2 Timoteo 4:7 - Rapa Nui

⁷ Ko vaꞌai tahi ꞌana a au i a au mo tāvini ki te ꞌAtua, pa he vaꞌai iŋa o te vaꞌehau i a ia ki te mate ꞌi te hora o te tamaꞌi, ꞌe pa he kope ꞌāꞌati, ko tuꞌu ꞌana a au ki te hopeꞌa. ꞌIna kai haka tapa, ki te hora hopeꞌa, mai te hāpī parautiꞌa o te ꞌAtua.

2 Timoteo 4:7 ပူးပေါင်းရင်းမြစ်များ

Ruka 11:28

He pāhono e Ietū: —¡Te koa mau tāꞌau i te nuꞌu ŋaroꞌa ꞌe haꞌatura i te vānaŋa o te ꞌAtua!

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Iovani 17:6

»E Koro, ki te nuꞌu vaꞌai mai e koe o te ao nei i haka ꞌite ai e au ko ai mau a koe. ꞌĀꞌau rā nuꞌu, ꞌe ꞌāꞌau i vaꞌai mai, ꞌe, ko haka roŋo ꞌana ki taꞌa vānaŋa.

Iovani 4:34

He kī e Ietū: «Tāꞌaku kai he aŋa ꞌe he haka oti i te meꞌe kī mai e te kope uŋa mai i a au.

Aŋa o te ꞌĀpōtoro 13:25

I hāhine era a Iovani mo haka mao i rā aŋa, he kī: “Taꞌe ko au te taŋata ena e kōrua e manaꞌu ena. Nā e tuꞌu rō mai e tahi kope ꞌata hau rō atu ki a au, ꞌātā e ko tano a au ni mo kume nō i te hau o tōꞌona kirivaꞌe”.

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Karatia 2:2

I oho ai a au ꞌo te ai ko kī mai ꞌana e te ꞌAtua mo oho ōꞌoku. ꞌI ira i haka ꞌite ai a au ki te nuꞌu mau nō era ko rāua te pūꞌoko haka tere o te taina o Hērutarema o ruŋa i tāꞌaku roŋo hāpī ki te nuꞌu taꞌe he hūrio, mo aŋi-aŋi riva-riva e rāua: te meꞌe hāpī ꞌāꞌaku he parautiꞌa, ꞌo taꞌe hauhaꞌa rō tāꞌaku aŋa ka hopeꞌa ena.

Fīripo 1:30

he ꞌati nā e kōrua e ꞌamo mai ena ꞌo te haka ꞌite i te roŋo riva-riva o ruŋa i a Ietū ꞌi muꞌa o te nuꞌu e riri rō ꞌana mo te vānaŋa o te ꞌAtua. A kōrua, paꞌi, he mataꞌite pē hē a au i ꞌamo ai ꞌi rā ꞌati ꞌi muꞌa ꞌā, ꞌe ko ꞌite ꞌana ko te ꞌamo iŋa ꞌana a au ꞌātā ki ꞌaŋarīnā.

1 Timoteo 1:18

E Timoteo, e te poki ꞌāꞌaku ē, ꞌī a au he haka rē atu i te roŋo nei: pa he vaꞌai iŋa o te vaꞌehau i a ia ꞌi te hora o te tamaꞌi, ana vaꞌai takoꞌa koe i a koe mo haka ꞌite mo oho o ruŋa i te roŋo parautiꞌa o te ꞌAtua hai pūai o tuꞌu haka moe iŋa i te manaꞌu ꞌi ruŋa i a ia ꞌe hai manaꞌu riva-riva takoꞌa ōꞌou tano ki te meꞌe kī era e te perofeta o ruŋa i a koe ꞌi muꞌa ꞌā. ꞌE nā tētahi nuꞌu, ꞌi te taꞌe haka roŋo ki te rāua manaꞌu riva-riva, ko oho kē ꞌana mai roto i te ara o te ꞌAtua.

1 Timoteo 6:12

E vaꞌai tahi koe i a koe mo hio-hio mo oho nō o tuꞌu manaꞌu ꞌi ruŋa i te ꞌAtua ꞌe mo aŋa ki a ia, pa he vaꞌai iŋa ena o te vaꞌehau i a ia ki te mate ꞌi te hora o te tamaꞌi. ꞌIna ko haka pakoꞌo mai tuꞌu rima te ora ꞌāpī ꞌina he hopeꞌa raꞌa vaꞌai atu e te ꞌAtua. Mo ravaꞌa i rā meꞌe i toꞌo ai i a koe e te ꞌAtua ꞌi te hora kī ōꞌou, ꞌi muꞌa i te rahi o te mataꞌite, i tuꞌu haka moe i te manaꞌu ꞌi ruŋa i a Ietū.

1 Timoteo 6:20

E Timoteo, e maꞌu riva-riva te meꞌe vaꞌai atu e te ꞌAtua. ꞌIna koe ko haka roŋo ki te vānaŋa hauhaꞌa-ꞌore o te ao nei ꞌe ki te vānaŋa ꞌina he tano ki te hāpī parautiꞌa o ruŋa i te ꞌAtua hāpī e te tētahi pa he parautiꞌa.

2 Timoteo 1:14

E Timoteo, hai hāꞌūꞌū o te Vārua Maitai noho ꞌi roto i a tātou, ka hāpaꞌo i te hāpī parautiꞌa vaꞌai atu era mo haka ꞌite ki te nuꞌu.

2 Timoteo 3:10

ꞌE a koe, e Timoteo ē, ko ꞌite riva-riva ꞌana i tāꞌaku meꞌe hāpī, i te huru o tōꞌoku noho iŋa, i tāꞌaku meꞌe haŋa mo aŋa, i tōꞌoku haka moe iŋa i te manaꞌu ꞌi ruŋa i a Ietū, i tōꞌoku haumārū, i tōꞌoku haŋa ki te rua ꞌe i tōꞌoku haꞌaoromaꞌi iŋa i te ꞌati hai pūai

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.

Meꞌe Haka Takeꞌa 3:8

‘E ꞌite tahi rō ꞌana a au i taꞌa meꞌe aŋa. ꞌE e ꞌite takoꞌa rō ꞌana a au: haŋu taꞌe rahi tōꞌou. ꞌE, ka ai atu pē ira, ko te haka roŋo ꞌe ko te haꞌatura ko te oho iŋa ꞌā koe i tāꞌaku vānaŋa, ꞌe ko te haka moe iŋa mai ꞌā koe i te manaꞌu ꞌi ruŋa i a au. ꞌO ira, nā ꞌi muꞌa i a koe i haka rē ai a au i te ꞌōpani e ha-hata rō ꞌā ꞌe ꞌina he rua kope mo ravaꞌa mo puru.

Meꞌe Haka Takeꞌa 6:11

He toꞌo mai ia he vaꞌai ki rā nuꞌu hai kahu tea-tea mo uru, ꞌe he kī mo haka ora mo oho nō ꞌātā ka tano tahi rō te rahi kī era e te ꞌAtua o te taina, taina ka mā-mate takoꞌa era pē rāua ꞌo te aŋa ki a ia.