3 Iovani 1:4 - Rapa Nui

⁴ ꞌIna he meꞌe hopeꞌa o te koa pa he meꞌe ena he ꞌite ōꞌoku pē nei ē: tāꞌaku ŋā poki e noho rō ꞌana ꞌi roto i te ara o te parautiꞌa.

3 Iovani 1:4 ပူးပေါင်းရင်းမြစ်များ

Karatia 4:19

E te ŋā poki haŋa rahi ꞌāꞌaku ē, pa he māui-ui ŋaroꞌa e te viꞌe aꞌu i te poki te māui-ui ŋaroꞌa e au mo kōrua ꞌātā ka ai rō te kōrua huru taꞌatoꞌa pē Ietū Kiritō ꞌā.

2 Timoteo 1:2

he ꞌaroha atu hai haŋa ki a koe, e Timoteo ē. A koe pa he poki parautiꞌa mau ꞌā ꞌāꞌaku. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua Matuꞌa, ꞌe o Ietū Kiritō, he Pūꞌoko Haka Tere o tātou.

1 Timoteo 1:2

he ꞌaroha atu ki a koe, e Timoteo ē. A koe pa he poki parautiꞌa mau ꞌana ꞌāꞌaku ꞌi te haka moe iŋa i te manaꞌu ꞌi ruŋa i a Ietū. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua, he Matuꞌa o tātou, ꞌe o Ietū Kiritō, he Pūꞌoko Haka Tere o tātou.

Karatia 2:14

ꞌO ira, i takeꞌa era e au ꞌina he tano tāꞌana meꞌe aŋa ki te parautiꞌa o te roŋo riva-riva o ruŋa i a Ietū, he kī e au ki a Pētero ꞌi muꞌa o te taina taꞌatoꞌa: «Mo ai e tano rō ꞌā mōꞌou, e te hūrio ē, mo noho pa he taŋata taꞌe he hūrio, ¿e tano rō ꞌana ia mo kī o tātou ki te nuꞌu taꞌe he hūrio mo haka tere i a rāua pa he hūrio?».

Firemono 1:10

he ani atu mo haka ꞌaroha ōꞌou i a Onetimoro. A ia ko tuꞌu ꞌana pa he poki ꞌāꞌaku ꞌe a au pa he matuꞌa ōꞌona he haka moe i te manaꞌu ꞌi ruŋa i a Ietū ꞌi te hora haka ꞌite e au, ꞌi roto i te hare maꞌuꞌaurī, o ruŋa i a Ietū.

2 Kōrinto 6:13

He ani atu ia a au, pa he ani iŋa o te matuꞌa ki tāꞌana ŋā poki: e haŋa mai kōrua, pa he haŋa iŋa atu ena o mātou.

1 Tētārōnika 2:11

Ko ꞌite takoꞌa ꞌana a kōrua pē hē a mātou i haka haŋu ꞌe i haka koa atu ai i a kōrua pa he meꞌe aŋa e te matuꞌa tane ki tāꞌana ŋā poki. Ko hatu atu ꞌā e mātou mo ai o te kōrua noho iŋa, noho iŋa tano o te nuꞌu o te ꞌAtua, kope kī mai ꞌi roto i te tātou māhatu mo oꞌo ki roto o te nūnaꞌa taŋata haka tere e ia, ꞌe ki roto i tōꞌona nui-nui.

1 Iovani 2:1

E te ŋā poki ꞌāꞌaku ē, e pāpaꞌi atu ena a au i te meꞌe nei ꞌo hara kōrua. ꞌE mo hara tāꞌue e tahi o kōrua, e ai rō ꞌana e tahi kope ꞌi muꞌa o te ꞌAtua mo vānaŋa mo te tātou ora ko Ietū Kiritō, ꞌe a ia he kope aŋa i te meꞌe tī-tika.

2 Iovani 1:4

Ko koa riva-riva ꞌana a au ꞌo te ꞌite pē nei ē: e ai rō ꞌana te tētahi nuꞌu o roto i a kōrua e tano rō ꞌana te noho iŋa ki te hāpī parautiꞌa o te ꞌAtua, pa he meꞌe kī mai e ia.