Ēfeto 1:3 - Rapa Nui

³ Ki haꞌahana-hana tātou ki te ꞌAtua, he Matuꞌa o te tātou Pūꞌoko Haka Tere ko Ietū Kiritō, ꞌi te meꞌe era ko haꞌamaitai mai ꞌana i a tātou hai vaꞌai mai i te meꞌe riva-riva ai ꞌi ruŋa i te raŋi mo hāꞌūꞌū mai ꞌi te tātou haꞌere iŋa a tōꞌona ara ꞌo te ai o tātou ꞌa Ietū Kiritō.

Ēfeto 1:3 ပူးပေါင်းရင်းမြစ်များ

Ruka 2:28

I takeꞌa era e Timione, he hapai i tū poki era he haꞌahana-hana ki te ꞌAtua pē nei ē:

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Rōmano 12:5

Pē ira ꞌā tātou, te nuꞌu ⌊haka moe i te manaꞌu⌋ ꞌi ruŋa i a Ietū. Ka ai atu e rahi rō ꞌana a tātou, e tahi mau nō hakari, he hakari o Ietū.

Rōmano 15:6

mo haꞌahana-hana tahi o kōrua i te ꞌAtua, he Matuꞌa o te tātou Pūꞌoko Haka Tere ko Ietū Kiritō hai manaꞌu mau nō e tahi.

1 Kōrinto 1:30

Hai ia, paꞌi, e ai nei tātou ꞌa Ietū Kiritō. ꞌE hai Ietū Kiritō e haka tere nei a tātou hai manaꞌu ꞌAtua ꞌe e tano nei ki tōꞌona mata. Hai ia takoꞌa e ai nei tātou he nuꞌu haꞌataꞌa māꞌana ꞌina e tahi hara ꞌe he nuꞌu eꞌa mai roto i te pūai o te hara.

1 Kōrinto 12:12

Te hakari, ka ai atu e rahi rō ꞌā te kona, he meꞌe mau nō e tahi. Pē ira takoꞌa te Kiritō koia ko te nuꞌu taꞌatoꞌa haka moe i te manaꞌu ꞌi ruŋa i a ia he meꞌe e tahi mau nō.

2 Kōrinto 1:3

Ki haꞌahana-hana tātou ki te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia he Matuꞌa haka ꞌaroha i a tātou, ꞌe he ꞌAtua haka koa ꞌe haka pūai mai.

2 Kōrinto 11:31

Te ꞌAtua, Matuꞌa o te tātou Pūꞌoko Haka Tere ko Ietū, kope ki a ia ana haꞌahana-hana ꞌātā ki te hora hopeꞌa, ko ꞌite ꞌā e kī atu ꞌana a au i te parautiꞌa.

2 Kōrinto 5:17

Kope nō era o te Kiritō ꞌi te haka moe i te manaꞌu ꞌi ruŋa i a ia, he kope ꞌāpī e tahi; te manaꞌu ꞌe te noho iŋa raꞌe ōꞌona ko ŋaro ꞌā, ꞌe ko haꞌamata ꞌana tōꞌona noho iŋa ꞌāpī.

2 Kōrinto 5:21

Te Kiritō ꞌina e tahi meꞌe taꞌe tano i aŋa, ꞌe, ka ai atu pē ira, te ꞌAtua i haka ūtuꞌa rō i a ia mo te tātou hara, ki tano ai mo kī: a tātou, te nuꞌu haka moe i te manaꞌu ꞌi ruŋa i a Ietū, he nuꞌu tano ki tōꞌona mata.

Karatia 3:9

Pē ira te nuꞌu taꞌatoꞌa haka moe i te manaꞌu ꞌi ruŋa i a Ietū, he haꞌamaitai takoꞌa e te ꞌAtua pa he haꞌamaitai iŋa era ꞌā i a ꞌAparahama.

Ēfeto 1:10

ꞌi te mahana kī e ia. Rā meꞌe manaꞌu era e te ꞌAtua mo aŋa he haka riro i a Ietū Kiritō he Pūꞌoko Haka Tere o te meꞌe taꞌatoꞌa o te raŋi ꞌe o te ao.

Ēfeto 1:17

He ani nō tāꞌaku aŋa ki te ꞌAtua o te tātou Pūꞌoko Haka Tere ko Ietū Kiritō, ki te tātou Matuꞌa o te raŋi, i a ia te pūai ꞌe te nui-nui taꞌatoꞌa, mo vaꞌai atu, hai Vārua Maitai, i te mārama-rama mo aŋi-aŋi e kōrua i te parautiꞌa o ruŋa ōꞌona, ki māhani riva-riva ai kōrua ki a ia.

Ēfeto 1:20

ꞌi te hora haka ora i a Ietū mai te mate ꞌe haka noho i a ia ꞌi tōꞌona pāꞌiŋa mataꞌu ꞌi te raŋi.

Ēfeto 2:6

ꞌI te ai o tātou ꞌa Ietū Kiritō, e tuꞌu rō ꞌana pa he meꞌe ena: ko haka ora takoꞌa ꞌana e te ꞌAtua i a tātou ꞌi muri i a Ietū Kiritō, ꞌe ko haka noho takoꞌa ꞌana i a tātou ꞌi muri i a ia ꞌi te raŋi mo haka tere pa he ꞌariki ꞌi muri i a ia.

Ēfeto 3:10

mo takeꞌa aŋe ai, ꞌi te hora nei, e te merahi ꞌe e te vārua taꞌatoꞌa taꞌe takeꞌa e tātou, hai nuꞌu haka moe i te manaꞌu ꞌi ruŋa i a Ietū, te mārama-rama o tāꞌana meꞌe i aŋa mo haka riva-riva i te taŋata ki a ia.

Ēfeto 6:12

Taꞌe a tātou e moto ꞌā ki te taŋata; e moto ꞌana ki te tātane, te auraꞌa, ki a Rukifero ꞌe ki tāꞌana vaꞌehau taꞌatoꞌa ꞌina he takeꞌa mai haka tere i te nuꞌu noho ꞌi roto i te pōhāhā.

Fīripo 2:11

ki kī ai te ŋā meꞌe taꞌatoꞌa nei pē nei ē: he parautiꞌa mau ꞌā a Ietū Kiritō he Pūꞌoko Haka Tere o te meꞌe taꞌatoꞌa. Pē ira ka haꞌahana-hana tahi ena ki te ꞌAtua Matuꞌa.

ꞌEvereo 8:5

Te ŋā oromatuꞌa nei e aŋa ena ꞌi te kona tuꞌu pa he kona parautiꞌa mau era ꞌi te raŋi. A tātou e ꞌite ena i te meꞌe nei ꞌo te ai hora oho era o Mōtē mo aŋa i te ⌊Karapā Moꞌa⌋ mo haꞌamuri ki te ꞌAtua he kī e te ꞌAtua: «E uꞌi e aŋa tahi pa he meꞌe haka takeꞌa mau atu era ꞌā e au ꞌi ruŋa i te maꞌuŋa».

ꞌEvereo 9:23

ꞌO ira te Karapā Moꞌa era ꞌe te meꞌe taꞌatoꞌa o roto e haka maꞌitaki era hai toto. Te ŋā meꞌe taꞌatoꞌa nei he meꞌe i aŋa nō e te taŋata mo tuꞌu pa he meꞌe parautiꞌa era ꞌi te raŋi. ꞌE te meꞌe parautiꞌa mau era e haka maꞌitaki hai tūtia ꞌata hau rō atu ki te toto o te ꞌanimare.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,