Ēfeto 2:16 - Rapa Nui

¹⁶ Hai mate era ōꞌona ꞌi ruŋa i te tātaurō i haka kore ai e Ietū i te riri o te ŋā nūnaꞌa nei e rua, ꞌe i haka riva-riva ai i a rāua ki te ꞌAtua. ꞌE hora nei, te nuꞌu ꞌāꞌana, ka hūrio ka taꞌe hūrio, pa he hakari mau nō e tahi.

Ēfeto 2:16 ပူးပေါင်းရင်းမြစ်များ

Rōmano 5:10

ꞌE, i ai era ko haka riva-riva ꞌā e te ꞌAtua i a tātou ki a ia hai mate o tāꞌana Poki ꞌi te hora e ꞌenemī rō ꞌā a tātou mōꞌona, hora nei ia, he hora e riva-riva rō ꞌana a tātou ko te ꞌAtua, e ꞌite nei a tātou e ko taꞌe haka eꞌa e te ꞌAtua i a tātou mai roto i te ūtuꞌa o te hara ꞌi te ai e ora rō ꞌana tāꞌana Poki.

Rōmano 6:6

Ko ꞌite ꞌana a tātou: te huru era o tātou o muꞌa ꞌana ko mate ꞌā hora mate era o Ietū ꞌi ruŋa i te tātaurō. Pē ira i kore ai te pūai o te hara mai ruŋa i a tātou, ꞌo haka tere haka ꞌou i a tātou e te hara.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

Rōmano 8:7

Te nuꞌu haka tere i a rāua hai manaꞌu taŋata, he nuꞌu riri mo te ꞌAtua. Te nuꞌu nei ꞌina he haŋa mo haꞌatura ki te ⌊haka tere iŋa o te ꞌAtua haka pāpaꞌi ki a Mōtē⌋, ꞌe, takoꞌa, ꞌina mau ꞌā e ko ravaꞌa e rāua mo haꞌatura.

1 Kōrinto 10:17

Mai te haraoa mau nō e tahi e kai ena tātou taꞌatoꞌa, he tāpaꞌo pē nei ē: a tātou, te nuꞌu taꞌatoꞌa ꞌa Ietū, he hakari mau nō e tahi.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Ēfeto 2:15

Pē nei te auraꞌa: ꞌi muꞌa ꞌā te hūrio e taꞌe haka au rō ꞌana ki te nuꞌu taꞌe hūrio ꞌo te taꞌe haꞌatura ki te ⌊haka tere iŋa ꞌa Mōtē⌋. ꞌE a Ietū, hai mate era ōꞌona ꞌi ruŋa i te tātaurō, i haka kore ai i te meꞌe ena he haꞌatura ki rā haka tere iŋa mo tano ki te mata o te ꞌAtua. I aŋa ai pē ira mo riro o te nuꞌu taꞌatoꞌa ꞌāꞌana, ka hūrio, ka taꞌe hūrio, e tahi mau nō nūnaꞌa, ꞌe mo haka poreko i te haumārū ꞌi roto i a rāua.

Ēfeto 3:6

Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.

Ēfeto 4:4

A tātou, te nuꞌu ꞌa Ietū Kiritō, pa he ŋā kona ena ꞌā o te hakari mau nō e tahi, ꞌe e tahi mau nō vārua haka tika i a tātou, he Vārua Maitai. ꞌE te meꞌe tiaki e tātou taꞌatoꞌa ko tū meꞌe ꞌā, he haꞌamaitai hōrea e te ꞌAtua mo te nuꞌu taꞌatoꞌa haꞌataꞌa e ia māꞌana.

Kōrosa 2:14

pa he haka kore iŋa ena i te tārahu ꞌi te hora ꞌauhau. Pē nei te auraꞌa: hai mate era o Ietū ꞌi ruŋa i te tātaurō i ꞌauhau ai i te tātou hara, ꞌe ko tuꞌu ꞌana pa he meꞌe: ko veo takoꞌa ꞌana ꞌi ruŋa i te tātaurō i te parau ꞌi ruŋa e pāpaꞌi tahi rō ꞌā te tātou hara.

Kōrosa 3:15

ꞌE mo te haumārū vaꞌai e Ietū Kiritō e hāꞌūꞌū atu mo ꞌite o kōrua he aha te meꞌe tano mo aŋa. Te ꞌAtua ko haꞌataꞌa ꞌana i a kōrua i te nuꞌu haka moe i te manaꞌu ꞌi ruŋa i a Ietū mo riro e tahi mau nō hakari ꞌe mo noho o kōrua taꞌatoꞌa ꞌi roto i te haumārū. ꞌE, e ꞌite kōrua mo māuru-uru mo oho ki te ꞌAtua.