2 Timoteo 4:5 - Rapa Nui

⁵ ꞌE a koe, e ꞌite i te hāito i taꞌa meꞌe kī ꞌe i taꞌa meꞌe aŋa, e haꞌaoromaꞌi hai pūai i te ꞌati, e haka ꞌite e oho i te ⌊roŋo riva-riva o ruŋa i a Ietū Kiritō⌋, ꞌe e aŋa riva-riva taꞌa aŋa.

2 Timoteo 4:5 ပူးပေါင်းရင်းမြစ်များ

Māteo 25:16

»Te kope era i a ia te pae taꞌutini he haka aŋa i rā moni ꞌe he ravaꞌa e pae taꞌutini haka ꞌou.

Marko 13:34

Te hoki iŋa mai ōꞌona ka ai ena pa he hoki iŋa ki tōꞌona hare o te kope oho ki te rua henua. »Te kope nei, ꞌi raꞌe ki tōꞌona oho, he haka hāpaꞌo i tōꞌona hare ki te nuꞌu tāvini ꞌe ki rā nuꞌu i kī ai i te rāua meꞌe mo aŋa. Ki te kope ko ia te ꞌauario o te ꞌōpani i kī ai: “E uꞌi koe ꞌo haꞌuru rō”.

Marko 13:37

Te meꞌe nei e au e kī atu ena ki a kōrua, ki te taꞌatoꞌa takoꞌa a au e kī nei: ¡E veveri e ꞌara te mata!».

Ruka 12:37

¡Ko te koa ꞌō i te tāvini, ka tuꞌu era te taŋata ꞌāꞌana te haka aŋa, e ꞌa-ꞌara tahi nō ꞌā! ꞌĪ a au he kī atu: mo te taŋata mau era ꞌā ꞌāꞌana te haka aŋa, e haka noho i rā nuꞌu ꞌi ruŋa i te ꞌamuramaꞌa ꞌe e ao e vaꞌai hai kai.

Aŋa o te ꞌĀpōtoro 21:8

ꞌI te rua mahana he eꞌa a mātou mai ira he oho ki Tētārea ki te hare o Feripe, ꞌe ꞌi muri i a ia i noho ai. A Feripe he taŋata haka ꞌite i te ⌊roŋo riva-riva o te ꞌAtua⌋. A ia o roto o te ŋāŋata hoko hitu hāꞌūꞌū i te aŋa o te ⌊ꞌāpōtoro⌋.

Rōmano 15:19

ꞌe, takoꞌa, hai mana aŋa e au hai pūai vaꞌai mai e te Vārua o te ꞌAtua. Pē ira i haka mao riva-riva ai a au i te aŋa vaꞌai mai he haka ꞌite he oho i te roŋo riva-riva o ruŋa i te Kiritō mai Hērutarema ki te kona taꞌatoꞌa, ꞌātā ka tuꞌu rō ki Iriria.

Ēfeto 4:11

ꞌE ꞌāꞌana mau ꞌā i haꞌataꞌa, mai roto i te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū, i te nuꞌu ki a rāua i vaꞌai ai i tōꞌona pūai mo aŋa i te aŋa o te ꞌAtua, kē pa he ⌊ꞌāpōtoro⌋, kē pa he taŋata vānaŋa i te meꞌe haka ꞌite e te ꞌAtua ki a ia, kē pa he maꞌori haka ꞌite oho i te ⌊roŋo riva-riva o te ꞌAtua⌋, ꞌe kē pa he taŋata hāpaꞌo ꞌe hāpī i te taina.

Ēfeto 4:12

I aŋa ai a Ietū i te meꞌe nei mo hāpī ꞌe mo haka riva-riva o te nuꞌu nei i a tātou i te nuꞌu taꞌatoꞌa haꞌataꞌa e te ꞌAtua māꞌana, ki tano tahi ai a tātou mo aŋa takoꞌa ki a ia. Pē ira ka hio-hio ka oho ena a tātou te nuꞌu taꞌatoꞌa ꞌāꞌana,

Kōrosa 1:25

Ko haka riro ꞌana, paꞌi, a au i a au he tāvini o te nuꞌu nei ꞌi te hora vaꞌai mai e te ꞌAtua i te aŋa he haka ꞌite tahi i tāꞌana roŋo ki a kōrua ki te nuꞌu taꞌe hūrio.

Kōrosa 4:17

E kī te meꞌe nei ki a Arakipo: «E uꞌi e aŋa tahi te aŋa vaꞌai atu era e te ꞌAtua».

1 Tētārōnika 5:6

ꞌO ira, e tiaki e oho tātou ki te hoki iŋa mai o Ietū pa he nuꞌu ꞌite mo hāito i te rāua meꞌe kī ꞌe i te rāua meꞌe aŋa. ꞌIna a tātou ko riro pa he nuꞌu hāꞌuru, te auraꞌa, pa he nuꞌu taꞌe haka moe i te manaꞌu ꞌi ruŋa i a Ietū taꞌe tiaki ki a ia.

1 Timoteo 4:12

E uꞌi ꞌo taꞌe haka au rō atu ꞌo te ai ōꞌou he taŋata ꞌāpī. Hai huru o tuꞌu vānaŋa ꞌe o tuꞌu noho iŋa, hai haŋa ōꞌou ki te rua, hai huru o tuꞌu haka moe iŋa i te manaꞌu ꞌi ruŋa i te ꞌAtua ꞌe hai noho iŋa hara kore ana haka takeꞌa ki te tētahi nuꞌu haka moe i te manaꞌu ꞌi ruŋa i a Ietū pē hē takoꞌa a rāua ana ai.

1 Timoteo 4:15

E uꞌi e aŋa riva-riva te ŋā meꞌe kī atu ena e au, ki takeꞌa ai e te nuꞌu taꞌatoꞌa pē hē e aŋa e oho ena koe i te meꞌe haŋa o te ꞌAtua.

2 Timoteo 1:8

ꞌIna koe ko riꞌa-riꞌa mo vānaŋa o ruŋa i te tātou Pūꞌoko Haka Tere ko Ietū Kiritō, ꞌe ꞌina koe ko haꞌamā ꞌo tōꞌoku puru ꞌi roto i te hare maꞌuꞌaurī. Hai pūai o te ꞌAtua, mai ki haꞌaoromaꞌi ki oho i te ꞌati mo topa mai ꞌo te haka ꞌite i te roŋo riva-riva o ruŋa i a Ietū.

2 Timoteo 2:10

ꞌO ira a au e haꞌaoromaꞌi nei i te taꞌatoꞌa nō ꞌati mo te riva-riva o te nuꞌu haꞌataꞌa e te ꞌAtua māꞌana, mo eꞌa takoꞌa o rāua mai roto i te ūtuꞌa o te hara hai Ietū Kiritō ꞌe mo ravaꞌa mo noho ꞌi muri i a ia ꞌina he hopeꞌa raꞌa pe muꞌa ka oho ena.

2 Timoteo 2:3

E haꞌaoromaꞌi koe i te ꞌati ka topa atu ena pa he vaꞌehau haka kē ꞌa Ietū Kiritō.

2 Timoteo 4:17

ꞌĀꞌana mau nō i hāꞌūꞌū mai ꞌe i vaꞌai mai i te pūai mo haka ꞌite ōꞌoku i te roŋo riva-riva o ruŋa o Ietū Kiritō, ꞌe, takoꞌa, mo haka roŋo tahi mai o te nuꞌu taꞌe he hūrio. Pē ira te ꞌAtua i toꞌo ai i a au mai roto i te haha o te reone,

ꞌEvereo 13:17

E haꞌatura ki te pūꞌoko haka tere o kōrua o te nuꞌu haka moe i te manaꞌu ꞌi ruŋa i a Ietū. E haka rē mo rāua e haka tere atu. O rāua, paꞌi, te hāpaꞌo i a kōrua pa he nuꞌu ꞌite: pe muꞌa ka oho ena he haka ꞌite e rāua ki te ꞌAtua pē hē i aŋa ai i te rāua aŋa. Mo haka rē o kōrua i a rāua mo haka tere atu, he koa ꞌi te rāua aŋa ꞌe e ko ai he meꞌe paŋahaꞌa e tahi mo ꞌamo. ꞌE mo taꞌe aŋa o kōrua pē ira, e ko ai ia mo te kōrua riva-riva.

1 Pētero 1:13

E te taina, e ꞌara te kōrua mata ꞌe e ꞌite i te hāito i te kōrua meꞌe kī ꞌe i te kōrua meꞌe aŋa. E haka hio-hio te kōrua manaꞌu ꞌi ruŋa i te meꞌe o te ꞌAtua ka vaꞌai atu ena hai riva rahi ōꞌona ꞌi te hora o te hoki iŋa mai o Ietū Kiritō.

Meꞌe Haka Takeꞌa 3:2

Ka ꞌara ka haka pūai te meꞌe toe ena i a koe, he meꞌe ꞌina he roa toe he mate. Ko takeꞌa ꞌana e au: taꞌa meꞌe aŋa meꞌe taꞌe tano ki te mata o te ꞌAtua.