Ēfeto 1:5 - Rapa Nui

⁵ i manaꞌu ai mo haka riro i a tātou he ŋā poki ꞌāꞌana hai meꞌe aŋa e Ietū Kiritō. Te meꞌe nei i aŋa ai e te ꞌAtua he riva rahi ōꞌona ꞌe ꞌi te ai ko haŋa ꞌana e ia.

Ēfeto 1:5 ပူးပေါင်းရင်းမြစ်များ

Māteo 1:25

ꞌE kai moe hia ararua pa he kenu pa he viꞌe i poreko rō ai te poki ꞌe he nape e Kōsē i te ꞌīŋoa ko Ietū.

Māteo 11:26

ꞌĒ-ē, pē ira mau ꞌā a koe i haŋa ai, e Koro ē».

Ruka 10:21

ꞌI rā hora, ꞌi te ꞌī o Ietū e te ⌊Vārua Maitai⌋, he toꞌo rō atu ꞌai te koa ꞌe he kī: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai. ꞌĒ-ē, pē ira mau ꞌā koe i haŋa ai, e Koro ē».

Ruka 11:32

»Pē ira takoꞌa, te nuꞌu o Nīnive ka eꞌa ena ꞌi te mahana o te haka ūtuꞌa, ꞌe hai rāua ka takeꞌa ena te hape o kōrua; te nuꞌu o ira, paꞌi, i ŋaroꞌa era i te vānaŋa ꞌa Hōnā, he haka moe tahi i te manaꞌu ꞌi ruŋa i te ꞌAtua. ꞌE ꞌi te kona nei te kope ꞌata hau ki a Hōnā.

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Iovani 1:12

ꞌE te nuꞌu toꞌo ꞌe haka moe i te manaꞌu ꞌi ruŋa i a ia, ki a rāua i vaꞌai ai i te parau mo riro he ŋā poki o te ꞌAtua.

Iovani 11:52

ꞌE taꞌe mo te hūrio nō ka mate era, takoꞌa mo haka taka-taka tahi i te ŋā poki o te ꞌAtua ꞌi te henua taꞌatoꞌa.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Aŋa o te ꞌĀpōtoro 13:48

I ŋaroꞌa era i te meꞌe nei e te nuꞌu taꞌe he hūrio, he koa rō atu ꞌai ꞌe he haꞌamata he kī: te vānaŋa o te ꞌAtua vānaŋa riva-riva. ꞌE o roto i rā nuꞌu he haka moe i te manaꞌu ꞌi ruŋa i a Ietū te nuꞌu taꞌatoꞌa ko haꞌataꞌa era ꞌā e te ꞌAtua mo ravaꞌa i te ora ꞌāpī ꞌina he hopeꞌa raꞌa.

Rōmano 8:23

ꞌE taꞌe ko rāua nō te meꞌe māui-ui pē ira, ko tātou takoꞌa, he nuꞌu haka moe i te manaꞌu ꞌi ruŋa i a Ietū, ka ai atu i a tātou te Vārua Maitai, he meꞌe raꞌe i vaꞌai mai o te meꞌe mo vaꞌai mai e te ꞌAtua. ꞌI roto i a tātou e taŋi nei ki te hora mo haka takeꞌa e te ꞌAtua: he ŋā poki mau ꞌā ꞌāꞌana ꞌe he haka eꞌa e ia i te tātou hakari mai roto i te ꞌati.

1 Kōrinto 1:1

A au, a Pauro, haꞌataꞌa mo ⌊ꞌāpōtoro⌋ ꞌa Ietū Kiritō hai haŋa o te ꞌAtua, he ꞌaroha atu māua ko te taina nei ko Tōtene ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, haꞌataꞌa e ia mo nuꞌu ꞌāꞌana ꞌina e tahi hara ananake ko te nuꞌu o te kona taꞌatoꞌa haka moe i te manaꞌu ꞌi ruŋa i a Ietū, Pūꞌoko Haka Tere o tātou o te nuꞌu taꞌatoꞌa haꞌataꞌa e te ꞌAtua māꞌana.

1 Kōrinto 1:21

Te ꞌAtua, paꞌi, ꞌi tōꞌona mārama-rama ꞌAtua i kī ai: te taŋata e ko riva mo ꞌite ko ai a ia hai mārama-rama taŋata mau nō. ꞌE, ꞌi tōꞌona riva rahi, i manaꞌu ai mo haka eꞌa i te taŋata mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa hai haka moe o rāua i te manaꞌu ꞌi ruŋa i tāꞌana roŋo o ruŋa i a Ietū Kiritō, roŋo haka ꞌite e mātou, ka ai atu he meꞌe maꞌa-maꞌa nō atu e tahi mo te nuꞌu taꞌe haka moe i te manaꞌu ꞌi ruŋa i a Ietū.

2 Kōrinto 6:18

ꞌe he riro au he Matuꞌa mo kōrua, ꞌe a kōrua mo ŋā poki ꞌāꞌaku. Pē ira te ꞌAtua, i a ia te pūai taꞌatoꞌa, i kī ai».

Karatia 3:26

Hai haka moe mau nō i te manaꞌu ꞌi ruŋa i a Ietū e ŋā poki nei tātou o te ꞌAtua.

Ēfeto 1:11

I haꞌataꞌa ai i a tātou, ꞌi muꞌa ꞌā, e te ꞌAtua mo nuꞌu ꞌāꞌana hai Ietū Kiritō, he meꞌe i manaꞌu e ia mo aŋa. Te ꞌAtua, paꞌi, e haka tano tahi rō ꞌana i tāꞌana meꞌe haŋa ꞌe i tāꞌana meꞌe manaꞌu.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Fīripo 2:13

O te ꞌAtua, paꞌi, te haka poreko ꞌi roto i a kōrua i te haŋa mo haꞌatura ki a ia ꞌe te vaꞌai atu i te pūai mo aŋa o kōrua i te meꞌe mo koa ōꞌona.

Kōrosa 1:19

I a Ietū Kiritō te huru ꞌe te pūai taꞌatoꞌa o te ꞌAtua; pē ira i haŋa ai e te ꞌAtua.

2 Tētārōnika 1:11

ꞌO ira, ꞌi roto i te mātou pure, e pure takoꞌa rō ꞌana a mātou mo kōrua paurō te mahana. E ani nei mātou ki te tātou ꞌAtua mo hāꞌūꞌū atu, ki ai ai te kōrua noho iŋa tano o te nuꞌu haꞌataꞌa e ia māꞌana, ꞌe ki ravaꞌa ai kōrua, hai pūai ōꞌona, mo aŋa i te meꞌe riva-riva taꞌatoꞌa manaꞌu e kōrua mo aŋa ꞌo te ai o kōrua he nuꞌu haka moe i te manaꞌu ꞌi ruŋa i a Ietū.

ꞌEvereo 2:4

ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

Meꞌe Haka Takeꞌa 21:7

Te nuꞌu rē ki te pūai o Rukifero, mo rāua te ŋā meꞌe taꞌatoꞌa haka ꞌite atu era, ꞌe he riro a au he ꞌAtua o rāua ꞌe a rāua he poki ꞌāꞌaku.