Ēfeto 2:15 - Rapa Nui

¹⁵ Pē nei te auraꞌa: ꞌi muꞌa ꞌā te hūrio e taꞌe haka au rō ꞌana ki te nuꞌu taꞌe hūrio ꞌo te taꞌe haꞌatura ki te ⌊haka tere iŋa ꞌa Mōtē⌋. ꞌE a Ietū, hai mate era ōꞌona ꞌi ruŋa i te tātaurō, i haka kore ai i te meꞌe ena he haꞌatura ki rā haka tere iŋa mo tano ki te mata o te ꞌAtua. I aŋa ai pē ira mo riro o te nuꞌu taꞌatoꞌa ꞌāꞌana, ka hūrio, ka taꞌe hūrio, e tahi mau nō nūnaꞌa, ꞌe mo haka poreko i te haumārū ꞌi roto i a rāua.

Ēfeto 2:15 ပူးပေါင်းရင်းမြစ်များ

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

Karatia 3:10

Te nuꞌu manaꞌu: hai haꞌatura ki te haka tere iŋa ꞌa Mōtē he tano a rāua ki te mata o te ꞌAtua ko ai era ꞌā te ūtuꞌa mo rāua. E kī rō ꞌana, paꞌi, ꞌi ruŋa i te Pāpaꞌi Moꞌa: «Te kope taꞌe haꞌatura ki te roŋo taꞌatoꞌa o te haka tere iŋa ꞌa Mōtē, he haka ūtuꞌa e te ꞌAtua ꞌātā ki te hopeꞌa raꞌa».

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Karatia 6:15

ꞌE, ki te mata o te ꞌAtua, ꞌina e tahi hauhaꞌa o te meꞌe he hore ꞌo he taꞌe hore o te kiri o te kinoŋa. Te meꞌe hauhaꞌa mōꞌona he haka ꞌāpī atu i a koe e te Vārua Maitai.

Ēfeto 2:10

Ko haka ꞌāpī ꞌana te ꞌAtua i te tātou noho iŋa ꞌo te ai o tātou ꞌa Ietū Kiritō, ki aŋa ai a tātou i te meꞌe riva-riva, ꞌe ki haka tano ai i te meꞌe manaꞌu e ia ꞌi muꞌa ꞌā mo aŋa e tātou.

Ēfeto 2:14

Hai Ietū i poreko ai te haumārū ꞌi roto i te nuꞌu hūrio ꞌe taꞌe hūrio, ꞌe he riro nei ŋā nuꞌu he nūnaꞌa mau nō e tahi. Te meꞌe haka riri ꞌe haꞌataꞌa era i a rāua ko haka kore ꞌā.

Ēfeto 2:16

Hai mate era ōꞌona ꞌi ruŋa i te tātaurō i haka kore ai e Ietū i te riri o te ŋā nūnaꞌa nei e rua, ꞌe i haka riva-riva ai i a rāua ki te ꞌAtua. ꞌE hora nei, te nuꞌu ꞌāꞌana, ka hūrio ka taꞌe hūrio, pa he hakari mau nō e tahi.

Ēfeto 4:16

ꞌE, ꞌo te ai ōꞌona he Pūꞌoko o tātou ꞌe a tātou he hakari ōꞌona, māꞌana e haka tika e papa e haka riva-riva ꞌi tōꞌona kona i a tātou, he kona o tōꞌona hakari. ꞌE mo aŋa tahi o te ŋā kona nei i te rāua aŋa hai haŋa, he nui-nui ꞌe he pūai he oho te hakari.

Kōrosa 2:14

pa he haka kore iŋa ena i te tārahu ꞌi te hora ꞌauhau. Pē nei te auraꞌa: hai mate era o Ietū ꞌi ruŋa i te tātaurō i ꞌauhau ai i te tātou hara, ꞌe ko tuꞌu ꞌana pa he meꞌe: ko veo takoꞌa ꞌana ꞌi ruŋa i te tātaurō i te parau ꞌi ruŋa e pāpaꞌi tahi rō ꞌā te tātou hara.

Kōrosa 2:20

ꞌI te haka moe o kōrua i te manaꞌu ꞌi ruŋa i a Ietū ko mate ꞌana kōrua ꞌi muri i a ia, te auraꞌa, ko haka kore ꞌā e te ꞌAtua mai ruŋa i a kōrua i te pūai o te meꞌe taꞌe tano pohe e te hakari ꞌe i te pūai o te ŋā kope ena ꞌina he takeꞌa mai haka tere i te ao nei. ¿He aha ia kōrua e haꞌatura nō ena ki te haka tere iŋa taŋata

Kōrosa 3:10

Te ꞌAtua ko vaꞌai atu ꞌana i te huru ꞌāpī, ꞌe ꞌāꞌana te aŋa te oho atu ꞌi roto i te kōrua māhatu mo riro o kōrua pē ia, ki ꞌata māhani ai kōrua i a ia.

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.

Kōrosa 3:15

ꞌE mo te haumārū vaꞌai e Ietū Kiritō e hāꞌūꞌū atu mo ꞌite o kōrua he aha te meꞌe tano mo aŋa. Te ꞌAtua ko haꞌataꞌa ꞌana i a kōrua i te nuꞌu haka moe i te manaꞌu ꞌi ruŋa i a Ietū mo riro e tahi mau nō hakari ꞌe mo noho o kōrua taꞌatoꞌa ꞌi roto i te haumārū. ꞌE, e ꞌite kōrua mo māuru-uru mo oho ki te ꞌAtua.

ꞌEvereo 7:16

A Ietū i oromatuꞌa ai taꞌe ꞌo te haka tano ki te haka tere iŋa era ꞌa Mōtē pē nei ē: he hakaara o Rēvī; i oromatuꞌa ai ꞌo te ai i a ia te pūai o te ora ꞌina he hopeꞌa raꞌa.

ꞌEvereo 8:13

ꞌI te hora vānaŋa o te ꞌAtua o ruŋa i te haka tere iŋa ꞌāpī ananake ko te taŋata, mōꞌona te haka tere iŋa raꞌe era he meꞌe tuai; ꞌe te meꞌe tuai ꞌe rūꞌau, e ko roa he ŋaro rō ꞌai.

ꞌEvereo 9:23

ꞌO ira te Karapā Moꞌa era ꞌe te meꞌe taꞌatoꞌa o roto e haka maꞌitaki era hai toto. Te ŋā meꞌe taꞌatoꞌa nei he meꞌe i aŋa nō e te taŋata mo tuꞌu pa he meꞌe parautiꞌa era ꞌi te raŋi. ꞌE te meꞌe parautiꞌa mau era e haka maꞌitaki hai tūtia ꞌata hau rō atu ki te toto o te ꞌanimare.