Ēfeto 2:11 - Rapa Nui

¹¹ E te nuꞌu taꞌe hūrio ē, kī mo kōrua e te hūrio: «nuꞌu taꞌe hore i te kiri o te kinoŋa» ꞌe kī mo rāua mau ꞌana ꞌo te tāpaꞌo i te rāua hakari: «he nuꞌu hore i te kiri o te kinoŋa»,

Ēfeto 2:11 ပူးပေါင်းရင်းမြစ်များ

Māteo 20:7

»He pāhono e rā nuꞌu: “ꞌIna e tahi taŋata i vaꞌai mai i a mātou hai aŋa”. »He kī e rā taŋata: “Ka oho ia kōrua ka aŋa ꞌi tōꞌoku kona vino era”.

Rōmano 11:17

Te hūrio pa he tumu ꞌōrivo mai ruŋa i paꞌo ai i te tētahi maŋa, ꞌe a rā ŋā kona paꞌo mau era ꞌā i haka puā haka ꞌou ai hai maŋa ꞌōrivo o ꞌuta taꞌe hāpaꞌo e te taŋata, te auraꞌa, ko kōrua he nuꞌu taꞌe hūrio. Pē ira e ora ena ꞌi te hora nei hai tāpau ꞌe hai aka o rā tumu.

Rōmano 2:26

Te kope taꞌe he hūrio haꞌatura ki te haka tere iŋa ꞌa Mōtē pa he taŋata ko hore ꞌā te kiri o te kinoŋa ka ai atu ꞌina kai hore.

Rōmano 2:27

Hai noho iŋa tano o te kope taꞌe he hūrio haꞌatura i te haka tere iŋa ꞌa Mōtē e tuhi ena i te hape o te nuꞌu hūrio ꞌite o ruŋa i rā haka tere iŋa ꞌe ꞌina he haꞌatura, ka ai atu ko hore ꞌana te kiri o te kinoŋa.

1 Kōrinto 12:2

A kōrua ko ꞌite riva-riva ꞌana: hora era kai haka moe ꞌana i te manaꞌu ꞌi ruŋa i a Ietū, e haka rē nō ꞌana a kōrua i a kōrua mo haꞌamuri ki te ꞌītoro, ki te meꞌe reꞌo kore.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

Karatia 2:15

A mātou i poreko ai he hūrio, taꞌe ꞌō pē nei ē: «he nuꞌu hara taꞌe ꞌite ko ai te ꞌAtua parautiꞌa», pa he meꞌe manaꞌu e mātou ꞌi muꞌa ꞌā o ruŋa i te nuꞌu taꞌe he hūrio.

Karatia 6:12

Te nuꞌu kī atu mo hore i te kiri o te kinoŋa, e kī atu ena pē ira mo tano o rāua ki te mata o te nuꞌu ra-rahi o te ⌊hūrio⌋, ꞌo tute i a rāua mo tōtōā ꞌo te hāpī pē nei ē: hai haka moe nō i te manaꞌu ꞌi ruŋa i a Ietū ꞌe ꞌi ruŋa i te meꞌe ravaꞌa e ia hai mate iŋa era ōꞌona ꞌi ruŋa i te tātaurō he eꞌa te taŋata mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

Ēfeto 2:2

Te noho iŋa era o kōrua e haka tano era ki te noho iŋa taꞌe tano o te nuꞌu o te ao nei taꞌe haŋa ki te ꞌAtua, ꞌe e aŋa era i te meꞌe haŋa ꞌa Rukifero, he pūꞌoko haka tere o te tātane e noho mai ena ꞌi roto i te tokerau. ꞌĀꞌana te haka tere i te manaꞌu o te nuꞌu taꞌe haꞌatura ki te ꞌAtua.

Ēfeto 5:8

ꞌI muꞌa ꞌā e noho era kōrua ꞌi roto i te pōhāhā. ꞌE hora nei, ꞌi te ai o kōrua ꞌa Ietū Kiritō, ꞌi roto i te māꞌeha kōrua. ꞌO ira, e haka tere kōrua pa he nuꞌu noho ꞌi roto i te māꞌeha.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

Kōrosa 1:21

E te taina, ꞌi muꞌa ꞌā e ꞌava-ꞌava rō ꞌana a kōrua mai te ꞌAtua, ꞌe hai meꞌe taꞌe tano aŋa e kōrua, e takeꞌa era e hārui rō ꞌana a kōrua i a ia hai tuaꞌivi.

Kōrosa 2:11

ꞌE a kōrua, ka ai atu taꞌe he hūrio, ko tāpaꞌo ꞌana i a kōrua e te ꞌAtua pa he nuꞌu ꞌāꞌana. ꞌE te tāpaꞌo nei taꞌe pa he tāpaꞌo o te ⌊hūrio⌋ ꞌi ruŋa i te hakari, he hore i te kiri o te kinoŋa, he tāpaꞌo aŋa e te ꞌAtua ꞌi roto i te kōrua māhatu. Pē nei te auraꞌa: i haka moe era kōrua i te manaꞌu ꞌi ruŋa i a Ietū, he haka kore e te ꞌAtua mai ruŋa i a kōrua i te pūai o te meꞌe taꞌe tano pohe e te hakari.

Kōrosa 2:13

ꞌI muꞌa ꞌā, a kōrua, te nuꞌu taꞌe he hūrio, pa he nuꞌu mate mo te meꞌe o te ꞌAtua. E noho era, paꞌi, a kōrua ꞌi roto i te hara, ꞌe te meꞌe haka tere atu he meꞌe taꞌe tano pohe e te hakari, meꞌe kai haka kore ꞌana e te ꞌAtua mai ruŋa i a kōrua. ꞌE, hora nei, ko haka ora ꞌana e te ꞌAtua i a kōrua ꞌi muri i a Ietū Kiritō, te auraꞌa, ko vaꞌai atu ꞌana i te noho iŋa ꞌāpī. Te ꞌAtua, paꞌi, i haka kore tahi ai i te tātou hara,

Kōrosa 3:11

ꞌI te noho iŋa ꞌāpī nei, ꞌina te ꞌAtua he tapa atu hoki a koe he ⌊hūrio⌋ ꞌo taꞌe he hūrio, he kope hore i te kiri o te kinoŋa ꞌo taꞌe hore, he taŋata o te rua henua, ꞌo he kope hāpī kore, he ꞌekaravo ꞌo taꞌe he ꞌekaravo. Te meꞌe hauhaꞌa mau nō ko Ietū, ꞌe a ia ꞌi roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a ia.