Ēfeto 2:18 - Rapa Nui

¹⁸ Hai meꞌe aŋa era e Ietū Kiritō e riva nō tātou, te hūrio ꞌe te nuꞌu taꞌe hūrio, mo haka hāhine ki te ꞌAtua Matuꞌa hai ⌊Vārua Maitai⌋ vaꞌai mai e ia.

Ēfeto 2:18 ပူးပေါင်းရင်းမြစ်များ

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Iovani 10:7

He kī haka ꞌou e Ietū: «He parautiꞌa te meꞌe nei: He ꞌōpani a au a ira te māmoe e uru ena.

Iovani 10:9

A au he ꞌōpani: te kope uru a roto i a au he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. He riro pa he māmoe e oꞌo e eꞌa ena, ꞌe he ravaꞌa mauku.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Rōmano 5:2

ꞌE, takoꞌa, hai haka moe i te manaꞌu ꞌi ruŋa i a Ietū e ꞌite nei a tātou o ruŋa i te riva rahi o te ꞌAtua, ꞌe e noho nei ꞌi roto. E koa rahi nei a tātou ꞌo te ai, pe muꞌa ka oho ena, i a tātou te huru riva o te ꞌAtua, he roa haŋa ꞌāꞌana mo tātou.

Rōmano 8:15

Te Vārua vaꞌai mai e te ꞌAtua taꞌe he vārua haka riro i a tātou he ꞌekaravo riꞌa-riꞌa ꞌi te kope haka aŋa i a ia, he Vārua haka riro i a tātou he ŋā poki o te ꞌAtua. Hai ia e kī ena a tātou ki te ꞌAtua: «¡E koro ōꞌoku ē!».

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

Karatia 4:6

ꞌE, ko ꞌite ꞌana a tātou he ŋā poki parautiꞌa tātou o te ꞌAtua ꞌo te ai ko uŋa mai ꞌā i te ⌊Vārua Maitai⌋ o tāꞌana Poki ki roto i te tātou māhatu; ꞌe hai ia e tano nei a tātou mo kī ki te ꞌAtua ꞌi te hora e pure nei tātou: «E koro ōꞌoku ē».

Ēfeto 3:12

ꞌE hora nei, ꞌo te ai o tātou ꞌa Ietū Kiritō ꞌe ꞌo te haka moe o tātou i te manaꞌu ꞌi ruŋa i a ia, e riva nei tātou mo pure mo haka hāhine ki te ꞌAtua ꞌina he riꞌa-riꞌa.

Ēfeto 3:14

E haka topa nei au i tōꞌoku manaꞌu ki te meꞌe taꞌatoꞌa nei, he tū-turi a au he pure ki te ꞌAtua Matuꞌa,

Ēfeto 4:4

A tātou, te nuꞌu ꞌa Ietū Kiritō, pa he ŋā kona ena ꞌā o te hakari mau nō e tahi, ꞌe e tahi mau nō vārua haka tika i a tātou, he Vārua Maitai. ꞌE te meꞌe tiaki e tātou taꞌatoꞌa ko tū meꞌe ꞌā, he haꞌamaitai hōrea e te ꞌAtua mo te nuꞌu taꞌatoꞌa haꞌataꞌa e ia māꞌana.

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

Kōrosa 1:12

koia ko māuru-uru ki te ꞌAtua Matuꞌa ꞌo te haka riro atu i a kōrua he nuꞌu tano mo ravaꞌa takoꞌa i te meꞌe hōrea era e ia mo te nuꞌu haꞌataꞌa māꞌana, he nuꞌu o tōꞌona haka tere iŋa, haka tere iŋa o te māꞌeha.

ꞌEvereo 7:19

Kai ravaꞌa, paꞌi, e te haka tere iŋa era ꞌa Mōtē mo haka tano i te taŋata ki te mata o te ꞌAtua. ꞌE hora nei, ko vaꞌai mai ꞌana e te ꞌAtua i a Ietū mo oromatuꞌa, ꞌe hai ia a tātou e hāhine nei ki te ꞌAtua.

Tanatiako 3:9

Hai ꞌarero a tātou e haꞌahana-hana ena i te ꞌAtua Matuꞌa ꞌe e tohu ena i te taŋata, ka ai atu i aŋa ai e te ꞌAtua hai huru ōꞌona.

1 Pētero 1:17

A kōrua e kī rō ꞌana: te ꞌAtua he Matuꞌa o kōrua. ꞌO ira, e moꞌa ꞌe e haꞌatura ki a ia ꞌi te taꞌatoꞌa nō hora o te noho iŋa ꞌi te ao nei. ꞌĀꞌana, paꞌi, te kī i te tano ꞌe i te taꞌe tano o te taŋata hai huru o te rāua meꞌe aŋa, ꞌe mōꞌona te taŋata pē tū huru tahi ꞌā.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

1 Pētero 3:18

ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.

Hura 1:20

ꞌE a kōrua, e te taina ē, e haka hio-hio e oho nō ꞌi roto i te hāpī parautiꞌa hai haka moe i te manaꞌu ꞌi ruŋa i a Ietū, ꞌe e pure hai pūai o te ⌊Vārua Maitai⌋.