa mau ꞌā a kōrua mai te nuꞌu taꞌatoꞌa o te ao nei moe i te viꞌe ꞌo i te taŋata taꞌe he kenu ꞌāꞌana, ꞌe mai muri i te nuꞌu nou-nou, toke-toke ꞌe haꞌamuri ki te ꞌītoro. Mo ravaꞌa, paꞌi, e kōrua mo aŋa i te meꞌe nei, e taꞌe ai mau nō kōrua ꞌi te ao nei.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

Karatia 1:4

A Ietū i vaꞌai ai i a ia mo mate mo haka kore e te ꞌAtua i te tātou hara ꞌe mo haka eꞌa i a tātou mai roto i te noho iŋa taꞌe tano o te ao, ꞌi te meꞌe era ko haŋa ꞌā e te ꞌAtua, Matuꞌa o tātou.

Ēfeto 1:21

Te ꞌAtua ko vaꞌai ꞌana ki a Ietū i te parau mo pūꞌoko haka tere o te merahi ꞌe o te vārua taꞌatoꞌa taꞌe takeꞌa e tātou haka tere ꞌi te ao nei ꞌe, takoꞌa, o te meꞌe taꞌatoꞌa o te ao; tōꞌona tōroꞌa, he tōroꞌa ꞌina e ko ravaꞌa e te rua ꞌi te hora nei ꞌe pe muꞌa ka oho ena. ꞌE i vaꞌai rō e te ꞌAtua i a Ietū mo Pūꞌoko o te nuꞌu taꞌatoꞌa haka moe i te manaꞌu ꞌi ruŋa i a ia;

Ēfeto 2:11

E te nuꞌu taꞌe hūrio ē, kī mo kōrua e te hūrio: «nuꞌu taꞌe hore i te kiri o te kinoŋa» ꞌe kī mo rāua mau ꞌana ꞌo te tāpaꞌo i te rāua hakari: «he nuꞌu hore i te kiri o te kinoŋa»,

Ēfeto 2:13

ꞌE hora nei, ꞌi te ai o kōrua ꞌa Ietū Kiritō, ko haka hāhine ꞌana e te ꞌAtua i a kōrua ki a ia hai toto tehe era o Ietū ꞌi ruŋa i te tātaurō.

Ēfeto 2:3

Pē ira te noho iŋa o tātou taꞌatoꞌa ꞌi muꞌa ꞌā, ꞌi te hora kai haka moe ꞌana i te manaꞌu ꞌi ruŋa i a Ietū. E aŋa ꞌā a tātou i te meꞌe haŋa nō era o tātou. E haka tano ꞌana i te noho iŋa ki te meꞌe taꞌe tano manaꞌu ꞌe pohe nō o te hakari. ꞌI rā hora e tano mau rō ꞌā te ꞌAtua mo riri ꞌe mo haka ūtuꞌa mai i a tātou, pa he meꞌe ka aŋa ena ki te tētahi nuꞌu.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Ēfeto 4:22

ꞌO ira, e haka rē te kōrua huru ꞌe te kōrua noho iŋa taꞌe tano o muꞌa ꞌā haka tere e te meꞌe taꞌe tano pohe e te hakari. O te meꞌe ena te reo-reo ꞌe te maꞌu i te taŋata a te ara taꞌe tano.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

Ēfeto 5:8

ꞌI muꞌa ꞌā e noho era kōrua ꞌi roto i te pōhāhā. ꞌE hora nei, ꞌi te ai o kōrua ꞌa Ietū Kiritō, ꞌi roto i te māꞌeha kōrua. ꞌO ira, e haka tere kōrua pa he nuꞌu noho ꞌi roto i te māꞌeha.

Ēfeto 6:12

Taꞌe a tātou e moto ꞌā ki te taŋata; e moto ꞌana ki te tātane, te auraꞌa, ki a Rukifero ꞌe ki tāꞌana vaꞌehau taꞌatoꞌa ꞌina he takeꞌa mai haka tere i te nuꞌu noho ꞌi roto i te pōhāhā.

Kōrosa 1:21

E te taina, ꞌi muꞌa ꞌā e ꞌava-ꞌava rō ꞌana a kōrua mai te ꞌAtua, ꞌe hai meꞌe taꞌe tano aŋa e kōrua, e takeꞌa era e hārui rō ꞌana a kōrua i a ia hai tuaꞌivi.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.

Tanatiako 1:27

Te haꞌamuri iŋa parautiꞌa ꞌe tano ki te mata o te ꞌAtua Matuꞌa ko te meꞌe ena: he hāꞌūꞌū ki te ŋā poki matuꞌa kore ꞌe ki te ŋā viꞌe hove ai o te rāua ꞌati, ꞌe, takoꞌa, he taꞌe hara hai meꞌe o te ao nei.

Tanatiako 1:7

Te taŋata tuꞌu pē ira ꞌina ko manaꞌu he ravaꞌa e ia te meꞌe mai te ꞌAtua

Tanatiako 4:4

¡E te nuꞌu haka rehu i te ꞌAtua ē! ¿Kai ꞌite ꞌana ꞌō kōrua: te taŋata haŋa ki te haka tere iŋa o te ao nei he taŋata taꞌe haŋa ki te ꞌAtua? Te kope he repahoa o te ao nei he taŋata riri mo te ꞌAtua.

1 Pētero 1:14

Pa he ŋā poki haꞌatura ki te ꞌAtua, ꞌina ko haka tano haka ꞌou te kōrua noho iŋa ki te meꞌe taꞌe tano haka tere atu i a kōrua ꞌi muꞌa ꞌā, ꞌi te hora kai ꞌite ꞌana o ruŋa i te ꞌAtua.

1 Pētero 4:3

A kōrua, matahiti rahi i aŋa i oho ai i te meꞌe aŋa e te nuꞌu taꞌe haŋa ki te ꞌAtua. Te noho iŋa o kōrua ꞌi rā hora noho iŋa taꞌe tano: e aŋa ꞌana i te meꞌe taꞌe tano pohe e te hakari, i te ŋoŋoro taꞌe hāito i te kai ꞌe i te ꞌava, ꞌe e haꞌamuri ꞌana ki te ꞌītoro, meꞌe hano-hano mo te ꞌAtua.

2 Pētero 2:14

ꞌIna e tahi viꞌe taꞌe pohe e rāua mo moe; e ko rohi-rohi mo hara. Te aŋa nō he reo-reo ki te nuꞌu māhatu rehe-rehe; he ꞌaito mo te meꞌe he nou-nou; e ko taꞌe haka ūtuꞌa rāua e te ꞌAtua.

1 Iovani 3:10

E ꞌite rō ꞌana ko ai te ŋā poki o te ꞌAtua ꞌe ko ai te ŋā poki ꞌa Rukifero: te kope taꞌe aŋa i te meꞌe tano ꞌe taꞌe haŋa ki tōꞌona taina, taꞌe o te ꞌAtua.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

1 Iovani 4:4

E ŋā poki, o te ꞌAtua a kōrua, ꞌe ko rē ꞌana ki te ŋā haꞌavare era ꞌo te ai te Vārua ena i a kōrua ꞌata pūai ki te vārua o te ao nei.

1 Iovani 5:19

A tātou ko ꞌite takoꞌa ꞌana: o te ꞌAtua a tātou, ka ai atu ꞌa Rukifero te haka tere i te ao nei.

1 Iovani 5:4

A tātou, te ŋā poki o te ꞌAtua, e ko ravaꞌa e te ao haka tere hai manaꞌu taŋata mo haka tapa mai te ara o te ꞌAtua. Hai haka moe, paꞌi, o te tātou manaꞌu ꞌi ruŋa i a Ietū, e rē nei a tātou ki te ao nei.

Meꞌe Haka Takeꞌa 12:9

He ava i rā manuꞌino ananake ko tāꞌana vaꞌehau ki ruŋa i te henua. Rā manuꞌino ko te kōreha era o te noho iŋa tuai era ko Rukifero, he kope reo-reo ki te taŋata o te henua taꞌatoꞌa.

Meꞌe Haka Takeꞌa 13:14

Hai ŋā mana nei, mana haꞌatiꞌa era mo aŋa e ia hai ꞌīŋoa o tū manuꞌino eꞌa era mai roto i te vaikava, i reo-reo ai ki te taŋata. He uŋa ia i te nuꞌu nei he haka aŋa i te ꞌītoro pē rā manuꞌino mau ꞌā, manuꞌino taꞌe mate era ka ai atu i more rō ꞌi te more taparahi-taꞌata ꞌi te hoe.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 16:17

He oho ia te hitu merahi he huri i tāꞌana poko-poko a roto i te tokerau, ꞌe mai te Kona ꞌAta Moꞌa o te kona pepe noho ꞌariki era i eꞌa ai te reꞌo pūai e tahi e kī era: «¡Te meꞌe era mo aŋa, ko aŋa tahi ꞌana!».

Meꞌe Haka Takeꞌa 20:2

He ꞌa-ꞌaru ia e rā merahi i te manuꞌino nui-nui mea-mea era, he kōreha o te noho iŋa tuai era ꞌā, he tātane era ko Rukifero, he here-here hai vivi e hoꞌe taꞌutini matahiti.